"Ka kawr hαk kha i duhzawng ani em, Theo min leisak anih kha." Amit meng rúl ang maia ver vek chuan min melh kal a.
"Mah...mahse ka pa khαn Theo leh Trey thih kha aduh emaw ka lo ti a." Ka ti ve sap a.
"A duh leh tawhlo chu anih hi maw, tùnah chuan arrangement kha kalpui an tum leh ta zâwk anih hmel, i duh chuan ka bridesmaid ah i ṭang thei ang, engpawh ni se, chhun chaw ei tura ka chhuah angai, Theo nen inhmuh kan tum a."
A kalchhuak leh ta a, engvαnga ka rilru tina tura chung thu chu mi rawn hrilh nge maw anih le? Ka mittui chu adir nghαl zung zung a, awmngaihna pawh ka hre lo.
"Damn you Theo, in zavaiin ka haw hluah hluah che u." Lungchhe vαnkai leh beidawnna thúk tak nei chungin ka ṭap hlap hlap a, ka lungchhe lutuk leh ka rilru na kehsawm chiang lutuk chu tumahin min hnem theih pawh ka ring lo.
Ireland lamah ka kir leh angai tak zet, Theo ana Cassandra ahan nei mai tur hi ka ring theilo hial zâwk, mahse engtin nge Ireland ah chuan ka kir leh theih ang, ka pa in ka passport akawl daih mai leh nghâl, nge ni Irish Embassy ah direct in ka kal tawp zâwk mai dawn? Theo leh Cassandra inneihni ah chuan ka awm theih ka ring kher lo, ka benga an innei ani tih thawm hriat pawh hi ka duh lo.
Kawngkhar chu arawn inhawng leh a, Jimbo rawn lut chu thip zet hian ka lo melh kal a, "Eng nge i duh?"
"I thil eitur ka rawn lâksak mai che a nia, i ril alo ṭam tawh em?"
"Mimawlpa he hmun aṭang hian min chhuahtir ringawt la anih chu, inbual te ka mamawh a, thawmhnaw fai inbel te pawh ka mamawh bawk." Thinrim zet hian ka tih khum phiar phiar a.
"He hmun aṭang hian i pa rawn haw hma chu i chhuak dawn lo ani tih hi ring tawp mai rawh."
"Anih engtikah nge alo haw hrep ang? Hetah hian ni engzah chhúng nge mi in khung tawh hi!"
"Vawiin lamah te chuan alo haw ve tawh mahna, chuan i chungah hian ahlim hauhlo bawk ang tih hi hre rawh."
"Engvâng chuan maw? Eng thil nge katih leh tâk." Ka mengkual ralh a, ka awmdan hi ka kham tawh tak zet.
"Engmah tilo ang chuan awm tum duh lo ting mai rawh, Theo nei tura thu pék ini a, mahse chu pawh i tithei silo."
"Oh, Jimbo he hmun aṭang hian chhuak rih phawt mai teh, thildang chu nakin lamah kan la ngaihtuah ani ang chu!" Ka chal ka dawm deih zauh a.
Thilthlen dan engkimah hian ka beidawng ngawih ngawih tawh.
Ka thil eitur chu chu hmuna bungraw awmchhun side table ah chuan hûngin akal chhuak leh ta a, tumah hi ka ring leh thei ngai tawh lo ang, achhan chu angkhat vek annih avângin.
Ka nu chu ka ngai ngawih ngawih, ka nu bula awm hnai a ka inhriatna ber chu Ireland a ni, mahse chu pawh ti tur chuan engmah tih theih tunah tak hi chuan ka nei rih lo, ka beidawng ngawih ngawih mahni inkhawngaihna in ka khat a, lungchhe zet chuan ka ṭap ta zawih zawih a, ka tih theih atlem lutuk avâng chuan mahni inkhawngaihna hlorin ka khat bawk.
THE BRONZE DRAGONS WEARHOUSE ...
TREY....
Wearhouse ka office a camera vel ka lo enfiah mawlh mawlh lai chuan Detriit arawn lut a, "Thil eng emaw hriat chhuah i neo tawh em Trey?"
"La neilo, Tetence hian tun thlengin min la rawn call lo, chu vâng chuan anmahni bei tura kan thawhchhuah tawh mai hi aṭha berin ka hre tawh." Ka ti a.
"Ka pawm e, anih leh khawi aṭang berin nge kan han ṭan ang?"
"An safehouse aṭangin ani ang chu, achhan chu Teeence hian Theo hi aina dah ṭha tur khawpin a ât duh ka ring hauh lo."
"Hemi chung chângah hian kan fimkhur viau erawh angai ngei ang, tùnah hian Theo dinhmun wngmah hriat kan nei bawk silo nen." A ti veleh sup a.
"Nilo, Terence hian Theo hi athat rih hauh lo ang, chu ai chuan kei hi min thah aduh hmasa daih zawk ang." Thâwk ka la nghâl hawk.a.
"Ka hria asin, Theo hi hruaichhuah tum phawt ila chumi hnu ah kan bei chauh dawn nia, kan beih hma ngeiin Theo hi hruai chhuah hmaaak phawt kan tum ngei tur ani." Ati veleh a.
"Engtin nge chu chu kan tih theih anga Detroit?"
"Ka chiang chiah bìk lo, amarawh chu eng emaw thil lo ngaihtuah fel ka tum dawn nia."
Ka cigarete chu ka phawrh a ṭan kaiin ka hìp ta vang vang a, ka rilru buai nuaih nuaih te chu chu chuan atih ven deuh hlek ka beisei.
Detroit phone chu arawn ri a, loud speakerah dahin apick nghâl vat, "Hello."
"Terence i tawmna kua aṭang hian engtikah nge i rawn vah chhuah dawn tih hi kan lo ngaihtuah mek asin."
"Detroit ka lakah ṭha taka i ṭawngkam i hman angaih ngei ka ring, achhan chu he inrokhawmtu tur ka kawl pa thluak burah hian ka silai mu ka thunluh hma ngeiin."
"Hreptak che chuan, khatiang khan i ti ngam hauh lo ang tih hi ka hria alawm!" A vin ṭha kher mai.
"Kati lo ang maw?" Anui chhuak huk a, "Chutiang rinna nei tur chuan risk i lák huai viau angai ngei ang, mi nunna lâk tihlamah hi chuan pawisak ka nei tlem viau a nia."
"Theo kha i that anih vaih chuan hre rawh, i ti zo sa tawh ah i inngaihmiah dawn nia, chuan engvanga i thil duh hi sawi mai lo nge i nih?"
"Chuti ang zawng chuan maw ni a? In boss kha ka mamawh, chuan kan thlak thleng ang, inboss kha ka hnenah inrawn hruai anih chuan in ro khawp tur hi ka chhuah ang."
"Chu chu athlen ring duh suh!"
"Phone kha min lo pe teh!" Ka ti hrawih.
Thâwk lak hawk pah chuan phone chu min pe a, "Terence, Theo kha rokhawm tu tur anih ang ngeiin alu a asam zaikhat pawh in ti ṭil anih chuan ka that khawp ang che u, inzavai khan ka that vek ang che u." Vìn zet hian ka ti nghál hrâwk.a.
"Bailey kha invauna i ṭawngkam aṭanga rawn phuhchhuah rìk ngawt pawh kha i tân chuan ahrasa ṭalh tawhin ka ring, ahma a deal kan neihah khan deal neihpui i harsa em mai a."
"Kha deal kha nangmahin anihkha avawihnihna kha chu tichhia che, min kah tawh hnu ah tu in nge deal la neih pui duh reng che a i rin, eng thil nge i duh chiah tih hi tlang talin sawi ringawt mai rawh."
"Oh, kha chu a awlsam viau in ka hria, ka duh ber chu ka han hrilh ang che, Theo hi ka mamawh reng reng lo, heti ang tlangval la naupang tak ang phei hi chu ka ngah lutuk, ka thil duh ber chu Theo nen hian in dingmun hi inthlâk thleng ula ka duh, Theo hi ka chhuah ang a, nang ka nei thung ang che, chu chu i duh chuan."
"Deal." Ka ti hmuk a.
"Hetiang hi i tih ka ring rèng a ni, ka duhthlanna chu i zawm ngei pawh ka duh ang." Phone chu athi ta hmak a.
"Boss hei chu chét lâk dan ṭhalo takah ka ngai." Detroit chu Terence ka chhân dânah chuan alungawi hauh lo tih ka hria, mahse chu lo chu kawng dang awmun ka hre lo a ni.
"Detroit eng nge ka tih tih hi ka hria e, khatin Terence hi ka inman tir mai mai hauh lo ang, Theo kan lama a awm veleh kan bei zui nghâl tur a ni."
Detroit chuan ngawirengin min kal san ta a.
Detroit chu Trey achhuahsan hnu chuan Clegg leh Hunter lo dinna lam chu apan phei a, "Eng nge thil thleng a awm tawh em ni?" Clegg chuan alo ti thuai a, an ngaihchan ber pawh Trey leh Detroit hi an ni réng bawk a.
"Boss chuan Terence deal aneih pui anih chu." Adar achhĭn pah ûk a.
"Eng deal nge?" Hunter chuan arawn ti ve vat bawk a.
"A mah leh Theo chung chángah."
"A va âtthlák duh âwm ve a chu?"
"Jaden chungah hetiang hi thleng ve ta se, kei pawhin Trey tih ang tho gian ka tih ve ngei ka ring." Hunter erawh chuan ati ve thung a.
"Heti ang lamah chuan kei chu ka upa tawh mah mah in ka hria." Detroit chuan a chal dawm nguih pah hian ati a. "Mahse midang ho kha hrilh ula, andinna hmun ṭheuha awm turin ti rawh u." A kalaawn zui ta nghαl a.
SOFIA....
Ka room kawngka chu arawn inhawng a, well, enta che, saw kan zawhte pawh arawn luh tâk zâl zâl saw, ka pa lo lút chu thîp zet hian ka lo melh a.
"Buaina namai lo tak i tâwk ni in ka lo hria a." Ahmel leh a aw ngaihno beilo zet chuan arawn ti lùt nghâl a, mahse ka pawisa tawh lo, ka tawn tur ang ang chu tawng vat vat zawk ila aṭha in ka hria.
"Chutiang chuan tu in nge saw?"
"A pawimawh ber lo ve, mahse i vannei khawp mai, ka mood afuh hlauh a." A nui vur vur a, ka ngaih aṭha lo hial zawk.
"Eng nge a awmzia, he room ah hian ni engzah chhung nge kalh hnana ka awm tawh tih pawh hi i hre tawp nαng."
"My dear dawhthei tak zelin aw, kan ti zo ṭép tawh a nia."
"Eng chung chânga zawhin maw, Cassandra khân Theo aneih dawn vângin em ni kan zawh dawn?"
"Chu chu tu in nge sawi a?"
"Cassandra in asawi, chuan Theo in Cassandra ahruai chhuak lai ka hmu bawk a, khati ang khan i tilo ani tih hi i sawi thei ang." Ka ti hmarh hmarh a.
"Hei hi sawi ta ila, Cassandra hian Theo hi ahmangaih ve hauh lo, nang ina i tih loh ang takin." Ka pa chuanrum.zet hian min melh khur a, ka râp záwk mah.
"Theo kha ka hmangaih bìk hauh lo." Vĭn zet a ti ve in, ka thusawi chu ka chuunzawm nghal a, "Min haw lutuk tih hi ka hria a, mahse engvânga mi kal tir mailo a, he hmuna mi ladah cheu nge maw i nih le?"
"Ka haw hauh lo che, mahse ka chunga i rinawm leh rinawmloh hi ka hmu duh mai chauh a ni."
"Uhh, anih min haw lo i ti a maw, ahma a mi i lo enkawl dan leh invauna ṭawngkam ka chunga i hman ṭhin zawng zawng te kha i mi hmangaihna kan ti dawn tihna em ni chu?" Ka mitko sân khum deuh ák oah chuan ka tih khum ve hlak a.
"Engtik hunah nge i hmui kha chìp tur tih hi zir ang che, Sofia, i nu ang chiah kha i ni, ani pawh khân engtik hunah nge ngawih tur tih hi ahre ngai miahlo a nia, tŭn aṭanga reilo teah hian i rinawmna hi dawt ani nge nilotih chu kan hre chhuak thuai tawh ang."
"Eng nge chu chu a awmzia?" Ka thin aphu deuh dat dat a.
"Ila hrechhuak thuai turah ngai ang, chumi chhùng chu thuawih takin awm lo tum ang che, chuti lo chu inhnuai thim lamah khung bet che in hruihrual min hman tir hlauh palh ang e."
Ka pa chu a inher nghut a, min chhuahsan leh ta daih a, kawngka pawh ka kalh leh theihnghilh lo khawp mai, chu hmunah chuan ka khawvel chu zim leh zual hian ka hria.
Terence chu Sofia ankhungna room aṭanga achhuah leh hnu chuan, inhnuailam apan thla nghâl a, Jimbo nen chuan an inbe ru ta sup sup a, "A tâwp atâwpah chuan Trey Bailey chu kan nei dawn ta tihna ani maw?" Hmel hlim zet hian Jimbo chuan ati su su a.
"Hun ṭha tam tak lo thlen hun hi tu innge nghâk reng ṭhin kha?" Terence meuh pawh ahlim kher mai, akhuvur tawh mai ani.
"He hun alo thlen hun tur hi reitak chhùng ka lo nghâk ṭhin tawh asin, tùnah chuan indawrna kan ṭan hma in, thil eng emaw tih lawk tur ka nei, Theo kha i lak aṭangin khawiah mah lo kalsawn tir hauh lo ang che."
Jimbo chu abu nghut nghut a, Theo an dahna lam chu apan ta nghâl a.
THEO....
Ka harh chhuak ka awmna chu ka hai deuh thut a, ka hawi â ṭép, mahse ka taksa na ṭhum mai leh duk thleh thuah ka hmuh tâkah chuan ka awmdan chu ka hre chhuak leh kuarh kuarh a, Jimbo te ho khân min khawih tak e, ti chuan min tân tir chiang bawk a, he hmunah hian engtia rei nge ka awm tawh ? Engmah hriat ka nei lo, kawngka chu arawn inhawng a, Jimbo aw ngei mai chuan, "He i nunna chung chângah hian i daddy chuan deal neih arem ti ta e."
"Fuck you." Ka ti hul hawk, ka dang aro ém èm a, ka taksa chu nalo lai reng a awm ka hre lo bawk, ka taksa pum mai chuan min tur ut ut hian ka hria, harsa ti zeta inbeng kâng hrâm hrâm chungin ka ṭhu chhuak a, chu hmun chu arimchhe kher mai, chitiang boruak ro lo hnâwngchurh leh rim thur zet nei chu tân in bâk ani lo tih ka lo hre tawh ṭhin a ni.
"Nanghi emni Terence hnunga biru ṭhin midawihzep deih an sawi kha?"
"Ka dawihzep anih chuan nihleh ngatinge ka man theih si che?"
"In tihdan ang hi mi inringlo lai hnunglam aṭanga bei tura thu pek kan dawng ve ngailo, nangni chu hnunglam aṭanga invehin leh mi inrinlohlai chiah a bei ngam khaw enlai a lang chhuak ngam lo zânlama sazu angmai a chèt la ṭhin kha inni miau a, adin pawh inding chang reilo ang, keini anga mi huaisen dân leh dùn fel taka neithlap ho hi chu kan rei tawh zia hi i hria em? Nangni chu han ding chang ve zauh mah ula dan leh dun engmah inneih tak tak.loh avângin intlu leh thuai tho ang." Ka tih khum ta érh a.
"Trey Bailey nen deal inneih zawh hunah duh leh kan tlu nghah kher ngailo in i rawn la tukthlu hlawm dawn nia."
"I chiang tak zet maw, hetia keimah nen chauh a awm fal te hi i hlau lo em ni?"
"Khati ang taksa chawr che zet din pawh dingchhuak hlei theilo bulah hi chuan ka him.
tâwk viau chuan ka hria." Za zet hian anui chhuak a.
Ka rilru chu ahah kher mai, ka pa chuan anunna nen ka nunna thleng atum tihna maw ni a? Engtin nge he hmun hi ka chhuahsan theih ang? Ka tan kawng a awm hauh lo, chu thil ka ti dawn ani tih anhriat avânga hetia mi sawisa chiam hi an ni réng bawk a, mahse kei dam chhuakin ka pa nuna hian atawrh erawh ka phal miah lo ang, tlânchhuah dan ka duh lutuk, mahse ka taksa chu ache ṭha theilo mai pawh nilo in silai eih pawh ka nei si lo.
Thil eng emaw tak ka ngaihtuah erawh angai in ka hria, ka theih pa tâwp chhuahin ka dingchhuak thei hrám a, ka natna te chuan min tut ut ut mahse ka pawisa tur ani lo, "Khumah khαn mu leh nghâl vat rawh."
Ka luhai ka tlu tép in ka hria, chu khum ṭawp takah chuan ka ṭhu thla leh hnawk a, "Ka rawn kir leh vat ang, lo che sawn miah sug ang che."
"Fuck you." He hmun aṭang hian engtin hrep chuan chhuak dawn i ni maw?
THE BRONZE DRAGONS WEARHOUSE...
TREY...
"Zanin hian Junk yard hmunah trade kha kan ti dawn anih chu!"
"Engvαngin nge chu hmunah berkher?"
Detroit lam chu ka hawi a, "Chu chu anhnen aṭanga address ka dawn dan ani, khawi hmunah pawh ni rawhse kan ti thei vek tho a ni lawm ni?"
"Kha chu ruahmanna tha tak ani lo in ka hria." Cooper chuan ati hruih a.
"Duhthlan tur dang kan nei lo." Ka tih khum hmuk. "Theo nen trade kan ti vat vat ang a, chumi hnu ah kan attact nghâl bawk ang." Ka ti leh nghut a.
"Tùnah chuan ka thusawi dân ṭhin in i sawi niin ka hria." Clegg chu anui vur vur a.
"Theo hian hliam atuar pawh ani maithei a, ahmasa berah chuan hmun him lam kan pan hmasak pui phawt angaih ka ring." Detroit chuan ati leh chuar chuar a.
"Hunter nangin Theo an rawn hruai veleh kan safehouse lamah Callie te ka dahna hmunah khân lo va hruai la, tuchuan i rawn lét leh dawn nia."
"Anih chuan Taylor ka lo call anga, kan safehouse lam pan nghâl turin ka lo hrilh nghal ang."
"Cooper i ti ṭha e." Ka ti a.
BRONZE DRAGONS SAFE HOUSE...
98 AVENUE..
ALEXANDRA...
Choka lamah chuan ka phei a, ka nu chuan phone ka pa chu alo be mawlh mawlh a, "Trey min tiam rawh." Ka ding chawt ka ngaithla ve ta kar a.
"Ok, fĭmkhur hle rawh u aw."
Kei pawhin ka hmangaih che." Ka nu chu ahmel ahlim lo kher mai.
Phone chu acut zo ṭhuthlengah chuan aṭhu thla hnak nghâl a, abula va ṭhut thlαk ve pahin, "Ka pa em ni i biak kha?"
"Aw, ni e, sweetheart, asawi dan chuan hetah Hunter, Theo rawn dah turin arawn kal ang a, Taylor pawh arawn thleng vat ang arawn ti anih chu, i pa chu aṭha em em ang tih hi ka chiang a ani."
"Theo chuan Sogia chu azawng hmu ta em nih leh?"
"Dear ka hre hauh lo, i pa in chuti ang lam chu asawi lang lo reng reng, engvângin nge i muthilh ilo va tum mai loh ang ni?"
"Ka mut achhuak lo tlat, movie en i duh em?"
"Ok, han thlang ta che, ka nu chuan ati ve mai bawk a, kan film entur thlang turin ka tho chhuak ta thuai a.
THE FANGS ....
"Boss engkim peihfel tawh a ni maw?"
"Hei hi hre reng rawh u, Trey hi anleader ber anih angin inbeihna tello chuan ankal tir dawn mai mai lo ani tih hi hre reng ang che u."
"Bronze Dragons beihna dawl tur ṭhah vek khân lo inbuatsaih vek bawk ang che u." Terence chuan ati a, athil tih tumah chuan afĭmkhur hle tih pawh ahriat, Trey Bailey chu engti kawng záwng mah a chhuah atum lo hrim hrim.
"Kal ang u le, Theo kha lo rawn hruai chhuak u la, kan inpeih ahun tawh tak zet in ka hria."
THE BRONZE DRAGONS...
TREY...
"Kan inpeih vek tawh maw?"
"Kan chhuak ṭép tawh."
Detroit lam hawi pah chuan, "Theo nunna rinchhan a, tluang taka thil tih tum kan ni a, chuvang chuan engtiklai pawh a inring renga kan awm angai ang, achhan chu Fangs ho hian trick pawh hαi pawh anpawisa dawn hauh lo tih kha hre reng ang che u."
"Keni hian line cross theihloh ang chi te kan nei em?" Detroit bawk chuan ati leh khauh a.
"He inbeihna hi thihna nen a inzawm reng ani tih hi hre rawh u, engmah line cross tur a awm lo." Ka ti ta a.
Kan inhmuh khawmna kan tih tâwp hnu chuan kan inpuah chah ta sap sap a, kan pawl uniform thawmhnaw dum kan inbel lohna pawh arei ta e, mahse tùnah hian kan inbel leh angai ta chu a nia le.
Ok, engkimah hian hnu leh a awm thei lo, nunhlui pawh a awm thei chuang lo, thâwk ka la hawk a, kan dress dum chu ka inbel ve ṭan ta a.
Detroit chu arawn lút a, "Boss i inpeih tawh em?"
"Aw, i ti ṭan ang u hmiang." Hma ka hruai ta nghâl a.
No comments:
Post a Comment