TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 26
THEO....
Mut zal mai mai tum kha ka ni a, mahse ka lo muhil tlang daih mai a, mumang mak zet mai ka la nei zui, Sofia chuan mittui tla zawih zawih hian amah chhanchhuak turin min lo ngén a, mahse ka lo khawih thei hauh lo leh nghâl, Sofia chu ka lo áu tuarh tuarh a, ani pawhin chuti bawk mahse abul ka va thleng thei silo, ataksa hmun tin mai chu hliam nasa tak hlĭr hian akhat vek mai bawk a, chutiang mumang mak zet mang chung chuan ka harh chhuak zawk, ka ngaih aṭha lo hle bawk, "Sofia i la dam anih ngat chuan ka rawn chhan chhuak ém èm ang che." Tiin ka phun chhuak sup a, bathroom lamah inphihfai turin ka lùt ta a, ka chhuah leh hnu chuan ball neihna a kal tur chuan ka insiam ṭan ta a, ka thawmhnaw dahna closet chu ka hawng a, coat sen duk anghawng arawngdum a pawlh ka nu ina min lei sal man to zet tur chu ka la chhuak a, suit hi ka haw hle a chu heti ang hunah leh ka pa te awmkhawmna ah ka hâk angai tlat bawk si, shirt var pâwl lam pang ka la chhuak leh a, ahnuailamah kekawr tlawn puan ṭha tak mai, tùnlai thei angber a ṭhui zuih grey rawng chu ka ha leh a, smart shoe dum bun lehin ka inpeih ta, darthlalanga ka thla lo lang chu ka melh phei vung vung a, Casandra mit ka lâk ngei ka ring, túnah chuan Casandra pawh va lam ahun tawh in ka hria, tháwk ka la hawk a, ka thiam ang bâk bák a lem ka chan chu angai hle ang le, achhan pawh Casandra chu hmeichhe fing ver vek tak anih avângin.
Ka room chu ka chhuahsana inhnuai lam pan turin ka kal chhuak ta a.
Inhnuai ka chhuk tur corridor ka kal lai chuan Alexandra meng rum âl leh thìp zeta min lo thlîr reng tu chu ka táwk a, ka enchhuk deuh vang vang hnu chuan, "Min la tihtauh khum reng a ni maw?"
"Theo i awmdan dik hek lo."
"Ok, Sofia chu hruai lét leh tumin ka va bei ang e." Ka ti ta sup a.
"I ti tak tak em?"
"Mahse Ireland lamah alo kir tawh anih chuan ka rawn hruai let leh thei tawh lo ang, i beiseina kha lo ti sâng vak duhlo phawt mai la."
"A ti hauh lo ang chu chu, Sofia khαn ahmangaih che tih hi kahria ania aw T." A nui var var a, hmel chu hmuhtheih khawpin arawn éng chhuak a.
"Chutin a sawi amaw? Achhan chu amah ah engmah chutianga min hmangaihna tur lantir pawh ka nei silo a."
"A ti ngei tih hi ring mai rawh T, achhan chu i hot zia pawh asawi vek alawm."
"Tak tak maw?" Ka mit chu ka chhìng pah deuh sawk a.
"Tehreng mai, kalla Sofia chu va hruai lét leh ngei ngei ang che."
Engtin mah chhang zawm tawhlo in inhnuai lamah chuan ka chhukthla a, ka nu leh pa te chu an kal tawh ani ngei ang ka hmu hauh lo, ka car awmna lam panin ka kal a, ka inkhalh chhuak ve ta nghâl a, kal kawngah pawh chuan ka inngaihtuah nasa mai a, Sofia chuan min lo hmangaih tak tak tihna emni ang? Engvαnga ka mit chu lo del rei ém ém nge maw anih hrep chu le? Alexandra meuh pawhin ahmu thiam ania, kan hmelma lam anih vâng te pawh ani maithei.
Ireland lamah akal nachhan tur réng ka hre lo, apa inah chuan khawiah emaw tak a awm ngei ang.
"Heti ang thil hahthlâk tak tak aṭang hian engtin chuan ka chhuak dawn chu mi maw?" Thâwk ka la hawk a, Martinez te chénna hmun lam chu ka pan zel a, kawng laka ka kal chhùng zawng chuan inngaihtuahnan hunka hmang, Cassandra hi alandαnah afing viau in ka hria, chuvαng tak chuan kei pawh ka fìmkhur viau angai ngei ang.
An in ka va thleng chu ka phone pai chu ka hmet éng zauha, dar sarih pawh alo la ri lo, mahse Cassandra chu inpeih atin pawnah hian alo ding reng tawh a, kawr sen fual hnalh mai hi alo ha a, ainhmeh reuh kher mai, mahse afin khek rekna erawh in ahmel chu ati ngei awm lek lek, ka car chu ka ti ding a, alamah chuan ka pen phei ve ta a, abul ka va thlen chuan ka thlⅇk deuh vung vung a, "Hey i inhmeh kher mai i kawr hαk chu!"
"Ka lawm e, nangpawh i chhelo lutuk."
"Ka lawm e, kan kal thei em?" Ka mit ka siai khum suk a.
Ani chu abu nghat nghat ka car awmna lam pan chuan kan inzui pheidun ta a.
SOFIA....
Inchung tαwp attic roomah chuan mi an kalh khum a, chutah chuan ka pa lo haw leh hma chu ka lo awm dawn a ni, khawiah mah kal chhuah phalsak ka ni lo a, inbual leh thawmhnaw hâk thlak tih lam phei chu ngaihtuah chi pawh ani lo, zan thim hnuaiah tukverah chuan ka hnuai lam a lihgt inchhi chu ka enchhuk vang vang a, chuta ka thil zuhmuh chu ka duhlo ngei mai, khu khu Theo ani ngei ang le, Cassandra chu nalh zet hian ainthuam a, Theo nen chuan an inzui chhuak dun ta a.
Chu thil ka hmu chu chhùngrilah ka na ngawih ngawih, "Khu chu Theo a ni chiang mai, Cassandra chhuahpui atum tihna em ni ang?" Ka hriat tâwk lek chuan ka phun sep sep a.
Heti khawp a min ngaihsak zui ta miah lo mai hi ka ring theilo hial zâwk, eng ang rilru nge maw ahan put tehchai chu le? Cassandra lah chuan chutianga zuan luh a ka dinhmun lo luah chu pawi tihna pakhat mah neilo in anuam tih zawng tak ani bawk nen.
Ka kal sawn ta daih a, ka rilru ana ngawih ngawih, an pahnih khαn hremhmun lamah liam law law teh se.
"Jimbo he room aṭang hian min chhuahtir rawh tŭnah." Tiin ka âu vak a, chhânna erawh ka dawng chuang hleilo a.
An zavai hian ka chunga anthil tihah hian pawi an la ti hlawm khawp ang maw le, ka ti rilru rauh rauh.
Ka pa rawn hαwn hunah chuan Ireland lamah kir leh ka dil ang, mahse aphal ang em tih erawh ka chiang chiah lo, engvang chuan nge ahan phal loh teh lul ang ni, tùnah chuan afanu hmangaih zawk leh Theo chu an inkawp tawh alawm, kei chu mamawhna pawh min nei zui tawh lo ang.
THEO....
Cassandra nen chuan kan inkhalh chhuak ta nghαl a, afing viau anih chuan thluak leh thluakin kan indawr tawn ang a ani mai alawm, "I pa chuan ineihna ṭhulh anih thu ahriat chuan eng angin nge angaih le?" Ka bula ṭhu Cassandra chu ka melh zawk a.
"Chutiangin eng angin nge angaih ang tih pawh ka hre lo, hre turin ka bulah a awm hlei nem, bussines thilah town pawnah a awm daih a lawm."
"Anih leh Sofia le, a pawm thei meuh maw?"
"Engvαnga Sofia chu la ngaihven ém ém nge maw i nih mai le?" Thâwk ala deuh halh ri chu ka hre reng.
"Ka ngaihven vang nilo in, kan pahnih inbiakna tur ka zawng zâwk anih chu." Ka ti leh sup a.
"Ka hre lo le, a rawn kir tawh hnuah ka la hmu leh lo hrim hrim, khawiah nge a awm tih pawh ka hre lo, Ryan bulah bawk akir leh pawh ani maithei."
Ka thin chu arim ru kher mai, a unaunu hrawn pawh nimahse heti ang ém éma ahan ngaihven lo thei mai hi chu hmeichhe mak dang dai ve tak chu ani ngei ang le, ka insehruh ṭeuh bawk.
Athusawi chu arawn chhunzawm zel a, "Ka lo hrilh thin tawh che kha, Sofia hian angaihven tak tak hauh lo ang che tiin." Sawi dik inti fe hian anui ri pah hak a.
"Kei pawhin ka ngaihven chuang bìk hlei nem."
Rei pawh kan la tlânlo ang tih chuan, "Hetilai erea ah hian thian ka nei a, hmuh lawk.ka ngai, pawi itih hran loh chuan ball lama kan kal hma in kan va hmu lawk dawn em niang?" Car chu kawng sir lamah ka park a, chulai hmun chu areh kher mai, "A pawi hleinem, kan hma deuh hrim hrim bawk a." Ka ti ve ta a.
"Ka lawm e, kan va hmuh tur hi ahlim ngawt ang, kan text nghal ang e." A phone chu ahmet malh malh a, chutih chhŭng chuan keiin ka cigarette chu ka lo ṭan a, ka hĭp pah vang vang a.
Kan pahnih chuan kal chhuakin, ani in hma ahruai a, kawtthler pakhat reh ruih mai midang chén vena pawh anglo zetah hian min hruai zel a, in awm ve te lah chu luah ngailoh inram hi ang kati kher mai, chulai hmunah chuan in aṭanga light rawn éng chhuak hmuh tur pawh a awm lo a, street light tih loh chu éng tih turin hmuhtur pawh a awm lo.
"A hmun hi i hre chiang meuh maw?" Ka ti ta hial a.
"Aw, hrechiang e, alo kal dawn thu asawi ngei alawm, saw alo kal chiah."
Ka hawi chhuak thuai a, tumah hmuh ka nei lo, "Tumah ka hmu hauh lo." Ti a ka sawi zo chiah chu thim tham zing atang hian Jimbo chu arawn langta nawlh a, thil thlen dan engkim chu hrilhfiah hranpa ngailo in ka hrethiam ta vek, Cassandra chuan min bum chiang kher mai, "Hei hi maw Theo Bailey chu!" A aw ṭéng zet chuan arawn ti ta chhur chhur a, ka silai pai chu ka chuh nghâl vat, "Bailey kei chu ni ila chuan he ka thil thawh tum hi afinthlαk ber lo ang tih hi ka hre ngei ngei ang, han hawi kual la, i bul lawk lawkah hian kan mi leh sa ten anhual vek tawh che." Za zet hian anui chhuak uar uar a.
"Nangni pahnih hi chu ka chhuah bĭk ahauh lo ang che u." Ka ti ve ngar a.
"Ateuh lo mai, Theo fing takin thil ngaihtuah zawk la, kha i silai kha dahthla mai teh!"
Ka hawikual thuak a, Fangs mi leh sa sawmhnih rual zet hian silai keng chungin min rawn hnaih chilh a, hreh tak chuan ka silai chu ka thlauh ta a.
"Engthil nge i duh teh hrep le Jimbo?" Ka melh rum kher mai.
"I la hrechhuak thuai turah ngai ang."
"Ok, mipa te u, eng nge tih tur tih chu inhriat kha, hlimna tlém han siam hlek te pawh achâk awm alawm maw le." Jimbo leh Cassandra chuan min kalsan ta daih a, chumi hnu chuan ka ri chawrh chawrh nghâl a, ansilai kawma min chhutna pawh vawili ngawt ka tâwk in ka hria, mipa ṭhah sawmhnih rualin a min khawih rawn avâng chuan rei pawh nikhua ka hre lo, ka taksa pum mai chu thisen hian bual loh lai réng anei lo âwm e, ka hmai te chu thisen hlirin akhat vek tawh! Mipa khatin a ka bek a na mangkhéng mai a asilai kawma min rawn chhut leh ngheng tâkah chuan ka khaw hmuh chu afiah talo a, ka hma ah chuan Sofia ding ve ang thαn ka va hmu zuai a, ka hmui chuan ahming chu ka lam ri supa, engmah ka hre zui tawh lo.
THE NEXT MORNING.....
TREY....
Ka office ah chuan Detroit nen kan awm dun a, thildang dang kan sawi lai tak chuan, "Theo nen hian tùkin zingah i inbe tawh em?"
"La be lo, a khumah ala awm ka ring, ka la hmu lo reng reng, arawn lαng chhuak leh vat in ka rin. " Tiin ka chhâng a.
"Nimin khαn ka lo enfel dan in Terence chu town pawn lamah akal ni in ka hria."
"Chu sazu hrep chu, engtikah nge arawn kir leh ang? He athil tih chhung hi ka lo nghâk reng dawn tihna ani maw chu?" Ka thinrim kher mai.
"Theo hian Sofia hi ahruai kir leh anih chuan nupuiah aneih ngei angai ang, chutilo chuan he ti hian kan dah reng theilo ang tih kha i hria ang ti raw?"
"Ka hria e, mahse hetianga Terence tùn thlenga nungdama la dah reng hi ka plan dan ani hauh lo." Ka ti hmuk.
"Thil pakhat, Terence leh Jimbo hi kan tuk thlŭk hma leh Fangs ho chu kan thu hnuaiah an awm hma ang a, chuti ang ngeiin Sofia ngei pawh." Ka ti nawn leh a.
"Anih leh Sofia hi i ring ngam em?"
"Ring hauh lo, Terence hi engtiklai pawhin a pa anihna abo hlei nem, a rinawmna chu apa tân bαk ani lo ang, a pa ani miau a."
Alexandra chu ka officeah arawn lút ve teh khiah a, "Hey dad, Hey Detroit, Theo hi inlo hmu em?"
"Princess ka rindan chuan akhumah ala mut hnâr thlurh thlurh ka ring."
"Nope, ka rawn check zo chiah a, chuvαngin hetah a awm ka ring zαwk a?"
"Jog ti turin akal pawh ani maithei." Ka ti leh sup a.
"Ani maithei!" Alexandra chu achhuak.leh ta nghαl a.
Detroit chuan min rawn melh zawk a, "Call ka han tum chhin ang e." Aphone chu aphawrh nghal a.
Loud speaker ah adah avαng chuan phone chu a inrong char char a, "chhânna a awm na nge?"
Vawli ngawt a inring zawh ṭhak ṭhak hnu chuan Detroit chuan phone chu cutin a ak ṭha leh a, "Chhânna a awm hauh lo, hetiang hian aphone achhαnloh ngai pawh K hre lo." Ati ta a.
"Lokal teh, Callie hian alo hmutawh réng em i va zawt chhin teh ang." Kawngkhâr lam pan ka rual a, Heti ang hian Theo hi ala awm ngailoh avαngin ka ngaih aṭha zân lo, mahse inchhŭnga awm ka zawh chhuah dap hunah chauh chét ka la ang, thil hriat chian hma hauh a hmeichhia ang mai a lo râlkhelh vak ang hi a tihdan ani lo bawk.
Choka lamah chuan Detroit nen chuan kan inzui phei ta a, Callie chuan phone alo hmang mék, "Theo i lo hmu em tùkin lamah te?"
"Anna nakinah ka rawn beleh dawn che nia."
"Ok, ka lawm e." Phone chu acut a.
Ka thusawi chu sawi nawn lehin, "Tùkin zingah Theo i lo hmu tawh em?" Ka ti leh a.
"Kei pawhin chumi chung chαng chu zawh che ka lo tum ve mék asin." Makti zet hian ameng nghâl kawl kawl a.
"Engvαngin maw, eng thil nge thleng?" Detroit chuan arawn ti ve a.
"Phone a ka biak kha Anna ani a, nizan charity ball neihna a incharge anih kha, a sawi dan nizanah Theo arawn inlan miah loh thu a rawn sawi a." Ati chhuak ta sap a.
Ka phu ve zawk, "Eng nge i sawi mawm zia chu, nizan khαn ainlan lo ati a amaw?"
"Hei chu aṭha dawn hauh lo mai." Detroit bawk chuan arawn ti leh a.
"Fangs ho in ankawl anih chian chu!" Ka ti chhuak hrawih.
"Heti anga an che ngam anih chuan kei ni pawhin dân leh dŭn kan lek kawh bĭk tawh lo ang, wearhouse ah kal nghâl ang, he thilah hian kan mipa te ho kan koh khâwm atŭlin ka hria." Detroit bawk chuan arawn ti keh hrawih a.
Callie lamah chuan ka inher a, ahmela thlaphαnna awm chu ka hmuhhmaih hauh lo, "Callie, Alexandra kha hruaiin arang thei ang berin kan safehouse lamah lo va kal vat rawh u."
"Nilo, ka kal lo ang, Theo hi atha ani tih ka hriat chhuah hma chu khawiah mah ka kal dawn lo." Amittui chu atling nghαl pam a.
Chu ami chhαnna chuan ka thin ato sa zak, ka rorelna hi tumahin anhnial tur ani lo, "Damnit, woman, tŭnah Alexandra hruaiin safehouse lamah kal nghâl vat mai rawh." Ka ti chhuak tuarh.
Callie hmel chu mi hlauhna vângin adâng nghâl sâwp sâwp a, chutiang awka vin alakah ka hmanlohna chin pawh ka hre tawh lo, mahse tŭnah hi chuan ka rilru abuai ém ani, engvângin nge Fangs ho chuan ka rokhawm tu tur engmah inhrilh lawkna pawh awmlo a ankawl ngam réng réng chu le?
Thâwk ka la hawk a, inbengdaih ka tum nasa kher mai, ka thinrimna chu insumin, Callie chu ka pan hnai a, "Ka âu khum vak che avαng khαn pawi ka ti lutuk, mahse khawngaihin ka hrilh ang che khαn ti hrαm rawh Callie." Ka ti leh ta zâwk a.
"Eng pawh ka hrechhuak anih chuan ka hriat veleh ka rawn call nghâl dawn che nia." A hlauhthâwnna avαnga âng deuh pamah chuan ka hmui chu chuktuahin pangngai taka awmtir leh turin duhthawh zet hian ka zu kiss a, ka thlah leh hnu chuan thâwk ka la hrawih a, "Ka rawn hruai kir leh ngei ngei ang tih hi ka tiam ache." Ka ti leh sup a.
"Ka hmangaih che, tŭnah chuan kal tawh rawh le." Achalah chuan ka fawh sak leh zauh a.
"Kei pawhin ka hmangaih che Trey, mahse khawngaih takin fìmkhur tum ang che."
Callie chu thlaphαng ru tak chuan akalsawn a,arawn hawi kir leh a, amittui far chu ahru pah zauh, thâwk ka la hawk a, hmanhmawh zetin Wearhouse lam chu Detroit nen chuan kan pan dun ta a.
DOWNTOWN THE BRONZE DRAGONS WEARHOUSE....
Kal kawnga kan tlan lai chhung zawng chuan Detroit chuan midang ho chu wearhouse akal nghαl vat turin a phone kual vek a, ahmun kan va thlen chuan rei pawh kan awm hma in an rawn thleng khawm ṭak ṭak a, rei pawh nghah ngailo in kan kim ta vat hlawm a, ka aw chu thian hrawkin kan thil tawn chung châng chu ka sawi chhuak ta a.
"Nizan khαn Theo inah arawn haw lo tih kan hria a, chuan nizan akalna tur hmun charity ball ah pawh a inlan velo tih kan hre bawk a ni."
"Tùnah hian Fangs ho bαkin ankawl kan ringlo hrim hrim a, tùnahnai hian inhriat angin Fangs ho nen bαk buaina kan neilo tih pawh inhriat kha." Detroit chuan arawn ti ve a.
"Francesca leh Tanaeya kha hrilh ula hospital zawng zawng lo va contact sela Theo an dah lut nge lut lo lo va chian rawh se."
"Ka'n ti nghâl ang e." A phone chu la chhuakin a kal hrang deuh a, phone call chu ahmang ta nghαl a.
"Chuan eng nge kan tih dawn tαk?" Hunter chuan arawn ti ve khauh a, ahmelah chuan athinrim hle tih pawh hairual ani lo.
"Kan va bei zui ve nghαl ang chu tûnah, nasa tak leh nghαlin." Clegg chuan ati chhuak hrâwk a, heti anga Theo chan chin anhan hria hi tumah réng lungawi an awm lo.
"An inah vakalin Cassandra chu va bia ila aṭha in ka ring."
Detroit phone hmangzo chu arawn inher zawk, makti zeta mi rawn enin ameng pâwng deuh hlut a, "I â ta em ni?"
"Detroit ka fapa chung chαng anih hi kan sawi."
"Keipawhin Detroit thusawi kha ka pawm e, âtthlαk takin chét kan la ngawt theilo ang, plan fel tak nen kan va beih ngei angai ang." Cooper chuan arawn ti ve a, midang ho pawh chu anlo phin mur mur nghαl a, ka rorelna chu afel tawk loh zia an sawi nghαl sap sap hlawm a.
"Chutianga plan neihna hun pawh anih tawh loh hi, Sofia unaunu chu kan va biak phawt angai ang, chumi hnuah chauh thil chu afel theih ka ring, chutah chuan duh leh kan thil tih dan tur chu kan la rel zawk mai anga , atha em?"
"Ka pawm e." Clegg chuan arawn ti a.
"Chuan boss engtin nge i tih dawn tαk?" Detroit bawk chuan arawn ti leh a, ka inngaihtuah rùn rún a, "Ok, an in lama va kal chu afuh chiah lp mai thei ani, tùnah hian plan fel tak siama va beih tawp chu aṭha berin ka hria, Theo ankawl tih hi kan hriatsa an ring anga, va be tura kan kal pawh min lo bei duh mai ang, rules pawh neilo an nih hi!" Ka tileh ta zâwk a.
"Amah erawh chu plan ṭha tâwk tak kan siam vat erawh angai thuai ang."
"Dimitri hi lokal veleh turin kan call dawn em?"
"A ngailo ang Detroit, he kan thil tih tumah hian tlûk chhiat leh hmantlâkloh a kan awm hi apawimawh ber zâwk, kawng engkimah kan thil tih hi rintlαk ni se kan chak em em ang." Ka ti a.
"Anih leh eng nge kan tih tâk ang?" Hunter chuan arawn ti keh sup a.
"Terence min rawn call hun kan lo nghαk ang a, chutah chuan kei nge amamawh Theo tih hi kan hrechiang phawt ang."
"Ka ngaihdan chuan vakalin va bei nghâl mai ila ṭha in ka hria, hmun tam tak annei pawh ani silo, chutiang hmunah dah tur chuan hmun tam kan zawn pawh ka ring lo ve." Clegg chuan arawn ti leh a.
"Ok, ahmasa berah chuan Callie ka va biak phawt angai ang, an mahni beiturin plan kan siam ani tih hi va hrilh phawt ka duh." Ka ti chhuak hruih a.
Ka phone chu phawrhin ka beng bulah chuan ka dah vang vang a.
SOFIA....
Zíng ka harh chu ka ka hlim hlawl lo, engthil nge thleng hi? Engvαnga thil ṭha lo tak alo thleng dawna ngaihna nei nge maw ka nih le, ka ngaih aṭha zαn lo tlat, heti ang ngaihṭhatlohna hi ka nu thih dawn ni pawh khαn ka lo nei tawh a, mahse thil kal dan tur kha ka hre lâwk miau silo, tùnah hian chuti ang ngaihṭhatlohna chu ka nei leh ta tlat mai.
Kawngkhar chu arawn inhawng ve ta hrâm e, "He room aṭang hian min chhuahtir vat mai rawh michhawnu." Ka tih khum hlar a.
Cassandra chuan ka ṭawngkhumna chu engah mah ngaihloh hmel zet hian arawn pén lût a, anui vawr mai leh nghâl a, "Nilo e, ka tihthei lo ang unaunu, a pawi kati tak zet, ka pa rawn kir hma loh zawng he roomah hian ilo awm char char rih angai ang, chu chu ka pa thupék ani, chuan hei i nawmsak viau hi maw, sawisakna pawh i tawng hlei ném, chutah ei leh in ila hmu zui bawk a nia, anuam viau lo em ni?" Chutia aṭawng hlaih hlaih lai chuan ahmui a va hnek sal bur mai chu ka châk kher mai, ahmui pan hlang mai chu ka hlehsak chαk tak zet bawk.
"Cassandra min tilui vak duh suh, engvαngin nge nizan khan hetah Theo kha arawn kal?" Ka tih khum hlar a.
"Oh, news i hre ve lo tak ang tiraw, ka han hrilh ang che." Anui chuak hak a.
"Inneihna kha tih leh ani a, mahse tùn ṭumah ve thung chuan nang ni tawhlo in kei leh Theo ani ve tawh thung ang, kei hian Theo chu ka nei zâwk tawh dawn tihna anih chu!" Anui pah vawr a.
"Dawt i sawi chiang lutuk." Chu thil chu âwihloh ka duh tak zet.
"Engvαng chuan nge dawt ka han sawirîk ngawt ang ni," adar achhin pah âka, "Nizan a min lo hmuh ang khân nizan khαn kan pahnih engagement party a kan kal tut anih kha min lo hmuh." Ka thinlung chu den dawp ang hian ana nghαl ṭalh ṭalh thâwk harsa ka ti kher mai, ka bengin chu thu ahriat hma a ka lo chhu ngawng hmasa ta lo chu inchhirna hlĭrin ka khat bawk.
"Ka kawr hαk kha i duhzawng ani em, Theo min leisak anih kha." Amit meng rúl ang maia ver vek chuan min melh kal a.
"Mah...mahse ka pa khαn Theo leh Trey thih kha aduh emaw ka lo ti a." Ka ti ve sap a.
"A duh leh tawhlo chu anih hi maw, tùnah chuan arrangement kha kalpui an tum leh ta zâwk anih hmel, i duh chuan ka bridesmaid ah i ṭang thei ang, engpawh ni se, chhun chaw ei tura ka chhuah angai, Theo nen inhmuh kan tum a."
A kalchhuak leh ta a, engvαnga ka rilru tina tura chung thu chu mi rawn hrilh nge maw anih le? Ka mittui chu adir nghαl zung zung a, awmngaihna pawh ka hre lo.
"Damn you Theo, in zavaiin ka haw hluah hluah che u." Lungchhe vαnkai leh beidawnna thúk tak nei chungin ka ṭap hlap hlap a, ka lungchhe lutuk leh ka rilru na kehsawm chiang lutuk chu tumahin min hnem theih pawh ka ring lo.
THEO....
Mut zal mai mai tum kha ka ni a, mahse ka lo muhil tlang daih mai a, mumang mak zet mai ka la nei zui, Sofia chuan mittui tla zawih zawih hian amah chhanchhuak turin min lo ngén a, mahse ka lo khawih thei hauh lo leh nghâl, Sofia chu ka lo áu tuarh tuarh a, ani pawhin chuti bawk mahse abul ka va thleng thei silo, ataksa hmun tin mai chu hliam nasa tak hlĭr hian akhat vek mai bawk a, chutiang mumang mak zet mang chung chuan ka harh chhuak zawk, ka ngaih aṭha lo hle bawk, "Sofia i la dam anih ngat chuan ka rawn chhan chhuak ém èm ang che." Tiin ka phun chhuak sup a, bathroom lamah inphihfai turin ka lùt ta a, ka chhuah leh hnu chuan ball neihna a kal tur chuan ka insiam ṭan ta a, ka thawmhnaw dahna closet chu ka hawng a, coat sen duk anghawng arawngdum a pawlh ka nu ina min lei sal man to zet tur chu ka la chhuak a, suit hi ka haw hle a chu heti ang hunah leh ka pa te awmkhawmna ah ka hâk angai tlat bawk si, shirt var pâwl lam pang ka la chhuak leh a, ahnuailamah kekawr tlawn puan ṭha tak mai, tùnlai thei angber a ṭhui zuih grey rawng chu ka ha leh a, smart shoe dum bun lehin ka inpeih ta, darthlalanga ka thla lo lang chu ka melh phei vung vung a, Casandra mit ka lâk ngei ka ring, túnah chuan Casandra pawh va lam ahun tawh in ka hria, tháwk ka la hawk a, ka thiam ang bâk bák a lem ka chan chu angai hle ang le, achhan pawh Casandra chu hmeichhe fing ver vek tak anih avângin.
Ka room chu ka chhuahsana inhnuai lam pan turin ka kal chhuak ta a.
Inhnuai ka chhuk tur corridor ka kal lai chuan Alexandra meng rum âl leh thìp zeta min lo thlîr reng tu chu ka táwk a, ka enchhuk deuh vang vang hnu chuan, "Min la tihtauh khum reng a ni maw?"
"Theo i awmdan dik hek lo."
"Ok, Sofia chu hruai lét leh tumin ka va bei ang e." Ka ti ta sup a.
"I ti tak tak em?"
"Mahse Ireland lamah alo kir tawh anih chuan ka rawn hruai let leh thei tawh lo ang, i beiseina kha lo ti sâng vak duhlo phawt mai la."
"A ti hauh lo ang chu chu, Sofia khαn ahmangaih che tih hi kahria ania aw T." A nui var var a, hmel chu hmuhtheih khawpin arawn éng chhuak a.
"Chutin a sawi amaw? Achhan chu amah ah engmah chutianga min hmangaihna tur lantir pawh ka nei silo a."
"A ti ngei tih hi ring mai rawh T, achhan chu i hot zia pawh asawi vek alawm."
"Tak tak maw?" Ka mit chu ka chhìng pah deuh sawk a.
"Tehreng mai, kalla Sofia chu va hruai lét leh ngei ngei ang che."
Engtin mah chhang zawm tawhlo in inhnuai lamah chuan ka chhukthla a, ka nu leh pa te chu an kal tawh ani ngei ang ka hmu hauh lo, ka car awmna lam panin ka kal a, ka inkhalh chhuak ve ta nghâl a, kal kawngah pawh chuan ka inngaihtuah nasa mai a, Sofia chuan min lo hmangaih tak tak tihna emni ang? Engvαnga ka mit chu lo del rei ém ém nge maw anih hrep chu le? Alexandra meuh pawhin ahmu thiam ania, kan hmelma lam anih vâng te pawh ani maithei.
Ireland lamah akal nachhan tur réng ka hre lo, apa inah chuan khawiah emaw tak a awm ngei ang.
"Heti ang thil hahthlâk tak tak aṭang hian engtin chuan ka chhuak dawn chu mi maw?" Thâwk ka la hawk a, Martinez te chénna hmun lam chu ka pan zel a, kawng laka ka kal chhùng zawng chuan inngaihtuahnan hunka hmang, Cassandra hi alandαnah afing viau in ka hria, chuvαng tak chuan kei pawh ka fìmkhur viau angai ngei ang.
An in ka va thleng chu ka phone pai chu ka hmet éng zauha, dar sarih pawh alo la ri lo, mahse Cassandra chu inpeih atin pawnah hian alo ding reng tawh a, kawr sen fual hnalh mai hi alo ha a, ainhmeh reuh kher mai, mahse afin khek rekna erawh in ahmel chu ati ngei awm lek lek, ka car chu ka ti ding a, alamah chuan ka pen phei ve ta a, abul ka va thlen chuan ka thlⅇk deuh vung vung a, "Hey i inhmeh kher mai i kawr hαk chu!"
"Ka lawm e, nangpawh i chhelo lutuk."
"Ka lawm e, kan kal thei em?" Ka mit ka siai khum suk a.
Ani chu abu nghat nghat ka car awmna lam pan chuan kan inzui pheidun ta a.
SOFIA....
Inchung tαwp attic roomah chuan mi an kalh khum a, chutah chuan ka pa lo haw leh hma chu ka lo awm dawn a ni, khawiah mah kal chhuah phalsak ka ni lo a, inbual leh thawmhnaw hâk thlak tih lam phei chu ngaihtuah chi pawh ani lo, zan thim hnuaiah tukverah chuan ka hnuai lam a lihgt inchhi chu ka enchhuk vang vang a, chuta ka thil zuhmuh chu ka duhlo ngei mai, khu khu Theo ani ngei ang le, Cassandra chu nalh zet hian ainthuam a, Theo nen chuan an inzui chhuak dun ta a.
Chu thil ka hmu chu chhùngrilah ka na ngawih ngawih, "Khu chu Theo a ni chiang mai, Cassandra chhuahpui atum tihna em ni ang?" Ka hriat tâwk lek chuan ka phun sep sep a.
Heti khawp a min ngaihsak zui ta miah lo mai hi ka ring theilo hial zâwk, eng ang rilru nge maw ahan put tehchai chu le? Cassandra lah chuan chutianga zuan luh a ka dinhmun lo luah chu pawi tihna pakhat mah neilo in anuam tih zawng tak ani bawk nen.
Ka kal sawn ta daih a, ka rilru ana ngawih ngawih, an pahnih khαn hremhmun lamah liam law law teh se.
"Jimbo he room aṭang hian min chhuahtir rawh tŭnah." Tiin ka âu vak a, chhânna erawh ka dawng chuang hleilo a.
An zavai hian ka chunga anthil tihah hian pawi an la ti hlawm khawp ang maw le, ka ti rilru rauh rauh.
Ka pa rawn hαwn hunah chuan Ireland lamah kir leh ka dil ang, mahse aphal ang em tih erawh ka chiang chiah lo, engvang chuan nge ahan phal loh teh lul ang ni, tùnah chuan afanu hmangaih zawk leh Theo chu an inkawp tawh alawm, kei chu mamawhna pawh min nei zui tawh lo ang.
THEO....
Cassandra nen chuan kan inkhalh chhuak ta nghαl a, afing viau anih chuan thluak leh thluakin kan indawr tawn ang a ani mai alawm, "I pa chuan ineihna ṭhulh anih thu ahriat chuan eng angin nge angaih le?" Ka bula ṭhu Cassandra chu ka melh zawk a.
"Chutiangin eng angin nge angaih ang tih pawh ka hre lo, hre turin ka bulah a awm hlei nem, bussines thilah town pawnah a awm daih a lawm."
"Anih leh Sofia le, a pawm thei meuh maw?"
"Engvαnga Sofia chu la ngaihven ém ém nge maw i nih mai le?" Thâwk ala deuh halh ri chu ka hre reng.
"Ka ngaihven vang nilo in, kan pahnih inbiakna tur ka zawng zâwk anih chu." Ka ti leh sup a.
"Ka hre lo le, a rawn kir tawh hnuah ka la hmu leh lo hrim hrim, khawiah nge a awm tih pawh ka hre lo, Ryan bulah bawk akir leh pawh ani maithei."
Ka thin chu arim ru kher mai, a unaunu hrawn pawh nimahse heti ang ém éma ahan ngaihven lo thei mai hi chu hmeichhe mak dang dai ve tak chu ani ngei ang le, ka insehruh ṭeuh bawk.
Athusawi chu arawn chhunzawm zel a, "Ka lo hrilh thin tawh che kha, Sofia hian angaihven tak tak hauh lo ang che tiin." Sawi dik inti fe hian anui ri pah hak a.
"Kei pawhin ka ngaihven chuang bìk hlei nem."
Rei pawh kan la tlânlo ang tih chuan, "Hetilai erea ah hian thian ka nei a, hmuh lawk.ka ngai, pawi itih hran loh chuan ball lama kan kal hma in kan va hmu lawk dawn em niang?" Car chu kawng sir lamah ka park a, chulai hmun chu areh kher mai, "A pawi hleinem, kan hma deuh hrim hrim bawk a." Ka ti ve ta a.
"Ka lawm e, kan va hmuh tur hi ahlim ngawt ang, kan text nghal ang e." A phone chu ahmet malh malh a, chutih chhŭng chuan keiin ka cigarette chu ka lo ṭan a, ka hĭp pah vang vang a.
Kan pahnih chuan kal chhuakin, ani in hma ahruai a, kawtthler pakhat reh ruih mai midang chén vena pawh anglo zetah hian min hruai zel a, in awm ve te lah chu luah ngailoh inram hi ang kati kher mai, chulai hmunah chuan in aṭanga light rawn éng chhuak hmuh tur pawh a awm lo a, street light tih loh chu éng tih turin hmuhtur pawh a awm lo.
"A hmun hi i hre chiang meuh maw?" Ka ti ta hial a.
"Aw, hrechiang e, alo kal dawn thu asawi ngei alawm, saw alo kal chiah."
Ka hawi chhuak thuai a, tumah hmuh ka nei lo, "Tumah ka hmu hauh lo." Ti a ka sawi zo chiah chu thim tham zing atang hian Jimbo chu arawn langta nawlh a, thil thlen dan engkim chu hrilhfiah hranpa ngailo in ka hrethiam ta vek, Cassandra chuan min bum chiang kher mai, "Hei hi maw Theo Bailey chu!" A aw ṭéng zet chuan arawn ti ta chhur chhur a, ka silai pai chu ka chuh nghâl vat, "Bailey kei chu ni ila chuan he ka thil thawh tum hi afinthlαk ber lo ang tih hi ka hre ngei ngei ang, han hawi kual la, i bul lawk lawkah hian kan mi leh sa ten anhual vek tawh che." Za zet hian anui chhuak uar uar a.
"Nangni pahnih hi chu ka chhuah bĭk ahauh lo ang che u." Ka ti ve ngar a.
"Ateuh lo mai, Theo fing takin thil ngaihtuah zawk la, kha i silai kha dahthla mai teh!"
Ka hawikual thuak a, Fangs mi leh sa sawmhnih rual zet hian silai keng chungin min rawn hnaih chilh a, hreh tak chuan ka silai chu ka thlauh ta a.
"Engthil nge i duh teh hrep le Jimbo?" Ka melh rum kher mai.
"I la hrechhuak thuai turah ngai ang."
"Ok, mipa te u, eng nge tih tur tih chu inhriat kha, hlimna tlém han siam hlek te pawh achâk awm alawm maw le." Jimbo leh Cassandra chuan min kalsan ta daih a, chumi hnu chuan ka ri chawrh chawrh nghâl a, ansilai kawma min chhutna pawh vawili ngawt ka tâwk in ka hria, mipa ṭhah sawmhnih rualin a min khawih rawn avâng chuan rei pawh nikhua ka hre lo, ka taksa pum mai chu thisen hian bual loh lai réng anei lo âwm e, ka hmai te chu thisen hlirin akhat vek tawh! Mipa khatin a ka bek a na mangkhéng mai a asilai kawma min rawn chhut leh ngheng tâkah chuan ka khaw hmuh chu afiah talo a, ka hma ah chuan Sofia ding ve ang thαn ka va hmu zuai a, ka hmui chuan ahming chu ka lam ri supa, engmah ka hre zui tawh lo.
THE NEXT MORNING.....
TREY....
Ka office ah chuan Detroit nen kan awm dun a, thildang dang kan sawi lai tak chuan, "Theo nen hian tùkin zingah i inbe tawh em?"
"La be lo, a khumah ala awm ka ring, ka la hmu lo reng reng, arawn lαng chhuak leh vat in ka rin. " Tiin ka chhâng a.
"Nimin khαn ka lo enfel dan in Terence chu town pawn lamah akal ni in ka hria."
"Chu sazu hrep chu, engtikah nge arawn kir leh ang? He athil tih chhung hi ka lo nghâk reng dawn tihna ani maw chu?" Ka thinrim kher mai.
"Theo hian Sofia hi ahruai kir leh anih chuan nupuiah aneih ngei angai ang, chutilo chuan he ti hian kan dah reng theilo ang tih kha i hria ang ti raw?"
"Ka hria e, mahse hetianga Terence tùn thlenga nungdama la dah reng hi ka plan dan ani hauh lo." Ka ti hmuk.
"Thil pakhat, Terence leh Jimbo hi kan tuk thlŭk hma leh Fangs ho chu kan thu hnuaiah an awm hma ang a, chuti ang ngeiin Sofia ngei pawh." Ka ti nawn leh a.
"Anih leh Sofia hi i ring ngam em?"
"Ring hauh lo, Terence hi engtiklai pawhin a pa anihna abo hlei nem, a rinawmna chu apa tân bαk ani lo ang, a pa ani miau a."
Alexandra chu ka officeah arawn lút ve teh khiah a, "Hey dad, Hey Detroit, Theo hi inlo hmu em?"
"Princess ka rindan chuan akhumah ala mut hnâr thlurh thlurh ka ring."
"Nope, ka rawn check zo chiah a, chuvαngin hetah a awm ka ring zαwk a?"
"Jog ti turin akal pawh ani maithei." Ka ti leh sup a.
"Ani maithei!" Alexandra chu achhuak.leh ta nghαl a.
Detroit chuan min rawn melh zawk a, "Call ka han tum chhin ang e." Aphone chu aphawrh nghal a.
Loud speaker ah adah avαng chuan phone chu a inrong char char a, "chhânna a awm na nge?"
Vawli ngawt a inring zawh ṭhak ṭhak hnu chuan Detroit chuan phone chu cutin a ak ṭha leh a, "Chhânna a awm hauh lo, hetiang hian aphone achhαnloh ngai pawh K hre lo." Ati ta a.
"Lokal teh, Callie hian alo hmutawh réng em i va zawt chhin teh ang." Kawngkhâr lam pan ka rual a, Heti ang hian Theo hi ala awm ngailoh avαngin ka ngaih aṭha zân lo, mahse inchhŭnga awm ka zawh chhuah dap hunah chauh chét ka la ang, thil hriat chian hma hauh a hmeichhia ang mai a lo râlkhelh vak ang hi a tihdan ani lo bawk.
Choka lamah chuan Detroit nen chuan kan inzui phei ta a, Callie chuan phone alo hmang mék, "Theo i lo hmu em tùkin lamah te?"
"Anna nakinah ka rawn beleh dawn che nia."
"Ok, ka lawm e." Phone chu acut a.
Ka thusawi chu sawi nawn lehin, "Tùkin zingah Theo i lo hmu tawh em?" Ka ti leh a.
"Kei pawhin chumi chung chαng chu zawh che ka lo tum ve mék asin." Makti zet hian ameng nghâl kawl kawl a.
"Engvαngin maw, eng thil nge thleng?" Detroit chuan arawn ti ve a.
"Phone a ka biak kha Anna ani a, nizan charity ball neihna a incharge anih kha, a sawi dan nizanah Theo arawn inlan miah loh thu a rawn sawi a." Ati chhuak ta sap a.
Ka phu ve zawk, "Eng nge i sawi mawm zia chu, nizan khαn ainlan lo ati a amaw?"
"Hei chu aṭha dawn hauh lo mai." Detroit bawk chuan arawn ti leh a.
"Fangs ho in ankawl anih chian chu!" Ka ti chhuak hrawih.
"Heti anga an che ngam anih chuan kei ni pawhin dân leh dŭn kan lek kawh bĭk tawh lo ang, wearhouse ah kal nghâl ang, he thilah hian kan mipa te ho kan koh khâwm atŭlin ka hria." Detroit bawk chuan arawn ti keh hrawih a.
Callie lamah chuan ka inher a, ahmela thlaphαnna awm chu ka hmuhhmaih hauh lo, "Callie, Alexandra kha hruaiin arang thei ang berin kan safehouse lamah lo va kal vat rawh u."
"Nilo, ka kal lo ang, Theo hi atha ani tih ka hriat chhuah hma chu khawiah mah ka kal dawn lo." Amittui chu atling nghαl pam a.
Chu ami chhαnna chuan ka thin ato sa zak, ka rorelna hi tumahin anhnial tur ani lo, "Damnit, woman, tŭnah Alexandra hruaiin safehouse lamah kal nghâl vat mai rawh." Ka ti chhuak tuarh.
Callie hmel chu mi hlauhna vângin adâng nghâl sâwp sâwp a, chutiang awka vin alakah ka hmanlohna chin pawh ka hre tawh lo, mahse tŭnah hi chuan ka rilru abuai ém ani, engvângin nge Fangs ho chuan ka rokhawm tu tur engmah inhrilh lawkna pawh awmlo a ankawl ngam réng réng chu le?
Thâwk ka la hawk a, inbengdaih ka tum nasa kher mai, ka thinrimna chu insumin, Callie chu ka pan hnai a, "Ka âu khum vak che avαng khαn pawi ka ti lutuk, mahse khawngaihin ka hrilh ang che khαn ti hrαm rawh Callie." Ka ti leh ta zâwk a.
"Eng pawh ka hrechhuak anih chuan ka hriat veleh ka rawn call nghâl dawn che nia." A hlauhthâwnna avαnga âng deuh pamah chuan ka hmui chu chuktuahin pangngai taka awmtir leh turin duhthawh zet hian ka zu kiss a, ka thlah leh hnu chuan thâwk ka la hrawih a, "Ka rawn hruai kir leh ngei ngei ang tih hi ka tiam ache." Ka ti leh sup a.
"Ka hmangaih che, tŭnah chuan kal tawh rawh le." Achalah chuan ka fawh sak leh zauh a.
"Kei pawhin ka hmangaih che Trey, mahse khawngaih takin fìmkhur tum ang che."
Callie chu thlaphαng ru tak chuan akalsawn a,arawn hawi kir leh a, amittui far chu ahru pah zauh, thâwk ka la hawk a, hmanhmawh zetin Wearhouse lam chu Detroit nen chuan kan pan dun ta a.
DOWNTOWN THE BRONZE DRAGONS WEARHOUSE....
Kal kawnga kan tlan lai chhung zawng chuan Detroit chuan midang ho chu wearhouse akal nghαl vat turin a phone kual vek a, ahmun kan va thlen chuan rei pawh kan awm hma in an rawn thleng khawm ṭak ṭak a, rei pawh nghah ngailo in kan kim ta vat hlawm a, ka aw chu thian hrawkin kan thil tawn chung châng chu ka sawi chhuak ta a.
"Nizan khαn Theo inah arawn haw lo tih kan hria a, chuan nizan akalna tur hmun charity ball ah pawh a inlan velo tih kan hre bawk a ni."
"Tùnah hian Fangs ho bαkin ankawl kan ringlo hrim hrim a, tùnahnai hian inhriat angin Fangs ho nen bαk buaina kan neilo tih pawh inhriat kha." Detroit chuan arawn ti ve a.
"Francesca leh Tanaeya kha hrilh ula hospital zawng zawng lo va contact sela Theo an dah lut nge lut lo lo va chian rawh se."
"Ka'n ti nghâl ang e." A phone chu la chhuakin a kal hrang deuh a, phone call chu ahmang ta nghαl a.
"Chuan eng nge kan tih dawn tαk?" Hunter chuan arawn ti ve khauh a, ahmelah chuan athinrim hle tih pawh hairual ani lo.
"Kan va bei zui ve nghαl ang chu tûnah, nasa tak leh nghαlin." Clegg chuan ati chhuak hrâwk a, heti anga Theo chan chin anhan hria hi tumah réng lungawi an awm lo.
"An inah vakalin Cassandra chu va bia ila aṭha in ka ring."
Detroit phone hmangzo chu arawn inher zawk, makti zeta mi rawn enin ameng pâwng deuh hlut a, "I â ta em ni?"
"Detroit ka fapa chung chαng anih hi kan sawi."
"Keipawhin Detroit thusawi kha ka pawm e, âtthlαk takin chét kan la ngawt theilo ang, plan fel tak nen kan va beih ngei angai ang." Cooper chuan arawn ti ve a, midang ho pawh chu anlo phin mur mur nghαl a, ka rorelna chu afel tawk loh zia an sawi nghαl sap sap hlawm a.
"Chutianga plan neihna hun pawh anih tawh loh hi, Sofia unaunu chu kan va biak phawt angai ang, chumi hnuah chauh thil chu afel theih ka ring, chutah chuan duh leh kan thil tih dan tur chu kan la rel zawk mai anga , atha em?"
"Ka pawm e." Clegg chuan arawn ti a.
"Chuan boss engtin nge i tih dawn tαk?" Detroit bawk chuan arawn ti leh a, ka inngaihtuah rùn rún a, "Ok, an in lama va kal chu afuh chiah lp mai thei ani, tùnah hian plan fel tak siama va beih tawp chu aṭha berin ka hria, Theo ankawl tih hi kan hriatsa an ring anga, va be tura kan kal pawh min lo bei duh mai ang, rules pawh neilo an nih hi!" Ka tileh ta zâwk a.
"Amah erawh chu plan ṭha tâwk tak kan siam vat erawh angai thuai ang."
"Dimitri hi lokal veleh turin kan call dawn em?"
"A ngailo ang Detroit, he kan thil tih tumah hian tlûk chhiat leh hmantlâkloh a kan awm hi apawimawh ber zâwk, kawng engkimah kan thil tih hi rintlαk ni se kan chak em em ang." Ka ti a.
"Anih leh eng nge kan tih tâk ang?" Hunter chuan arawn ti keh sup a.
"Terence min rawn call hun kan lo nghαk ang a, chutah chuan kei nge amamawh Theo tih hi kan hrechiang phawt ang."
"Ka ngaihdan chuan vakalin va bei nghâl mai ila ṭha in ka hria, hmun tam tak annei pawh ani silo, chutiang hmunah dah tur chuan hmun tam kan zawn pawh ka ring lo ve." Clegg chuan arawn ti leh a.
"Ok, ahmasa berah chuan Callie ka va biak phawt angai ang, an mahni beiturin plan kan siam ani tih hi va hrilh phawt ka duh." Ka ti chhuak hruih a.
Ka phone chu phawrhin ka beng bulah chuan ka dah vang vang a.
SOFIA....
Zíng ka harh chu ka ka hlim hlawl lo, engthil nge thleng hi? Engvαnga thil ṭha lo tak alo thleng dawna ngaihna nei nge maw ka nih le, ka ngaih aṭha zαn lo tlat, heti ang ngaihṭhatlohna hi ka nu thih dawn ni pawh khαn ka lo nei tawh a, mahse thil kal dan tur kha ka hre lâwk miau silo, tùnah hian chuti ang ngaihṭhatlohna chu ka nei leh ta tlat mai.
Kawngkhar chu arawn inhawng ve ta hrâm e, "He room aṭang hian min chhuahtir vat mai rawh michhawnu." Ka tih khum hlar a.
Cassandra chuan ka ṭawngkhumna chu engah mah ngaihloh hmel zet hian arawn pén lût a, anui vawr mai leh nghâl a, "Nilo e, ka tihthei lo ang unaunu, a pawi kati tak zet, ka pa rawn kir hma loh zawng he roomah hian ilo awm char char rih angai ang, chu chu ka pa thupék ani, chuan hei i nawmsak viau hi maw, sawisakna pawh i tawng hlei ném, chutah ei leh in ila hmu zui bawk a nia, anuam viau lo em ni?" Chutia aṭawng hlaih hlaih lai chuan ahmui a va hnek sal bur mai chu ka châk kher mai, ahmui pan hlang mai chu ka hlehsak chαk tak zet bawk.
"Cassandra min tilui vak duh suh, engvαngin nge nizan khan hetah Theo kha arawn kal?" Ka tih khum hlar a.
"Oh, news i hre ve lo tak ang tiraw, ka han hrilh ang che." Anui chuak hak a.
"Inneihna kha tih leh ani a, mahse tùn ṭumah ve thung chuan nang ni tawhlo in kei leh Theo ani ve tawh thung ang, kei hian Theo chu ka nei zâwk tawh dawn tihna anih chu!" Anui pah vawr a.
"Dawt i sawi chiang lutuk." Chu thil chu âwihloh ka duh tak zet.
"Engvαng chuan nge dawt ka han sawirîk ngawt ang ni," adar achhin pah âka, "Nizan a min lo hmuh ang khân nizan khαn kan pahnih engagement party a kan kal tut anih kha min lo hmuh." Ka thinlung chu den dawp ang hian ana nghαl ṭalh ṭalh thâwk harsa ka ti kher mai, ka bengin chu thu ahriat hma a ka lo chhu ngawng hmasa ta lo chu inchhirna hlĭrin ka khat bawk.
"Ka kawr hαk kha i duhzawng ani em, Theo min leisak anih kha." Amit meng rúl ang maia ver vek chuan min melh kal a.
"Mah...mahse ka pa khαn Theo leh Trey thih kha aduh emaw ka lo ti a." Ka ti ve sap a.
"A duh leh tawhlo chu anih hi maw, tùnah chuan arrangement kha kalpui an tum leh ta zâwk anih hmel, i duh chuan ka bridesmaid ah i ṭang thei ang, engpawh ni se, chhun chaw ei tura ka chhuah angai, Theo nen inhmuh kan tum a."
A kalchhuak leh ta a, engvαnga ka rilru tina tura chung thu chu mi rawn hrilh nge maw anih le? Ka mittui chu adir nghαl zung zung a, awmngaihna pawh ka hre lo.
"Damn you Theo, in zavaiin ka haw hluah hluah che u." Lungchhe vαnkai leh beidawnna thúk tak nei chungin ka ṭap hlap hlap a, ka lungchhe lutuk leh ka rilru na kehsawm chiang lutuk chu tumahin min hnem theih pawh ka ring lo.
No comments:
Post a Comment