SEDUCTIVE CHAPTER 7

SEDUCTIVE CHAPTER 7

Alam chu ka hawi chhuk a, menkual khum rulh pah hian, "Túna i hâk hi ka personal secretary uniform anih hi."


"I Secretary maw?"

Amak ti hmel chu ka mitko ka sân khum âwk ringawt.

"Ngawi lawk teh......"


Fuck, he hmeichhia hi a â mah mah tih ka hre chiang ta khawp mai.


"I personal secretary a ka awm angin min ngai dawn tihna maw ni a?" A mengphawk kher mai, ka nuih ati za lek lek, heti ang a hmuh hi alawm nuam ka tih ém ém, amakti hmel mengphar vak ṭhin hi kei chuan hmuhnawm ka ti tlat.


"Aw, tùna ṭang chuan ka personal secretary i ni tawh ang, chumi ah chuan buaina i nei em ni?"


"Ti nge?"

"I hlim loh hmel ém a, I waitress hna âi khân hlawh lah ka pe tam daih zâwk dawn leh nghâl che."


"Kha chu aṭha lutuk, mahse eng vângin nge? Kei nilo midang thawk tur antam âwm hle si a." A zâm avâng chuan a sen deuh ṭân ṭân a, ahmél put dân chu hmuhnawm ka ti takzet .


"Engvângin nge ka tih loh che ang a?" Ti a ka melh chhuk lai tak chuan,a heh hnuai lam chu apet deuh zauh a, a chal adawm zauh bawk a, aheh apet leh ta, hrep tak chuan.


"Ngaihtuahna mumal mi put tir loh hi i tum ve deuh thin hrim hrim chuan ka hria." Ka tih khum ve sup a.



"Eng nge?"


"Ngawi hmak la, he ka office hi chhuahsan ringawt mai rawh."
Chutia ka tih mai loh chuan ka lo insum ve na zawng zawng te chu he aheh apeh zeuhna hian min tihchhiat sak palh mai ang tih ka hlâu.


"Mi chhaw pa."


ELEANOR.....


Damnit, he pa bula ka awm mai avânga ngatinge ka taksa te chu amúr ar ar ṭhin mai le? Eng thil nge ka tih zawh tâk pawh ka hrethiam lo, mahse chu pa sâng ṭha zet mai leh mitmu grey rawng paw ruih mi hìp thei zet ina min melh chhuk apiang chuan ka taksa ah danglamna eng emaw tak athlen ziah chu a nia le.


Thâwk harsa ti zet hian ka melh chho a, "Mi chhaw pa leh." Ka tih khum hmak.


Ugh, he pa hi, midang aia chungnung zâwka a ingaihna hian min tibuai fo ngei ang.


Rum zeta melh chhoh râm râm pahin ka inher khum nghat a, kawngkhar chu pawt hawngin, ka chhuahsan ta daih a.

Ka chhuak chiah ka phone arawn ri a, ka pick nghâl vat, "Hey, Lola eng nge ni ta?"


"Hna bânah chuan ilo kal thei dawn ta em? He thilah hian i puihna ka mamawh tak zet a nia."

Thâwk ka la hak a, "Tehreng mai, ka rawn kal dawn nia."


Chumi ni chu document hrang hrang eng eng emaw leh file tam tak enfel nân hun ka hmang a, Wesley chuan hna athawk rim viau in ka hria, zing lama kan inbia tih loh kha chu kan inhmu leh tawh lo hrim hrim,  a office chhung chu vawikhat té mah arawn chhuahsan ka hmu tawh lo.


Midang zawng aia super boss rawn nih chhoh chu atum niber in ka hria, hetiang ang ém ém hian tumahin hna anthawh rim âwm pawh ka la hre ngai lo.


Tlai lam a thleng ve ta hrâm e, haw pawh ahun reih rawih tawh khawp mai, mahse ka haw hma in Mr.Cooper chu hrilh phawt ka tum ta a, ka hrilh lo anih chuan ahmâisen min hmuh leh duh maithei a ni.


A office lam chu ka pan leh ta a, kawngka ka kik karh karh, angai te ang bawkin min chhâwn tu an awm chuang lo, ka hawng leh tawp a, ka valuh chuan afile enlai aṭang chuan arawn hawi chhuak a, remchânga lo lâk vat pahin, "Ka kal tawh mai dawn asin."


A ṭhutna aṭang chuan arawn tho chhuak a, azìk mar ṭalh ṭalh hnu chuan ka lam arawn pan phei a, "Vawiin lam hun hman dân tur ruahman i nei deuh em ni?"


Ka ṭhiannu ahna ah ka pui ang chu ka lo ti a." Min rawn melh chhuk leh tαk avαng chuan hnuai lam ka melh nghαl thuai a.


"A nih chuan i kal thei tawh ang, hei atlâi lam ve tawh alawm."


"Nang hi min pui tu ṭha tak i ni a, la awm rih pawh pawi ka ti chuang hlei ném." Chu thu ka sawi lai ngei pawh chuan ka zâm ru hlé.


"Oh, chuan engtikah nge naute adopt chung chángah khan kan inbiak theih ang?"


Ka chal chu ka kutin ka dawm khum ngâih a, Ka hre lo le." Thâwk ka la pah halh bawk a.

Ala ngawih rún thung avαng chuan ka chhânna chu a pawm hauh lo tih ka hre mai, "Nidang ah kan la sawifel mai thei lo em ni, vawiin chu nang nena inhnial dunna neih hi ka duh lo a nia."



"Oh, keipawh in le, mahse kan sawi dun ngei erawh ala ngai ngei ang."


"Zanin hian khawiah maw i awm dawn a, ilo awmna tur address chu min hrilh la?"


"Eng vângin nge ka hrilh che angaih?"



"Nakinah ka rawn lam haw theih nan che pawh ani anga, chuan naute chung chângah khαn kan inbiak fel angai ngei bawk ang."


Ka ṭhian ti a ka sawi avâng khαn alung a awi leh loh phah vekin ka hria, ahma a ka ṭhian ti a ka sawi khαn ati lungnilo viau tawh si a. "Mipa thinrim sam tak chu i ni ve chiang alawm." Ka tih khum nghat.


"Chutiang zâwnga min ngai anih chuan aw kan ti mai a ni ang chu, chuti ang chiah chu ka ni ngei bawk ang."  Min nuih khum sâwng a.

Lola address phúrlo zet a ka pék hnu chuan a office chu ka chhuahsan ve ta hrâm a.

Ka car park na lam pan chuan hmanhmawh zetin ka tlân phei hlawk hlawk a, car chhùngah chuan ka ṭhu lut a, chahbi rawlh lûtin  ka tlân chhuak ta nghâl a.


LOLA HOUSE....

Lola in ka va thlen hnu chuan ahna thawhna lamah ka kal tlanga, chutah chuan a awm ka ring sa bawk, he hmun hi hun ahman tamna ber ṭhin anih avângin a in pângngai tak zâwk hi chu ka lût vak lo, ka rin ang chiah chuan ani pawh alo awm ngei réng a, "Heta i rawn kal thei chu alawmawm hle mai." Mi rawn pan phei pah chuan alo ti nghâl chûl a, ahmelah pawh alawm tak tak ani tih hi ahriat.


Ka mengkual khum ralh a, Lola chu kal pèlin tui bottle adahna lam chu ka pan phei a, tui ti zet hian tui chu ka in nghâl khalh khalh a, ka tui inhnem lutuk chu mi nuihzat ni awm zet hian min melh a, "Eng nge?" Tui ka inzawh hnu chuan ka melh kal nghâl.


"Uhm, i boss chuan tui pawh inhman lo khawp khawpin ni maw achhawr che a?"


Engtin mah ka chháng lo, "Aw le, tih tur kan ngah teh mai a nia, chuan chumi kan thawh zawh hnu ah, huana pool lamah kalin kan taksa kan ti hahdam thei tawh ang, eng nge i ngaidân? " Amah bawk chuan ti lehin amit mim rawn siai khum zauh a.


"Vawiin chu tui chén pawh ka peih vak ka ring lo, mahse mim sáwm avαngin ka lawm tho e." Châu tak chung hian ka tih khum ve raih a.


"I châu hle mai maw, i mitmengah khân alang reng alawm."

"Lola ka dark circle i hmuh theih vâng chauh anih ka ring."

A nui ta hak hak a, "Dik chiah, ka sawi tawh ang khân i boss chuan achhawr nasa viau che ani ngei ang, huh!"


 "Eng chung châng nge maw i sawi hrep chu le?" Chauh nén athusawi kal hmang chu ka hrethiam kher mai, mahse chuti ang mi erawh ka nihauh lo thung!


"Oh come on,inbeng dai teh! Kei te chuan ka hriat chian ém che hi maw, ka fiamthu mai mai anih kha."


"Khα ta kha thawmhnaw ka dah a, va inbel phawt teh!" Atih zawm nghâl zat a, ani chuan acamera lam chu abuaipui nghâl mawlh mawlh a.

"Héng te chu engatân nge?" Ka thawmhnaw hâk tura min kawh hmuh mak sak tak tak chu ka let kual ka let kual a.


"Uhmm, ka lo ngaihtuah a, midel tam tak ai hian inalh záwk tih hi ka hria ania, chuvâng chuan model hmanah ka indaih lo deuh a, nang hian chùngah chuan mim pui dawn a ni."

"Nilo." Tiin  a âu nghαl ṭhat.


"AAAARGH." Thinrim zetin arum chhuak hraih.

"Lola eng nge ni ta?"

Ka pan phei nghαl vat a, "Ka camera lens ka thlauh chhia." A ti zuai raih.


"Well, anih te chuan adang hmang leh mai la." Ngaihsam fe  hian ka ti a.


"Tùnah tak hi chuan adang ka nei mai lo, kal chhuah a ka photographic ṭhian te aspare an neih leh neih loh ka zawh angai ang, anih loh chuan adang ka lei mai pawh angaih ka ring." A thaw chhuak hak a.


"Oh."

"Eng vângin nge tùnah kher?" A âu ṭéng hlar a.


"Ngaihtuah duh suh, Lola, ka lo nghâk thei lutuk che."


"Ka lawm e, Elo." A chala thlanfìm rawn bawl ṭak ṭak chu a kutin ahru pah zuai a.


"Ka rawn kir leh har loh hrám ka beisei, ka rawn rei hauh lo ang." Hmanhmawh zet chuan atlân chhuak ta nghâl a, Lola studio chhungah chuan tih tur neilo hian ka tei kual mai mai a, chu arei tawh fe hnu ah pawh chuan Lola hmél rèng hmuh tur ala awm lo, tulverh kal kawng lam lanna chu ka melh deuh sek tawh mai a, chutiang tih tur neilo a awm chu ka thil huat zâwng tak.

Makeup awmna lam chu ka pan phei a, ka inchei ta vak a, make up hi ka uar teh chiam lo achu tùn atân chuan hun khawhralna ṭha takah ka ngai.

"A chungah engmah thlenglo hrâm turah ngai ang....." ka phun chhuak sap.


"Ugh, ka awm dân hi ka haw tak zet." Ka teikual fe tawh hnu ah pawh chuan ala rawn kìr hauh lo.


"Aw le, kei mahin tui chu ka lo va chéng mai ani ang chu."


Thawmhnaw dahna lam chu ka pan phei a, swim suit dum plain tawp chu la chhuakin ka inbel mawlh mawlh a, Lola chuan pawi ati lo turah ngai phawt teh ang, pool awmna lama phei ka tum chiah kawngka an rawn kik ta dat dat a, Lola anih ring zet chung hian, Lola i Studio chhùngah phalna i lâk kher angai hlei nem." Kawngka pawh hawng duh hran lo chuan ka âu lâng lâng a, kawngka chu arawn inhawng a,ka phu deuh zawk, Lola ani hauh lo. "Kei chuan phalna ka lâk ngei angaih ka ring." Wesley aw chhâng lek leh thâwpsat chuan tiin arawn pén lùt nghâl a.

Ka bul arawn thleng phei titih nghαl." Mr.Cooper i lokal dawn tih kha ka lo theihnghilh  hman daih tawh asin." Inthiamlo ru tak chuan ka ti chhuak sap.


"Ngaihtuah duh duh suh, hriatrengna i nei châu viau tih hi ka hria asin." A mitko min sân khum áwk a.

"Kha chu vawiin chhùng zawnga kan inbiakna zîngah chuan ahawihhâwm thlâk ber âwm e." Ka dar ka sân khum deuh âk a.


"Kha thil ha chung khân eng nge i lo tih réng réng a?"


Ka chhîp aṭanga ka ke ler thleng mai chuan amitmu paw deuh chuai chuan ngunthlúk zet hian ka taksa chu aenkual chhuak dap, asam dumhlap mai leh tléma thur deuh chhap chuan atilang sexy phian.


"Tùn maiah khαn pool lama kal ka lo rilrùk a, hei mahse nang chu ka bulah i awm leh ta si a." Ka zαmna hmél thup tum tak chuan ka tih khum ve nghat a.


"Hmm." Arum chhuak nghut.


"Tûnah tak phei hi chuan naute lam pang phei kha chu ka la sawi pui theih rih che ka ring lo." Zâwi leh zual chuan ka ti leh sap a.


"Engvαngin maw?" A sam chu atuai thur belh leh zual sauh a, a nalh tulh tulh.


"Achhan chu Lola in ka photo amamawh ang ala nei tlat lo, heti ang lam pang hi duh lo viau mah ila Lola hi puih nân a vawi khat vel ka thla lo lαk tir chu pawi ka ti hran lo va."


"Ka hre thiam e...." a meng nûr deuh hlek a.


"Well, anih chuan lo tihbuai che chu ka duh hauhin ka ring lo, pool lamah chuan i kal thei ang." A kuta phone ahûm reng chu abih leh daih tawh.


"I remtihna ka mamawh miah lo ania aw, mahse apawi chuang lo e." Ka mengkual ralh a.

Pool lam pan chuan ka kalsan ta daih a, chu oa bula ka awm remg chuan ka buaichhe leh zo vek ang tih ka hlâu, ka insangmar ṭeuh zél leh nghαl, boruak thianghlim intih zângkhâina tur ka mamawh ngawih ngawih.


WESLEY COOPER POV...

Chu in ka luh aṭanga Eleanor taksa nalh tak leh lang tam zet mai ka hmu chuan eng emaw ti tak hian ka awm a, Wesley he nu hi ngaihven loh hrâm tum teh! Engvânga abula i awm mai avαng ringawt a hetia danglam ziah nge maw i nih mai chu le.


Thildang ngaihtuah ka duh lutuk, ka theilo, Eleanor bathing suit nenna awm chuan ka ngaihtuahna zawng zawng aluah khat vek.


Oh, hrep tak chuan he nu taksa nalh tak hian min hîp hle tih chu ka pha thei hauh lo ang.

A kalna lamah chuan ka zui ve lo thei lo, huan lamah chuan akal phei a, ka zui ve zél, pool hi alo awm a, azuangthla per chiai a, karlo ah chuan ataksa nalh zet leh zén zaih chu tuiin achiah huh thuai a, a bathing suit hâk chu kar lovah huhzawr ve nghâlin chu nu pian nalh tak maiah chuan abet ta thlar a, Wesley thildang lam.ngaihtuah hauh suh!

"C'mon Wesley."
Mi nuih sak pah hian arawn αu lαng lâng a.

Ka menkual khum rulh, "I ngam anih chuan tuiah hian rawn zuang thla ve la." A nui pah rah rah a.

Eleanor min flirt tihna em ni?


Khawdang hawisawn chu ka duh dân a ni, mahse ka thei lo, ka kal hnâi sauh a, tui a Eleanor awm chu ka melh chhuk leh a, alo ṭhensâng leh nghâl, a nui hmél chu aṭha kher mai, aha var ṭhah mai chu alang chiang hlé mai, chumi chawihtur tak chuan aheh chu asen vâm ham bawk a, eng nge ahriat ni make up pawh ahmang nasa ve hle mai, chuti taka make up hmang chuan ka la hmu ngai hauh lo, mahse ainhmeh phian bawk.


Min rawn enlai tak chuan ka lo melh ve remg bawk a, hun reilo te chhùng chu kan mit leh mit aintawng siah a, khaw dang réng kan hawi sawn lo.


Hei hi amah nena thildanglam tak tihna hun diktak chu nion ka hria, kan la tawn loh leh kan la hriat dun ngai loh hunnuam tak hmanna hun ngei chu, mahse.....mahse chutiang mai mai atαn chuan he nu hi ka phal thei ngai lo ang, hmeichhe dang ka lo kawp ṭhin ang anilo tlat, chu chuan ka thil tih tum ka lo ngaihtuah rilruk chu min ṭhulh tir leh nghαl a, hmangaihna ka neilo, hmangaihna pawh ka hre lo, chuti ang mi keimah ang chu Eleanor hi anih ve ka ring lo bawk.


"Nangmah in i rawn zuang thla dawn nge ni a, keimahin ka rawn namthla zâwk dawn che asshole?" A nui pah ar ar a.


A thu sawi chuan chona min pe tlat, "Hnathawh na hmun pawh nilo mahse i boss ka nihloh hi i ring em ni a?"


"Ok, ka siamṭhat theih ngei ka beisei."


"Mr.Cooper, túnah hian hna thawhtur i nei a nia." Min nuih khum leh rah rah a.


"Tùnah hian ka ngen ache, tuiah hian rawn zuamgthla la, kan pahnihin nuam talin hun hmang dùn ang."

Eng chu nge maw ahriat a, zanin hian engvαnga mi flirt reng mai nge maw anih chu le?


A mi cho na chu ka hnar thei ngang tawh lo, ka thawmhnaw chu ka phelh sawk sawk a, ka boxer nen chuan tuiah ka zuang thla ve ta a, tui chu aper nasa hle leh nghαl, "Wesley." Atui hâk chu akhuh deuh khak khak a.

Ka panhnâi sauh thung, ka panhnâi zél a, kan taksa chu a in si thaw thαng tawh, chu chu ka duhdân tak.pawh a ni.


"He swim suit hi i inhmeh viau in ka hria." Chìk zet hian ka melh chhuk reng a.


"Ka lawm e." A sen chhuak ṭân ṭân.


"Engvânga lawmthu min hrilh nge i nih, ka dahsâng viau che em ni?" Tih sup pahin ka kŭn hniam leh sauh, ka kut chuan abiang tawm tawnah ka dawm sak a.


Pool atuilum chuan ka taksa te chu atih lum belh sauh hian ka hria, "Hetia ka tâna ka dahsân che hian aṭha berin ka ring, chu chu i ngaihtuah lo em ni?"

"Elo, hetia i bula ka awm mai avâng hian engvângin nge i sen chhuah vek zél ?"

ELEANOR POV....


Oh, ka nick name in min ko ve khang lαng, chu a aw pâ hrαk mai a ka hming alam thâwp deuh sat chu arîk dαn asexy ngawih ngawih bawk.


Wesley sam dum hlap tui ina atih huh avαnga huh chap mai leh a chal lama rawn tla chhap mai leh ahmùi huh hlap mai te leh a dar vel leh adul khuar lai tuiin a atih huh avânga tui mal te te la châm bâng phang mai te chuan ka taksa ati mùr ar ar a, ka kaiza tha te chu zawi nghαl veka hriatna ka nei bawk.


Hetiang mai maia a awm pawh hian ahot viau a, ahot tulh tulh bawk .

Muangchângin min rawn hnaih phei a, tlém in atawlh hnung leh hrut a, ka hmazáwn takah chuan dingin avawikhatna atαn...a vawikhatna atân tak tak a hmui hnuailam chu min peh sawih khum ta a, a rawn kùn hniam a, ka heh bul maiah chuan ahmui chu rawn dahin a rawn thaw lum ham ham a, ameng phi deuh chuai bawk, WESLEY COOPER HIAN MIN FAWH ATUM TIHNA EM NI? Oh, ani theilo, ka tân chuan aṭha mah mah.