SEDUCTIVE CHAPTER 6

SEDUCTIVE CHAPTER 6

Mahse alimit erawh atâwp palh ang tih ka hlau ru zek zek thung! Matt chuan engvânga afiam velna chu aduhlo ani tih hrethiam ve mai lo nge anih? He thil hi ka tihtâwp angai ang, chutilo chu zan in la la hian thilpawi thleng palhin tu emaw tân chuan zân hun ṭha lo tak athleng palh ang tih chu ka hlâu tak zet.


"Hey, Wesley inbeng dai rawh."  Tiin Wesley chu huaisenna nén ngam leh ngamlo chuan  ka va kuah ta tawp a.


WESLEY POV....



Eleanor chuan mi dinhnaihin nghet tak hian min rawn kuah a, ka âwmzâwnah chuan inbengdai tura mi hrilhin aphun chhuak sap bawk a, mahse ka ngawi reng thung! Kha mi ni kan infawh kha ka la hre reng, khata ka awmdân danglam zia kha sawifiah thiam har ka ti, ka taksa chu he nu taksa nél thep mai hian ati khawng thei tlat, chu thil chu ka la tawn ngailoh thil makdanglam tak a ni bawk.



A taksa lum ham ham chuan chhúngrilah vawhna min pe tlat, chu chu ka hriatna thazâm zawng zawng chawk buai vek thei tu thil danglam tak a ni bawk.




Tùnah ngei pawh hian kan taksa chu inrem zaihin a in nghéng dun chial a, chu chuan thil mak danglam tak ka la tawn ngai hauh loh inhîp tawnna chu athlen leh mèk chu a ni si a, mahse he kan pahnih inhip tawn na hian a tak ram.thlen tir lo hram.se tih chu ka duhthusam ber a ni.




"He i thawmhnaw rawn inbel hian kinder school a lût ṭhin naupang uniform a an thu ka hrilh tawh che em?"



Min kuahna aṭang chuan inla hrangin,"Ka lawm e, Mr.Cooper." a heh nalh tak sexy tâwk leka pawrh târh chu min ner sâwi khum deuh nâng a.



"Elo,ka lo ngaih ve dân chuan thawmhnaw eng pawh inbel la i mawi pui vekin ka hria."



Nui sâng chung chuan chu pa lam chu ahawi phei a, "Matt ka lawm e." Kei erawh chuan ka melh thíp kher mai.

Khawngaihthlâk zâwk chuan, ka mengkual khum rulh.


"Kal tawh ang u, zankhua hun ka nei hauh lo a nia." Ka ti ta hmuk a.

Pawna ka car dahna chu kan pan a, driver seat lam ka pan hma chuan copilot ṭhutna chu Eleanor ṭhutnan ka hawn sak nghâl a, makti zeta mi en deuh hau pah hian, "Ka ngaihdan chuan mihausa zet limousine meuh nei pha chuan driver aneih ka lo ring thla ve ngawt a."



"Chuan ...anmahni rawihna man pawh atam viau bawk a ti raw? Achhan chu thil âtthlâk deuh deuh tiin an bill vak vak bawk ṭhin a, a dik em?" Ti a chhun zawm.ve nghalin za lem lo tak hian ka ṭhen pah suk bawk a.


"Anih leh Mr.Cooper hemi zawh aṭang chuan ka waitress hna kha ka hmu lét leh tawh ang ti raw?" Thudangah chuan a pakai nghâl a.


Engtin mah ka chhâng lo, kal kawng tluan chuan kan ngawi ta rauh rauh hlawm.a, nuamlo chu an ti ve deuh hlek.a ni ngei ang.

kan kalna hmun tur kan thleng tawh bawk a, car chu tidingin kan chhuak ta hlawm a, "He party na hmunah hian eng nge kan tih dawn?" Eleanor chuan min en chhoh deuh hâ pah hian ati a.


Mike chuan kan bul rawn thleng nghâlin, "Hey, buddy i lo kal maw?" A rawn ti ve nghâl a.

"Aw, chuan he hmeichhia hi ka bulah ka hruai tel ve ang."


"Wow, hmeichhe ho chu bikini nen, uhh, heti ang hi ka miss duh hauh lo." Matt chu hmeichhe ho awmna lamah chuan akal sawn ta daih a.



"Ka lo zui zel ang." Mike chuan ati vat a.

Ka búk khum nghut, "Yo, man lo nghαk lawk teh!" Matt chu a ùm zui ve nghαl a.


ELEANOR....

Matt awmdân chu ka haw ngawih ngawih, zanin te chu nungchang ṭha zeta a awm ka rin ve tehréng nen, mahse chumi pawh nilo in hei tûnah hmeichhe dang sexy ahmu a, min kalsan leh ta daih chu a nia, ahahthlαk ṭhin mang e, hmeichhe sexy hi chuan engtik lai pawhin amit an la reng dawn chu a nih hi! Ka beidawng ru kher mai.


"Engtiklai pawhin a naupanchhiatna ati lang reng ṭhin chu anih kha maw!" Ka ngaihtuahna hre ve niâwm takin Wesley chuan min rawn tih khum kher leh nghâl a, ka thin ati rim sauh.


"A ni aia i pâ viau chu inring duh chuang suh, nang angin alar in ahausa velo tih mai chauh ani e." Ka tih khum hlak.

"Ka lar hauh lo, Wesley Cooper ka ni a, kei anga hmingthang hi ka pian hma in anla awm hauh lo bawk." Chapo hmél zet hian a hawisáng larh bawk, ka huat tâwk hi atling ém ém ringawt.


"I nu hming eng nge?"


"Ngawi hmak rawh." A aw chu abung ṭha hlé.


Min hnungchhawn daih bawk a, aphone akhawih leh mual mual tawh bawk, khuh deuh kharh kharh pahin, "Hey, anih leh hetah hian engthil ti turin nge min hruai?" Ka ti leh a.


"Ngawi lawk teh!" Thinrim zetin ka enchho a, ka kut ka hûm ruh ve ngar bawk a, "I vahan zaktheilo tak, he hmuna hmeichhe ho zawng zawng hian party thawmhnaw leh pawnfen chhìng tak tak vek an inbel ani lo'm ni?"


A phone chu ka hmaizâwnah rawn lekchhuah pah hian, "Eng maw, i thusawi kha han sawi nawn leh teh, ka lo ngaithla miah lo."


"I fiamthu thawhnán min hmang chiang mai, i sawi dán khân thawmhnaw elegant tak ha turin min ti kha ani si a Wesley Cooper, mahse han enteh, i mawl hle mai." Ka thinrim lutuk chu ka khûr der der bawk a, ka sawi tum.tak pawh ka sawi chhuak thei lo.

"Well, ka lungngaih chânga minti nui tu tur video ṭha tak tùnah chuan ka nei ta e, tûn aṭang chuan he thil hian min ti nui reng ṭhin tawh dawn anih hi."


"Mawlna leh naupangchhiat hi i inhmeh tâwk chiah alawm, túnah chuan min han hrilh tawh teh.... He hmunah hian eng nge ka tih dawn tih hi? Chuan engvânga helai hmuna sport car tam tak ding ṭhup nge anih tih nén hian?"


"Ka ngaih ang αi daihin i chhawih mai ka ti, car race ka sawi awmzia kha eng angin nge i ngaih réng réng a?" Ka zawhna âtthlαk tih hmél zet chuan min rawn melh chhuk a, a hnαr atum deuh dut bawk.


"Ka lo ngaihdαn chuan car race chauh kan en dawn maw...." Ka hmúi ka hup chαih,  ka hre chhuak ta, "A teuhlo mai....Wesley....ngawi lawk teh..." ka ṭawng bah nawk nawk, anih lah chu alâwmah atla ni ngei tûr ani, nui hmél apu vawr mai leh ta nghâl, ka hlâu thαwng ta kher mai, he thil hi thleng lul suh se.



"A ni thei lo." Ka kut chuan ka biang tawn tawnah ka dawm a, Wesley chu rαpthlâk ti zet hian ka melh kawl kawl bawk.


"Oh, yes babe." A nuam tih hmél leh lutuk chu ka béng chawrh chák .


"I ti hauh lo ang, a ngam pawh i va ti ngam zâwk ve a? Hetiang αtthlαk taka car hi i khalh nâ chuan i pa in athat duh hial ta ve ang che." Ka ti chhuak ta chúl a.


"Mr. Cooper heng car zĭnga pakhat te mah hi i khalh dawn lo réng réng." Chu thil atihlohna tur ringawt chu ka ngaihtuah tawh.


"Anihna takah chuan keimah chauhin ka khalh dawn réng réng lo, hmeichhe sambuang pre school akal ka co pilot tur a awm dawn a, chu chu co- pilot seatah a ṭhu bawk ang." Anui chhuak hawk hawk a, tûn dinhmunah tak hi chuan anui ri te chu râpthlâk ka ti zo vek tawh.

"Eng thil.....hnâilo mai." Ka tihkhum leh tuarh a.


"Princess no te lokal rawh le, ahun viau tawh a nia."

"Nilo, ka lo kal ve theilo."


"Uhh, i hna kha le? I mamawh viau emaw ka lo ti mai a,i mamawh vakloh chuan a pawi chuang lo."

Ka ngâwi rán a, he hna hi ka mamawh lutuk, tùnah tut tut phei chuan hna dang zawng turin hun ka nei rih lo, ka tân chuan hlawh aṭha èm ém bawk, ugh, he pa ka lo tawng fu ta kher kher kha inchhìrna hlìrin ka khat tawh.


"A nih leh ka lo kal ang e." Ka ti chhuak ta sap a.


"Good girl, i tih ka ring réng a." A nui khi vawr mai leh nghαl, ka haw hluah hluah.

A car khalh tur chhùngah chuan kan ṭhu lút ta a, ka thin aphu dawt dawt nghαl, ka thidang mai ang tih te pawh ka hlâu ngawih ngawih, ka mawng azâ nghâl vek, car race a antlân chak ṭhin zia chu TV lamah ka lo hmu ve tawh ṭhin a, ka múr ar ar thei hial, "I tlân chak anih vaih chuan ka that chiang viau ang che." Ka'n ti thla ngawt pek a.


"Engvâng hrep chuan maw, sport car ah hrim hrim darkar khat ah 30 km/h in engvângin nge ka tlân ang a?"



"Mr.Cooper ka hlâu." Ka ti khúr dar dar a, ka khabe chu vawt tih vâng nilo hian ain khαwng hlak hlak bawk.


"Min ring nge ring lo?" Min melh pah rulh a.


"Dik tak chuan ring chiah lo." Ka ti thei hrâm.

"Well, ka ngaihven hran lo." Hmalam chu ahawi ta daih a, a khabe ruh inzawmna lai chu apâwng deuh ṭalh ṭalh hian ka hria.


"Hemi hnu hi chuan ka hna ka hmuh lét theih tawh ngei ka beisei."


"Race an ṭan tawh, rangtakin i seat belt kha hréng vat rawh."


A thusawi chu ka zαwm chiang hle, rangtakin ka che ta thuai a, pâwn lamah chuan hmeichhe pakhat hi a âu rinna nen a âu ta lauh lauh a.


"Race chu a inṭan ta e, 3.... 2...


"He ka thil tih hi ka inchhìr nghαl der."

"1.... run." hmeichhe pakhatin 1 ti a asawi veleh Wesley chuan car chu adawk chhuah tir nghâl zawk, ka phu chiang lutuk, ka thâwk lai chu a châwl chiang kher mai, ka íp zawk bawk, car chu athlâwk nimai hian ka hria, "ΑAAAARGH,"


Kan tlαn chhùng zawng chuan ka maimitchhìng tlat a, rilru ṭawngṭaina ka nei mawlh mawlh bawk, engtikah tak tâwp ang maw , ka ngaihtuahna te chu abuai vek, ka hlαu lutuk chu thih daih ka châk tak zet.


Atâwp atâwpah chuan kan ding ve ta hrâm e, ka luak te chu achhuak bûr a, ka khawhmuh aphe vek bawk a, ka lu ahai chhû bawk, car aṭanga zâwi muang a ka chhuak chhar chhar chu nuihzat hmél zet ami lo en pah hian, "Kan tlân lai chhûng zawng khân i nun a ila tawn loh thil thar vek anih ngei ka ring a ni." Ngei awm zet hian ahmui sexy zet chu min tih sawih khum sâwng mai leh nghâl a.

"Chutiang chu ni ve in i inhria em Miss. Garcia?"
Engtin mah ka chhâng lo, chutianga ami déusawhna ṭawngkam lo dawng sawng tur chuan chakna thahrui pawh ka nei tawh hek lo. "Ka lu ahai lutuk." Tih chiah ka sawi.

"Hmm." A thaw hawk ri chu ka hre reng, alam pawh hawi ṭha peih lo chuan ka hnungchhawn a, "Ka luak mai dawn in ka hria...."

"Thil hi anihna bâk bâk hian sawi vak vak ṭhin teh suh!"


Nawmloh nâk alaia chutianga min han puh khanglâng chu le, alamah chuan ka inher nghat a, "I mi sawi anga thu uar chîng pawh ka ni lo, khati anga car khalh chakah khân ka la chuang ngailo ani mai alawm." Thinrim avânga mitmeng linghlar chuan ka melh chho a.


A phone ah chu phawrhin abih leh nghâl a,mi pawh arawn en leh tawh lo. "Ok, anih chuan naktûk dar sarih ah ka officeah rawn thlen hman tum ang che."



Ka harh nghâl sawng sawngin ka hria, "Chumi awmzia chu ka hna ka hmu lét leh thei tawh dawn i tihna ani ngei ang." Ka nui pah sâng a.


Engmah pawh sawi leh tawhlo in min kalsan leh daih, "Son of a bi...." ka hmui aṭang chuan ari full teuh kher mai.


Ka kaw chhúng aṭang chuan min rawn hnawh up up a, ka paih chhuak ta nghek a, ka lu arawn hai zual sauh a, ka khawhmuh athim thut a, engmah hriat zui ka nei tawh lo.

WESLEY....


Ka hawi lét leh chiah chuan Eleanor tlu lai chu ka va hmu a, amah ngaihtuahna nén hlâuthâwng tak chung chuan abul ka thleng phei vat a, a lo tlûkna bul chu arim chhe kher mai, arui anih ngei dawn hi, ka pawm phei a, ka car pângngai co-pilot seat lamah chuan ka ṭhut mut tir a, rualrem taka a awm theihna tur in a seat chu ka tihâwn sak bawk a, pilot seat lama ka ṭhut fel hnu chuan ka en deuh vung vung phawt, achauh hmél kher mai, Eleanor taksa chu tûnah tak hian achâu in a zawi ngawih ngawih chu ani si a le, anungchang pawh aṭha phian ta ve ang, ataksa lama ka kut ka kal phei tir lohna turin ka insûm hrám hrâm, Wesley heti ang thil hi i ngaihven ngai loh kha, hmeichhia i mutpui duh anih chuan hetiang ang chi nilo one night stand mai mai te chu i hma ah an intlar ṭhep ṭhup reng alawm, chûng ho ah chuan hlimna leh i lungawina te chu zawng zâwk ta che. Ka thaw pah hawk a, ka bula ṭhu hmeichhia chu ngaihven loh hrâm hrâm tumin car chu ka start a Eleanor te in awmna lam ka pan chuan ka inkhalh chhuak ta a, tûnah chuan azia awm tawh ngei ang, alu hai chau kha atlu ve mai mai pawh ani ang e, chuloah a muhil mai mai tawhin ka hria, athâwk rìk sαk sâk danah pawh ka hre mai.


He nu hi ngaihven loh luih ka tum tlat ṭhin a, mahse ka theilo tulh tulh, abula ka awmlai chuan engah mah ka ngailo ani tih hi ring se ka duh a, chuvânga ngaihven lo lui ngat pawh ka ni ṭhin, mahse he lemchanna hian engtianga rei nge adaih dawn erawh ka hre bìk chuang lo.

Eleanor te in awmna bul chu kar lovah kan thleng phei a, ka car khalhlai chu ka tidingin ka melh vang vang phawt a.


"Hey nang kha."



"Hmmm."

A tihdân ṭhin ngai bawk, duhthawh zeta fawh nawk nawk ka châk kher mai, hetia ahan rûm deuh ṭiah ṭiah hian kei mahah phûrna nasa zet min thlen ṭhin, Thil âthlâk tak ka tih tak tak hma a ka tih harh vat angai ngei ang. "Harh teh!"

"Heihi i in ani lo'm ni?"


"Zanlamah vawikhat chu ka lo kal tawh a, mahse chutihlai chuan mipa khat zurui zet mai alo awm a."


Peihloh hmél zet hian arawn mengchhuak a, "Aw, hei hi a ni e."


He nu hi chu amak danglam ve hle chuan ka hria.


Kan pahnih chuan kan chhuak duna, an in luh chhohna step bula kan dinlai chuan ka en chhuk zauh a,"I ṭha tawh em?" Ka aw a amah ngaihven lohna lang thei ang ber tur chuan ka ti a.

""Weley hetilai thleng thleng a min hruaihawn avâng hian ka lawm e."

"Ngaihtuah duh suh, i hlawh ah ka cut dawn tho alawm."


"KA LAWM E." A thinrim hmèl kher mai.

A inher nghat a, mi hnungchhawn nghâlin, an instep lam chu a pan chho ta ngâuh ngâuh a.


"Nang kha!" Tih ri a hriat leh avâng chuan lungawi vak lo hian leh ner deuh nâng chung in ka awmna lam chu arawn hawi thla leh a, diktaka sawi chuan alawm vak lo tih ahriat reng, achhan pawh khatia ka thlah mai avânga a hlawha ka cut tûr thu ka han sawi leh zet kha chu mihausa tak uikawm pawisa nei viau mahse apawisa ho chu midangah athlâwn a paihral mai mai lo chi ah min ngai ngei ang.


"Eng nge i la duh cheu?" Min men nûr khum nâng a, a lungawi lo hlé bawk.


"I vawikhat goodnight kiss ka nghâk maw le."


"I fiamthu chu ani ém lo maw?" Min tih khum hlar a, thinrim zetin min melh râm râm bawk.

"Fiamthu ka duh lo." Ka ti ve nghut a, tûn ang tluka ka thutak ṭum hi ala awm hauh lo ang.


"A pawimawh viau em ni a?" Beidawn hmél zet hian a chal adawm pah ngâih a, aheh nuailam chu apet leh zauh bawk.



"Goodnight kiss chu i ti dawn nge ni a, ti lo in túnthla i hlawh hi hmuhloh i duh zâwk?"


"Hei hi inzarbuaina tiin kan sawi thei ang em." A Chek pah hlak.


"I  ngaihdân ang ang chuan ngai rawh, mahse kei chuan eng emaw ît vâng tiin ka la sawi duh tho mai." Ka mit ka siai khum zauh a, nui hmél pu vawr chung hian min rawn fawh hun ka nghâk rûn bawk.



Thawk ala ri hak a, mi rawn panhnaih pah leh tûm deuh bâr pahin adingdihlîp deuh âk âk a, afawh rem tur taka lo dawhin ka lo kûn hniam ve thung a, a heh lum thar thar ném tak si chuan ka biangah min rawn fawhsak ta zauh a.

Nuam kati kher mai....he hmeichhia hian ka rilru leh ka thinlung vawt tak ṭhin chu lumna ape thei tlat, hetiang thil hi ka tawn lohna arei lutuk tawh, hmeichhe tam takin héng thil mai mai hi chu min pe nasa tawh lutuk, mahse chúng ho chu ka tân engmah an ni ngailo, ka nu ina mi mangṭha nana ka biangah leh ka chala min fawh sakna kha ka hre reng ṭhin, khatihlai khân himta ngawih ngawih a inhriatna pawh ka neih phah bawk, chuti ang chiah chuan he hmeichhe min fawhna hian keimah ah maktak maiin lumna min pe thei tlat a ni.



"Good evening Mr.Cooper."

A inher a, akal tawhna ngaiah chuan min chhohsan leh ta a, kawngkhαr aluh fel thleng chuan ka thlìr reng a, ka bianga min rawn fawhsak lai tak khân lo pawthnáia ahmui a ka fawhsak lohna turin ka kut che sawn tur chu ka húm ngawt ngawt anih kha, Wesley he hmeichhe bula i awmdân hi i sawifiah thei em? Thei hauh lo mai, he nu hian ka taksa ah danglamna eng emaw tak athlen ka tilo thei lo.

Eleanor aluh fel hnu chuan ka car lam chu panin chaktakin inlam pan chuan ka inkhalh haw leh ta a, naktuk lo thlengtur chu ka nghâk hlel viau bawk, he nu surprise ka pék ṭhinna leh makti tak hmelpu a ka siam ṭhin hian min ti hlim tlat, chuti ang chu naktúk hian ka hmu leh ngei dawn bawk, ka nui chhuak hawk a, Eleanor ka ngaihtuahna avânga rilru hlim zet chung chuan ka room lam ka pan ve ta a.


ELEANOR....

Inchhúng ka luh hnu chuan ka inngaihtuah neuh neuh a, kei hi Wesley athil ît chu ka ni ve tak zet em? Tih chu keimaha zawhna lian ber a ni, khâ thu kha engvânga sawi chhuak nge anih ka hrethiam lo.


Well, mahse zanin hun ka hman dân zet kha chu ka tân zαn hlimawm tak niin ka hria, engvânga he pa hian ka lungngaihna leh hreawmna ka theihnghilh theihnαna thil ti ṭhin nge anih ang? Ka tân hian ahlu a, ahlu mah mah tlat.

Ka room lam ka pan chhoh lai tak chuan ka patea aw hriam zet leh vìn tak avâng chuan ka ding chawih." Khawiah nge i kal chhuah hrep?"


Ka inher lèt a, "Uncle George ka chhân che aṭûlna ka hre hauh lo."


"Kha mipa abianga i fawhsak lai kha ka hmu reng che alawm."


"Min lo enthla a maw?" Ka phu deuh zawk.


"Kha mipa lakah khân min bum tihna ani maw?"


"Ka bum hauh lo che, ka patea i nih hi!" A mi treat dân hi ka haw hluah hluah, ka mittui chu atling nghαl pam a.



"Min bum lo anih chuan engvânga kha pa kha abianga fawhsak nge i nih?"


"I lakah hian insawfiahna ka neih pawh ngai in ka hre lo." Ti a ka chhân avâng chuan ka patea chuan min rawn hnaihchilh nghâl ruak a, a thawk chhuah zâwnga azu in rim nam huam huam chuan ka thâwk te chu ati harsa vek thei, "Kha mipa kha i biak tâwp berna ni rawh se, anihloh chuan kha zâna thilthleng kha ka hriatnawn tir leh mai ang che, tunge he ina thuneitu tih hi kan hriat leh angai palh ang e." Chu thu thinrim avânga sehchilh deuh nawk nawk chunga asawi zawh hnu chuan a inher nghut a,  aroom lam chu min pan san ta a, lungchhe tak leh mittui far zawih zawih chung chuan ka room lam ka pan a, ṭahna....ni e, ṭahna hei hi ka thupui leh ka hunhman dân ka nuna bet tlat a ni, midangte anga hlim a rilru thawveng taka nun hman ve ka duh, mahse ka tân chûngte chu atheih ve loh, ka ṭap a, ka ṭap zela lungngaihna chuan chhùmpui zìng ang maiin ka nunah engtiklai mai pawhin thla azâr reng a, hlimna hian keimah ah hmun achang ve thei lo.


"Ka tân chuan hei chiah hi kawng awm chhun a ni, chu chauh chu ti ila ka tân aṭha ber tur pawh a ni, chu thil chu he khawvel èng hmu tur hian lo piang ve lo law law ila tih hi!"

"Nge ni ka nu ina min hring chhuak kha thil tihsual lian tak ani zâwk?"
Mittui hian ka nunah bu akhuar nghet tawh lutuk, chu chu ka ṭhanlen pui bawk a, ka bianga ka mittui luang zozai te hi engtiang zaha tam nge anih tawh pawh ka hre zozai tawh lo, ni e, kei chu rilru hreawm tak leh ṭap chunga hun hmangtura duan kha ka ni alawm, héng ka mittui tla te hian he khawvela mivânduai ber ka nihna leh fahrah nun ka tawrhna te chu min hriatchhuah tir ṭhin si a.


Ka pa chuan min huat avângin kan in aṭangin min kal chhuahsan a, túnah lah khawiah nge a awm pawh ka hre tawh lo.


Ka patea lah chuan zahgnaihna tel hauhlo in ka chungah rorel atum bawk si.


Mr.Cooper.... ani hi ka nunah arawn lút leh a, ani erawh chuan ka thinlung chhùngrila lungngaihna leh natna lian tak awm tân èn na arawn pé a, ani hi ka natna te mi theihnghilh tir tura ruat pawh ani maithei a ni. Achhan chu abula ka awm hian keimah a natna awm te chu ka hrechhuak ngai lo, mahse Mr.Cooper, i mâwl hle tih loh chu nangmahah engmah hmuh ka nei lo.


Ka mittui chu ka hru hul a, ka thawmhnaw hâklai chu thlâkin tuilum a inphuh tir tur chuan bathroom lam ka pan a, bathroom darthlalang awmah chuan ka in en vang vang phawt a, ka ṭahna avânga ka mit sen râm leh bui deuh lâk chu tihreh tumin ka hmai ka phih ta ngawt a, tuilum chu herh haw in ka inphuh tir ta a, Mr.Cooper chu text ila aṭha ang, chutianga ka tih chuan ka rilru hreawm lutuk te hi akiang leh mahna.


Shower chu ka off a, towel a intuamin khum lam chu ka pan phei leh ta a, ka phone ka la a, ka khuma mut zâl pah chuan anumber ah chuan ka text ve ta tawp a.

ELEANOR
* Hey, Mr.Cooper i ṭha maw?

WESLEY COOPER
*Eleanor engvânga zinglam darthum tlânga mi rawn text nge i nih?

ELEANOR
*In i thleng ṭha em tih rawn chian ka tum mai chauh a nia, ka rawn chian loh chuan nithei in ka hre ngang lo va.

WESLEY COOPER
*Uhh, kha chu ka hrethiam e, mi biak hi i la kham chiah lo a ni em? 😏

ELEANOR
*A teuhlo mai bastard!😣

WESLEY COOPER
*Dawtsawi kher angai lo. Eng nge min hrilh i duh chu sawi la?

ELEANOR
*Eng vak mah.

ELEANOR
*Túnah chuan ka mutsan tawh mai ang che dilchhut pa, tikhαn eng nge ka hrilh dawn  che tih hre lo leh hriat châk takin awm mai rawh. 😜

WESLEY COOPER
*Ka ngaihven lo Eleanor.



Ka phone chu khumah ka thehthla thak a, keimah ah hian eng thildiklo nge awm ta hi?


Engvânga lung ngai ta lo nge ka nih? Ka nuih dan ṭhin te lah chu michhaw zet nuih dân ang mai ani ta a in ka hria. Engvânga Wesley Cooper chu va Chat ve ringawt nge maw ka nih le? Keimah hi ka inhrethiam tawh lo tak zet. Chuan mawl taka nuih dân in ka la nui zui bawk a.

Ka phone chu ka la leh a, ka kut a húm rán chungin leh ka boss ahma lawka ka biak zawt zawt hnuah tui zetin ka muhil ve ta a.


Hetiang mi keimah anga mimak tak hi an awm ve ang em? Zinglam dar thum a aboss va bia a hlim taka awm ta hi, nilo, nge anlo awm ve sa tawh réng ṭhin zâwk?

THE NEXT MORNING


Ring ring ring...

Ka phone ri ral ral tháwmah chuan ka harh nghâl kâwk a, tunge maw zìng zìngah te mi rawn call ta chu?

Ka mit ka nuai deuh nak nak a, ka kut lehlama ka phone lo la awm reng chu ka la kânga, "Oh,Lola." Ka pick nghâl vat a.


"Lola eng nge i duh?" Ka la hâm bái bâi a.


"I hre reng alawm, zìngkara min rawn call ka duh loh ṭhin zia pawh." Tho phang aw zet chuan ka ti nang nang a.


"Chuan tunge rawn call réng che hi?" Lehlam aṭang chuan arawn ti ve lâng lâng.


"Lola sawi vat mai teh, vawiin chu hna lamah ka kír leh tawh dawn a nia."


"I hna i hmu lét leh tawh dawn amaw? A ropui hle mai." A nui ri pah har har a .


"Kha i boss handsome zet khân rawih nawn leh che ati thlu ta tihna ani maw chu?"


"Aw, chuan angaihtuah lémloh avângin ka lawm khawp mai."
Nizan lama car race a min tel pui hnu ah leh châu zeta min luak tir hrep tawh hnu ah, ka ti rilru neuh neuh, mahse Lola erawh ka hrilh rih kher ngaiin ka hre lo.


"Well, nileh eng thil nge ka hrilh tur che hi le..... tûna contest neihnaa hian min pui turin ka duh dawn che a nia."



"A pawi hlei ném, zaninah i bulah rawn kalin i photography roomah hun ka rawn hmang ang, ti chuan puih i ngaihna engkimah ka rawn pui bawk dawn che nia."



"Thian ṭha tak i ni Elo, ka lawm e."


"Aw le, kan inhmu dawn nia."
Ka phone chu cutin bathroom lam ka pan ta a.


ka waitress uniform min pèk leh ngei beisei ila, tih rilruk neuh neuh pah chuan thawmhnaw ka inbel mawlh mawlh a, kawr dum bah chhîng ban bul ka ha a, achungah kawrlum rawng dum ka ha leh a, jeans kekawr páng ngai tak ka ha leh bawk a, inhnuai lamah chhukin ka pi breakfast tur ka siam sak zung zung a, inchung lamah ka pi chu ka pe leh phawt a, ka kal chhuak ta a.


Ka hnathawhna tur hmun ka va thlen pawh chuan hma ka inti kher mai.


HOTEL COOPER....

Receptionist hmeichhia keimah ang maia sambuang thâng mai nei sam kir laih mai   lo ṭhutna lam chu ka pan phei a, "Hi, Eleanor Garcia ka nia."

"Oh, I lo kal tur thu hi Mr.Cooper chuan min hrilh tak e." Min nuih pah sak a.


A desk hnuailam chu melha hái rak rak pah hian, i hâk tur uniform ka kawl a, rawn inbel nghâl turin ati bawk che a."

A kut hian package pakhat hi arawn lek chhuak a, ka kuta mi pèk pah chuan, "Kha le."


"Ka lawm e." Lawmthu hrilh ve sap pah chuan ka nuih lét ve seih a.

Ka package ken nen chuan dressing room lam chu ka pan a, ka inthlâk ta mawlh mawlh a, mahse ka uniform hák ṭhin ang kha a ni ta hauh lo,chu uniform nen chuan ka chhuak leh a, receptionist bulah chuan phei lehin, "Min lo hrethiam lawk, heihi ka uniform tur ani tih i chiang maw?"

Shirt var tawngchham zet taksa phuar ṭang mai leh pawnfen chhìng zet chuan ka awm ati nuamlo kher mai, diktak chuan chu ka pawnfen fénlai arh deuh târh chuan ka mal té pawh athleng meuh lo a, hetiang chuan tute pawhin ka taksa chu an hmu hnem lutuk dawn tih pawh ka hai lo. Nge waitress ho uniform kha an lo thlâk hman tawh zâwk? Rindan pawh ka nei chiah lo.

A hma ami kha chu hetiang ang hi ani silo a.

Receptionist nu chu arawn dák chhuak a,"Kha kha uniform chu a nia lawm, tikhân Mr.Cooper office ah chuan kal tawh rawh, ahmu duh che, minute nga laiin i tlai tawh a nia."


Ka phu deuh zawk, makti zet hian chu nu chu ka en a, "Mahse dar sarih leh minute nga chiah ala ni si a?" Zawhna zawt tak hian ka en a,  engtin mah min chhâng chhunzawm tawh lo.


Oh, minute nga avâng chauh chuan ka chungah alo thinrim phah loh hrαm ka beisei. Lift lam pan chuan ka kal ta a, ka kal duhna floor number chu hmetin ka ding rân a, Wesley hmél hmuh chu hrehna chin ka nei, achhan pawh nizân ka text vak vâng pawh kha ani maithei bawk, lift chuan ka kalna tur floor ka thleng tawh ani tih hriat zet hian ari tlang he pa bula ka kal dawn apianga lift te chu engvânga chak ta thut ṭhin nge anih pawh ka hre lo.


Thâwk ka la halh a,huaisen taka hmachhawn tuma inpuah chahin lift aṭang chuan ka pén chhuak ta a, a office kawngkhâr bul ka thlen chuan ka kik karh karh a, ahma ang bawk khαn mi chhángtu réng an awm lo, kawngkhár chu ka namhawng veleh ta tawp a, ahma ni ang bawkin mi hnungchhawn záwnga dingin phone alo beleh mawlh mawlh tawh, "Heti ang thil athlen nawn reng dawn chuan nang leh kei hian hnathawk zahnih kan neih hi nikhat chhûngin an bo zo vek mai ang." Thinrim aw zet hian alo ti leh pûng pûng tawh a, thinrim zet hian aphone chu acut tâu sawk bawk, ahnunglam han che deuh dawt dawtah chuan inbengdaih tum zetin tháwk ala tih ka hai hauh lo.

WESLEY COOPER...


"Hetia phone a mi i biak a piang hian i thinrim reng ṭhin tihna em ni?"

Ka inher zawk a, ka hnunga Eleanor lo ding reng lam chu rum zet hian ka melh chhuk a.  "Ka phone biak laia ka thinrim lai tak hi i rawn nang thei ve hrim hrim bawk anih hmel."


Za zeta nuih hak hak pah chuan, "Chuti ang vèl pawh chu anih duh hmèl tho mai, mahse túnah chuan....engvânga waitress uniform hi thlâk nge i nih min hrilh thei em?" A túm deuh hmak bawk a. "Hei chu ka duhai in ka taksa alang tam mah mah deuhin ka....."


"I Waitress hna hi i thawk rei tawh dawn hlei nem." Amah pawh enlem lo leh ka phone hlír ngaihtuah hmél tak chuan athusawilai chu ka lo pawhchah sak a.



"Eng maw?" A ṭawngkam chhuak aṭang chuan aṭhâwng zia pawh ka hre reng.


Alam chu ka hawi chhuk a, menkual khum rulh pah hian, "Túna i hâk hi ka personal secretary uniform anih hi."


"Secretary maw?"


Ka mitko ka sân khum âwk ringawt.

"Ngawi lawk teh......"


Fuck, he hmeichhia hi a â mah mah tih ka hre chiang ta khawp mai.


"I personal secretary a ka awm angin min ngai dawn tihna maw ni a?" A mengphawk kher mai, ka nuih ati za lek lek, heti ang a hmuh hi alawm nuam ka tih ém ém, amakti hmel mengphar vak ṭhin hi kei chuan hmuh nuam ka ti tlat.