SEDUCTIVE CHAPTER 11

SEDUCTIVE CHAPTER 11

"Y... YACHT AH MAW?" Ka phu deuh zawk, ka meng bial kawl kawl.


"Yacht i nei tihna maw ni a?"


"Yeah, yacht ti chuan asawi ve theih in ka ring." Ati duh lek chauh a.

"Eng nge diklohna a awm em ni?" Mit khap lo lék leh makti zeta ka melh reng na chu engahmah ngaih loh hmel zet hian amengkual rulh.


"Heti em ema sum leh pai i ngah hi ka lo hre lo a." Nuamlo ti tak hian ka phun chhuak sep.

Eng dang mah sawi leh tawh lo chuan acar a darkar tam fe kan inkhalh hnu ah leh kawng chu atâwp thei dawn tawh lo emaw ka tih hnu ah chuan a yacht awmna hmun chu kan thleng ve ta hrâm a, thil thlen dan zawng zawng leh amah nena chauh a hun kan hman dan zawng zawng te kha ka ring theilo hial zâwk.

A lawng chhŭngah chuan min hruai lût a, milian ho nawm chenna dik tak ni in ka hria, achhùng pawh pui tak hi ani ringawt." Whoa." Ka tih haps.


He lawng hi kan pahnih atân chauh maw ni a....


A romantic tak zet, mahse Wesley ngaihdan erawh ka hre lo.

Kan pahnih hian inngaizawng inkawp lai chu ni ila chuan hlimna takin leh nuamsa takin he hmunah hian nuam kan chèn dŭn tur hi ania le, mahse chuti ang chu kan ni si lo.

WESLEY POV...

Eng thil nge Eleanor hian angaihtuah ang le? Ahmel ka enchhuk chuan thil hlimthlâk tak angaihtuah anih ngei ka ring, ahmel chu ahlim sar hian hriatna ka nei.

"Hetah hian chatuana din em ni i tum?" Ka tih khum ta sup.

Aphu deuh zawk tih pawh ka hria, asuangtuahna ram aṭang chuan rawn harhchhuak ve tawh èm èm rawh se.


"Nilo e, thil eng emaw ka ngaihtuah mai mai...."


"Mipa hmelṭha lutuk mai i ni tih hi i inhria em?"


Ka nuih aza kher mai, túnah chauh hian em ni ka hmelṭhatna chu ahriat chauh ni? "Pardonmoi?"


"Uhh, lawng hi ania, lawng hi analh lutuk." A tumloh deuh thil asawi chhuak tih ka hre chiang hle bawk, mahse chu chu ami ngaihdan tak pawh ani ngei ang le.


"Kan lût tawh bawk a, engtin nge ni zel dawn?"

A kal sawn a, hmun dang ho chu athlék kual dan dan a, Elo engtin nge hetia i mak danglam theih bìk ĕm ém mai le, tih chu ka ngaihtuah ta hial.

Mahse achungah erawh ka rilru awlsam taka pèk ka tum chuang hauh lo, hmangaihna hian ka tan awmzia anei ve lo, chu chu ka chhawmnun tlat angai, hmangaihna hian engthil mah min thlen ka hre lo, lungngaihna leh beidawn na chauh lo chu, hlimna tlém chu kan nei ve ṭhin chu pawh atirah chauh a ni, chumi hnuah chuan tawrhna lungngaihna, rilru hahna hei hi hmangaihna aṭanga kan dawn te chu an ni.


Kei Wesley Cooper hian hmangaihna hi engtihna mah anih loh zia ka fiah ngei bawk ang.

Eleanor chu ka zui phei a, lawng bathlar lam chu ka pan phei pui ta a .


ELEANOR....

Heti anga chatuana din hi em ni i tum?" Wesley aw thâwp sat mai leh sexy zet chuan arawn ti ta sup a, ka phu deuh zawk, amah ka melh chho chu ngunthlúk zet hian amitmu rawng gray paw chuai chuan min lo en chhuk reng ani tih ka hre chhuak a, ka sen deuh awp awp ka ring, ka biang chu asa deuh hat hat a,
"Nilo e, thil eng emaw ka ngaihtuah mai mai...."

Ka ngawi deih vang vang a, Wesley chuan ka chhânna nghâk tih hriat tak hian amitko chu min sân khum αwk a. Engtin nge ka sawi chhunzawm tâk ang le?


"Mipa hmelṭha lutuk mai i ni tih hi i inhria em?" Ka tumloh deuh in chu thu chu ka sawi chhuak a, ka zak kher mai.

"Pardonmoi?" A nui chhuak hawk hawk zui a, anuih zawnga a ha var rual ṭhah mai langa za taka anui chu hmuhnawm tham zet hi a ni, mahse ka sen chhuah ṭân ṭân ka ring, oh, he pa ṭha ka tih zia hi ka tumloh deuhin ka sawi chhuak leh ta, ka sawi leh tur hre lo zahzel chuan, "Uhh, lawng hi ania, lawng hi analh lutuk." Ka ti leh ta ri ngawt a, ahmel leh lawng chung châng chu intuha lo tak hi ani ri ngawt.


"Kan lût tawh bawk a, engtin nge zel dawn?" Ka ti leh a, ka thusawi eng pawh mai chuan anuih kati za ta tulh tulh emaw tih tur khawp hian anui chhuak a, nuamlo ti zetin ka kalsan ta daih a, chutia ka lo vah kual lai tak chuan min rawn ûmphâk a, ka bαnrèkah rawn hmerin lawng bathlâr lam min pan pui ta dawr dawr a.


Lawng bathlar pawn lam pangah chuan reciptionist alo awm a, mak kati ru hle mai, min lo nghâk reng tawh ni hian ka hria; chu nu chuan Wesley chu alo hre nghαl var a, a ṭhutna aṭanga ding chhuakin, "Hello Mr.Cooper." alo ti nghâl sawk sawk a.

"Chuan kalna kawng tur i sawi kha kan hre tawh a, lawnga thil dahtur i tih ho zawng zawng pawh ka engkim dah luh a peihfel vek a ni tawh bawk." A ti leh sârh sâhr a, Wesley chu ngaihsan hmel zeta en chung hian a kun khum zauh bawk a.


"A ṭha e, ka nupui hual tân a ka sawi pawh kha engkim tihfel ani tawh maw?"

"Yes sir."

Ka lo phu zawk, ka nupui hual min ti a maw?


"Sophie alo kal ang a, i nupui hual mamawh engkimah arawn pui dawn nia."

"A ṭha e, thanks, Maria."


Maria chu kan kal san a, kan ṭawng ahre phâk tawh lo ang tih âwm velah chuan Wesley chu ka hma khalh a, melh deuh rân rân pah hian, "Engvânga i nupui hual ti a min sawi nge i nih?" Ka ti nghâl bawrh bawrh.


Khaw dang a hawisawn daih, ka thusawi chu hre âwm pawh hian alang lo va."Wesley."


"Oh, kha kha maw? Mahni leh mahni chu infak der duh lém suh." Za zet hian anui chhuak hawk hawk a, ka ngei kher mai, athusawi awmzia pawh ka hrethiam nek lo.

"Ka hna thawk an ni a, ti khân engmah sawi theihna an nei lo ang." A phone chu abih leh mual mual tawh a.


"Chuan tunge i nih tih hriat tum a anzawhna tam tak kan pumpelh phah bawk ang." Ati chhuak leh sup a.



"I tih chuan le....."

Ka sawi tum ka sawi zawh hma hma chuan kan bulah hian hmeichhe sam sen thar mai uniform dak zaih ha hi arawn kal a, "Good morning young lady."


"Khawngaihin min rawn zui ta che."

Wesley chu ka melh chho zauh a, aphone ken lai bâk a ngaihtuah hauh lo tih ka hmuh chuan ka thin arim ru ṭeuh.


"Well, girls in thil chung cháng chu lo tifel ula, ka kalsan lawk ang che u." A phone chu a ak ṭha nghâl a.
Ka bula a awm chauh hian emni Wesley hian phone akhawih ṭhin ni ang, tih rinna chu ka neih phah ta hial.

"Khawiah nge i kal dawn?"


"Ka business ṭhen khat ka khâr dawn maw le." Min nuih pah suk a.

"Ka lo kal ve thei em?" Ka zâm lutuk chuan ka kut chu ka nuai deuh nak nak a.


"Ka ring chiah lo, mahse ngaihtuah duh suh, ka lo kir leh vat ang, mon amour." A mit chu min siai khum pah zauh a.

A kalsawn nghâldaih bawk, oh my love tiin maw min koh a, khami ni kha ka la hre reng, mon amour ti a min koh ni zân khân ka google ve ngei a, french ṭawng ani tih ka hrechhuak a, chu mi awmzia chu my love tihna ani, Wesley hian French ṭawng athiam em em a, chuti ang zetin english pawh apianpui ang tluk zet in a nâl bawk, a eng zâwk nge anih ang tih chuan ahmelah hi chuan French mi anih ngei ka ring.


"Miss min rawn zui rawh le." Sophie chuan arawn ti leh a, ngawi rengin ka zui ve ta a.

Room pakhatah hian min hruai lût a, thawmhnaw dahna chu hawngin silk kawrfual var pakhat hi arawn khai chhuak a, "Hei hi ha rawh."

Sophie ina akut a silk kawr fual var nalh zet mai arawn khai chhuah chu phâwk hra hian ka en reng ringawt a, second reilo te chhùng chu chu kawr fual en chuan ka ding ngawi rán a.


"He kawr nen hian eng nge ka tih dawn?" Ka mak tihna ka hmela lang chhuak tur chu thup pawh tum hranpa lem lo tak hian ka ti chhuak a.



Nuih sang pah hian,"Oh, yacht i awm a ni lo'm ni....he kawr hi asexy a, heta hâk atân chuan arem ber ang chu, chuan alehlamah ve thung, Mr.Cooper hian hmeichhe sexy taka lang ho hi aduh zawng chi a nia."


"He mimawlpa hian eng nge aduh tih ka pawisa hauh lo ve." Ka ti chhuak hlar a.


"Mahse i pasal hual ani lawm ni?"


Ka hrechhuak leh zawk, "Huh....aw ni e, a ṭha e, kawr chu min lo pe ta che." Ka ti leh ta zâwk a, ka chal ka tuai pah zeuh bawk.

"I hâk dan turah ka pui thei che a nia."


"Nilo, ka lawm e, keimah a tih ka duh zâwk ang, ka lawm lutuk." Ka ti nghâl thuai a.


"Ok, anih mamawhna min nei anih chuan Mr.Cooper i rawn hrilh mai dawn nia." Sophie chu a kal chhuak ta nghâl a.


Kawr chu inthawlh tumin ka thawmhnaw hâk chu ka phelh a, uhh, heta hi aman inziahna pawh ala awm va va mai, chu kawr man chu eng zah tak ni ang maw tiin ka en mai mai a, ka phu chiang kher mai, "Ni lo, ni lo, ka ha ngam dawn em ni? Kawr dollar 18000 man chu oh, ato lutuk ringawt."


Oh Lalpa mahse ka hâk ngei angai ang, a nupui hual angin min sawi tawh bawk nen, kawr ka inbel zawh hnu chuan khum lamah chuan ka muzàl ar ar a, "Engvangin nge Wesley chuan he hmunah hian min hruai chhan ni ang." Ti in ka phun chhuak sap a.


"Ka hre thiam hauh lo... amah aṭanga hla taka awm tumna rilru ka pu a, mahse hei tùnah lah thawmhnaw man to tak nen luxurios yacht ah ka awm chu a nia, tùnah hian tuipui chung lai takah united state a mipa hausa pawl tak leh pa zet mai hmelṭha tak nen kan awm dùn leh mèk chu a nia."


"Eng nge ka tih tâk ang...."

Tuipui ri chuan ka hamhaihna zawng zawng te chu min tihreh sak a, lawng pawh akal ṭan ta a.


Hetia lawng changkang tak mai chhûnga khum nalh leh ropui zet a ka han awm ta mai hi âwihthiam mai pawh harsa ka ti, heti ang hmunah hian ka dam chhûng zawng pawhin ka awm thei ngai dawn si lo, chutihlai tak chuan bathroom lama tháwm awm chuan min ti harh zawk, chu thâwm chu bathroom lam aṭang a shower hmang ri ani tlat mai.


Ka tho chhuak a, tunge ni ang tih chu ka thil hriat duh ber a ni, bathroom kawngkhâr chu ka ban da da a, ka nam deuh hlek a, a lo inkalh hauh lo, ka va lût ka thil hmuh chuan min ti phu chiang lutuk, Wesley taksa ruak kαng mai leh a chèt záwnga atihrawl inphiar ṭalh ṭalh chu ka hmu ta thut a,"Oh my God." Ka thawmah chuan ka lam arawn hawi phei a, "Ka privacy thil hman ka duh lawk mai a nia, pawi i tih lèm loh chuan." chu pa taksa ruak kâng mai chu ka en lo thei lo, a kâwng chu afek thla rât a, a dar erawh apharh ṭha leh viau si, a sângin apian réng rèng chu fuhlo lai rèng hi a awm lo, a six pack chu a lang raih a, a v line thleng chuan ka en lawr dan dan, ka mit chu khawdang hawi tir harsa ka ti tak zet , amipatna thleng chuan ka hmuh hmaih hauh lo bawk, chutia second reilo te ka thlir chhúng ringawt pawh chuan a taksa bung hrang hrang invuah nghet rem tak ho chu ka hmu kim biai hman.

Ka harh chhuak thut, Wesley mit meng chu ngam leh ngamlo hian ka melh phei leh ralh a, amitmenga nuihzatna akhat hian min lo én rûn a, "I duh chu i hmu kim tawh maw?" Nuihmel apu lek lek, ka zak lutuk tihngaihna hre lo chu ka tlánchhuak nghál daih, ka khûr zawih zawih, Wesley chu bathroomah alo awm reng chu lo ni in, Sophie nena kan thusawi te kha hre vek tak ang maw.

Thawmhnaw inbel sa at hian arawn chhuak a, ka lam chu rawn pan pheiin, "Well, bathroom hman hmawh tak a i hmang duh hmel ka hmu a, i duh chuan tûnah i hmang thei tawh ang, alehpekah chuan kawngkhar i hawn hma in i tih ṭhin tur chu i hriat tawh ka ring."

Chu athu rawn sawi chuan nuamlo min tih tir a, ka zak hle bawk, ni e, asawi dik lutuk, engvânga bathroom.kawmgkhar hawng a lo va lút ve ringawt nge maw ka nih chu le, he hmun hi ka tâ pawh a ni si lo, mahni insitna hlirin ka khat, ka inzahpui ngawih ngawih bawk.


WESLEY POV....

chutiang ṭawngkam abula ka hman avânga amitmenga mahni inthiamlohna leh zah ngawih ngawihna rawn lang chhuak chu ka hmu a, ahmelah pawh chuan hreawm atih zia ka hmu tel bawk, ka inthiam leh bík lo, "Uhh, ka thinrim miah lo ania, khati ang hmel kha pu teh suh!" Ka ti leh thuai a.


Eleanor chuan ka mitah pawh mi rawn enchho lo in a en phâk chin ka áwm zâwn chu amelh ngar a, khati ang a ka ṭawngkhum deuh hrawih aváng vân ka ti hlau ani ngei ang.


"Ka private thil tih lawk ka duh a, mahse ka thin erawh arim hauh lo." Ka ti chhuak leh sup a, engmah ala sawi chuang lo, en pawh min rawn la enchho chuang lo hrim hrim, tih hlauh hi ka duh ngailo asin, min hlau tur pawhin ka duh hek lo, chu chu thuhran ni se, he nu hi ka hlat theilo a, ṭhian ang tala kawp ka duh, atello chuan ruak ta veka inngaihna ka nei tlat, he thil hi Eleanor keimaha a special ém émna pakhat chu a ni, ahmel hmu lo a awm har ka ti a, mahse, ka hmangaih tihna ani kher chuang lo, chu a taksa nalh tak mai leh nèl thep chuan min hìp bet tlat ṭhin a, he thil ah hian lo inven ka tum viau achu atheihloh ani tih ka hre chhuak tawh.

A thawmhnaw inbel silk  kawrfual hnalh chuan ataksa chu atilang no leh zual a, amah chei tu nu chuan a inhmeh tur awm athlansak thiam hle in ka hria, midang te angin chuti ang thawmhnaw man to tak tak chu inbel ve thei reng ta sela, khawvela hmeichhe nalh ber ani hial awm e, ahmel chu ati lang sexy raih a, chu kawr a inhmeh pui zia chu ahre hauhlo ni in alang, God, ka hmuh tur chauh a chuti ang kawr a ha chu ka lawm zâwk mah , mipa dang chuan chuti ang kawr nen chuan hmu ve ta ang se, ka tαn chauh ka siam thei tawh hauh lo ang, ka thil tih ah chuan mahni hma ka sial viau achu ka theih chhùng zawng kal pui ka tum, mahse ṭhian ang chiaha in en tawn ka rawt chhuak a, heti ang ṭhian ang mai mai chuan kan awm dûn reng theilo ang, kei lah hmangaihna ring lo tûk chi ka ni a, ani in aring si a, engtik ni ah emaw chuan amipa duh chi tak ala tawng ve ang a, chumi hunah chuan ka thlah angaih hun ala thleng ang, chumi hun alo thlen hunah chuan kei hian ka thlah thei ang em? Tu nge amipa duh tak chu ni ang?

"Eleanor min han en teh."
A rawn dâk chhuak tih ka hriat veleh chuan ka hawisawn san ta daih a, ka sam hnunglam a tui la far fuap fuap chu ka tuai deuh zauh, Eleanor hian amah ka ngaihtuah ani tih hi hre lo turin ka duh, chuti ang ngei a awm tur chuan ka hmelah pawh tihlan ka tum nghet tlat.


ELEANOR....

Wesley chuan amah entur a min tih avángin ka melh chho zeuh a, a sam dumhlap mai leh la hnawng deuh chap aṭanga ahnunglama tui la far thla zaih zaih chu akut chuan a tuai deuh pharh pharh a, amitmu gray colour chuan mi rawn enchhuk a, ka enlét veleh chuan a hawi sawn nghâl daih.


A kawr rawn hâk chhuah chuan ati lang ṭha in ati lang pâ hrâk mai a, chuti ang thawmhnaw ha inhmeh tak viau zel mai mipa an awm pawh ka lo la hre lo, ni e, Wesley chuan thawmhnaw manto tak tak vekin alawm a inthuam ṭhin! Mahse chu pawh ni sela, engvânga ahâk apiang mai chu inhmeh pui èm èm zel mai nge anih tih erawh ka hre bík lo.


A taksa enkual nan chuan hun rei tak hman angai hial ang, achhan chu he pa hi enthuak chi ani lo, kan en tawh lak lawh chuan alak aṭanga mit lâk sawn leh zung zung ahar ṭalh tawh ṭhin, heti ang èm ém a thilsiam nalh kut them thiam mi ina aduanchhuah greek Pathian ang mai a mipa hmelṭha tak mi hípna ngah tak mai thlir kual nan chuan ka hun neih zawng zawng sen ral pawh pawi tihna ka nei lo, mahse ani erawh chuan chuti ang chuan min en ve si lo, kan pahniha inhiptawnna awm hi apawm duh lo a, chu chu thuhran, hmangaihna tih ang reng hi arin ve zawng ani lo, ka mipa tawn chu heti ang hi ania, ka vânduai hle hian ka hria, chu vâng chuan alaka hmangaihna tih angreng hi chu ka tân beisei loh law law ahlâwk zâwk maithei a ni.


Mahse chuti ang pawh nimahse he pa hian min ngaihven em em a, ka natna ahmu theilo a, amah bâk min ti hlim thei tu hi ka la tawng lo, amah hi ka hlimna a ni a, alak aṭang hian tuarchhelna leh huaisenna chu zir in ka inhria.

Ka lam chu arawn hawi chhuk leh a, "I mak danglam ve chiang alawm." Ati deuh khauh a.

"A châng leh rilru na ber ang zia zâng a awm in i hmel angui a, tùnah lah mimawl ang maiin i nui leh bawk si." Thâwk ala hawk a, achal chu a dawm deuh ruih bawk a.

Shit, ka lo nuichhuak tihna em ni? A taksa nalh tak leh pâ zet ka thlirna lamah chuan ka nui chhuak ani ngei ang le.


"Eng thil nge ti tura min duh anih leh, ṭap turin maw ?"


"Nah, hmeichhe ṭap lai hmuh hi ka hna ani hauh lo.....an nuihmel hmuh hi ka duh dan a ni. " a mitko chu min sân khum zauh a.

"A phur awm hle mai." Ka men nur khum deuh nâng a, ka hmui chu ka tih pawrh khum deuh târh bawk a.


Min rawn hnaihchilh vut a, achet ran teh thut em avαng chuan mahni pawh ka lo inveng hman lo, mahse engtin mah chuan min rawn ti chuang lem lo, kan taksa erawh a inhnaihchilh kher mai, " Chuan an heh hnuailam an peh deuh zauh hi ka hmu duh..."


Oh, engvânga chu thu chu sawi nge maw anih tehhrep chu le? Ka hriat miah loh in ka heh chu ka pet pah zauh ani tih ka hrechhuak zawk.


A nui chhuak hawk a, "Chuan an zah avânga an sen tân ṭán lai pawh a sen chhuak lo ti a an sawi hi hriat nuam ka ti bawk."


"He kawr hi i hâk tur âwm tak ni in ka hria, abĭk takin nang ang taksa nalh tak nei tân phei chuan." A aw rilruih mai leh thâm deuh châl chuan athusawi lai chu ati tak zual sawt, chu thil chuan min ti zâm chhe lutuk ringawt. "Oh, Wesley...."

"Elo, i sen ṭân ṭán a nia."


"Hey, ka sen chhuak hauh...." a thusawi chu ka hre chhuak zawk,

"Huh, ka hrechiang hle che in ka hria, a ni lo'm ni?"

Ka kalsan hmak, achâng chuan angei awm thiam ṭhin viau mai hi ka haw ngawih ngawih.


Hmun dangah chuan ka kal kual a, lawng chu azau a room atam teh reng nen lawng chhunga hnathawk ho tih bâk tumah midang lawng a chuang ve hmuh ka neilo, Kan pahnih tih loh chu tumah an awm lo ani ngei ang le. Ka ril chu aṭam raih raih tawh kher mai, mahse Wesley bulah hian ka sawi ngam dawn em ni? Eng pawh ni se, va zawn ve hrim hrim chu ka tum ta a, ani leh kei tih chauh lo chu lawngah awm ve dang an awm silo, mahni chauh a awm reng chuan mal riau hian ka inhre tlat zel.


A ni chu lawng bathlâr lam swiming pool awmna lam pool bench ah chuan alo mu zal ar ar a. A bula va din nghat pah chuan, "He hmunah hian eng nge kan tih ber dawn tih hi min hrilhnawn leh thei em?" Ka ti nghâl tawng a.


Men pawh rawn mengchhuak chuang lo hian, tuipui chunga hahdam turin." Ti chauhin min chhâng, ka duhkhawplo kher mai.


"Chutiang lam chauh....inlamah haw mai ila ṭha in ka hria." Ka maimitchhing zeuh a, ka chal chu ka dawm khum nghalh bawk a.


"Reilo te chauh alawm ni dawn, eng thil pawimawh nge tih tur i neih leh thut tαk a, yatch thleng thlenga kalsan duhna rilru leh.... keimah nen  chauh a afala hunhman duhlo a siam leh tu che chu?" A rawn meng chhuak ve ta a.

A rawn tho chhuak nghâl a, ka lam chu arawn pan hnâi sauh bawk, duhai in kan taksa chu a inhnaih mah mah, ka tawlh hnung hrat a, "Eng nge sawi i tum, kan pahnih a afal a hunhman ti a i sawi chu ka hrethiam miah lo? Chuan nang chauh hi he khawvela lal i ni bìk lo ." Ka tih khum nghat.

"A chhan chu kan pahnih chauh a hun kan hman dun hi aṭha bera ka hriat vâng a nia, min mutpui leh lek phei chuan atha leh zual ngei ang." A mitmenga nuihzatna akhat leh mi tihel hmel zet hian min enchhuk reng bawk a.


A rawn phun chhuak leh sup a, "ei in lamah pawh, nang leh kei chauh ina kan ei dun hi a ṭha ber bawk ang."


"In phùm bo daih la aṭhat ber zâwk ka ring." Tiin ka chhâng ve zauh a.


"Ha ha, Eleanor nuihzatthlâk lamah i rawn kaltir daih alawm." Anui chhuak hawk hawk a.

A nuihmel ka enreng avâng chuan ka nui ve lo theilo." Ngawi hmak teh mi â pa." Ka nui chhuak ve ta var var a.

"Eleanor i thusawi chhuah tin  hian keimah ah awmzia anei vek mai in ka hria."


"Pawi ka ti lutuk, professor...."


"Professor ti in min ko miah suh!"


"Engvâng in maw?"


"Upa deuh tawh angah min inngaih tir avângin."


"I chhawih hle mai, professor ho hi an upa turah dah vek suh, kum naupang tak tak te pawh an awm ve tho a nia." Ka ti chhuak hlar a.


A mutna lam chu pan phei lehin amu leh daih tawh, ka thusawi kha angaithlâk tak tak.pawh ka ring lo, "Reilo te chu ngawi rengin i muzal ve thei ang em?" A ti daih bawk.


"Hetia nilum a inpho a chawlh hahdam hi ka duh rih." A ti chhuak leh sup a.


Hun chu akal duak duak hian ka hria, Wesley chuan chhun chaw chu kan awmna hmunah chuan achah a, seafood kan ei dŭn a, tam ei a áwih lo, dinner tui tak leh pâng ngai tak kan ei tur thu sawi in lunch chu tam tak pawh achah lo, ka ril aṭam teh rehg nen ka lawmlo ru kher mai, lunch atana an thil rawn chhawp sea food chu ka chhiar kauh kauh, kai kuang lian vak lem lo pathum leh chakai bawpui pakhat leh tuikep pahnih, leh thlai rah tam tham lo zet a ni a, ka eizo vek ,ka duh belh viau a chu Wesley chuan alam belh duh tawh chuang lo ang, tlailam ani vat chu ka lawm ngei mai, ka lawm ber ṭum ala ni hial âwm e. Wesley bulah chuan kan haw tawh dawn leh dawnloh thu ka zâwt leh a. Dinner eina hmun hall chhunga min hruai luh hnu chuan min chhâng ve chauh, "Well naktuk zing hian him tak leh damṭha takin kha i in tereuh té ah khân i thleng tawh ngei ang." Tia a sawi avâng chuan ka hlim phah sawt.


"Ka lawm e." Lawmthu ka hrilh ve sap.


"Chuan naktuk zing darkua ah adoption center ah khân ilo kal ve ngei angai ang, naute kha mi hmuhtir an tum anih chu!"



"Oh, ava ropui ve." Ka hlimna chu ka thup thei lo.


"Uh, nu nih chu i lawm viau tih ka hmu thiam mai." Min nuih suk a, kan eitur chu an rawn chhawp a, Wesley chuan zu lam atih ngailoh avângin zu lam pang chi rèng reng an rawn chhawp lo a, ka duh anih chuan dinner eizawh hnu ah bar lam ka pan theih tur thu min hrilh nghut, mi mak dang dai ve tak chu ni in ka hria.


"Hmuh ka chákna arei tawh em alawm." Tih pah chuan sangha thar lam tak mai ka thlenga mi chu ka hmawm pah zauh a.



"Kei pawh." Min rawn melh ve vung vung a, adar asân pah âwk a.


"Hey, naute hi ka tâ tur ani tih hi hre ringawt mai rawh." Mocktail chu ka duh aia tam ka inphah a, ka khuh deuh khak khak zui.


"Inhnialna hun ani lo Elo," hankerchief chu min rawn pe a.

"A tha e." Ka zia awm tawh hnu chuan.ka ti ve mai bawk a.

"Thilpakhat surprise tur che ka nei asin."


Ka thil ei lai tawp meuhin ka en phei a, "Eng surprise nge ni a?"


"Tùnah chuan eitur kha ei phawt mai teh."


"Eng lam pang nge?" Heti ang thil hi nuam ka tih zawng tak anih avângin ka nghâk thei ṭhin ngai lo.


"Surprise a ni mai, i hmuh hunah i hre mai ang, naktuk zingah i surprise chuan alo hmuak ang che, tŭna ka hrilh che chuan surprise pawh ani tawh nαng." A ti tlat.


"Eng lam pang chiah nge tih te chu i sawi...."


Ka thusawi tur ka sawi zawh hma hma chuan min ṭawngkhalh a, "I eitur kha tùnah chuan ngaihtuah tawh rawh, chuti anih loh chuan ka thawmhnaw zawng zawng hi ka phelh ngei ang."


"Oh, i ngam hauh lo ang." Ka mitko ka sân khum pah âk a.


"Mi tih chhin tir turin i duh deuh tihna em ni?" A zâm loh hmel kher mai.

A ding chhuak a, ashirt hak chu a phelh ṭan ta mai a, atih ngam ka rinloh tehreng nen, chu thil tih chu atum tak tak, angam chiang khawp mai, ka tih tâwp vat angai ngei ang.


"Ok, ok, ka ring tawh e, silly tùnah chuan ṭhu leh tawh rawh." Ka ti ta chùl a.

Chumi hnu ah chuan inbe leh tawh lo in kan thil ei lai chauh chu kan ngaihtuah a, ei tur reng reng chu atui hlawmin ka la ei ngailoh hlir hi a ni a, ka ei ṭeuh bawk, desert kan thil eizawh hnu a anrawn chhawp thleng chuan atui ber ber chi nivek hian ka hria.

Yacht chhunga restaurant changkαng zet a kan eitur te kan eizawh hnu chuan bathroom lam ka pan lawk tut thu Wesley chu hrilhin ka tho chhuak a, ka va kir leh chuan alo awm tawh hauh lo.


Ka mit chuan ka zawng kual ru hrek hrek a, a mak ngei mai, engvαnga akal angaih thu pawh mi hrilh lo nge anih chu le? Tawp tawp zel chuan, ka thin arim ru viau bawk.


Waitress pakhat hi arawn kal a, "Hello miss, puih i ngai em ni?"

"Hello, aw ....pawi ka ti khawp mai." Ka ṭawngchhuak te réng réng chu abung rum a.

Thâwk ka la hak a, pângai taka tawngchhuah ka tum.
"Mr.Cooper kha nichin lawkah hetah hian a awm si a, khawiah nge akal hman i hee mial em?" Ka ti ta a.


"Oh, Mr.Cooper maw, ni chin deuh lawk khαn restaurant hi achhuahsan ta anih kha, mahse ala kal hlat chu ka ring lo."


"Ka lawm e.....anih leh kan eina bill kha min hmuh thei em, ka lo pe dawn em niang?"


"A nuihzatthlâk hle mai." Chu waitress chu anui ringawt a.


"A vai khan a free tih te chu ahriat tlangsa reng lo'm ni? I pasal hual yacht a lawm."


"Yeah, tehreng mai, engtin nge ka lo theihnghilh theih zâwk le?" Ka nui ve na achu nuam ka ti chiah lem lo.


Mahse heti anga kalsan hi chu ka duh dan ani lo, achhan chu kha mi zân lah khαn amahin engmah eilo in ka eitur mi lamsakin min kalsan daih tawh bawk a, tŭn ṭum hi chuan ka eina man tal pèk ve ka duh tawh, heti ang hian ka eiman hi chatuanin min pék sak reng thei bĭk lo ang.


"Anih leh kan thil eiman ho kha engzah man hu nge tih min hrikh thei ang em?" Ka ti leh a.


"Well, i tih chuan....."
A apron hâk poket aṭang chuan cukculator arawn phawrh chhuak a, achhùt ta malh malh a, bill chu min hrilh a,  Oh My God..ka phu deuh zawk, mak ka tihna chu ka hmelah lanchhuah lih tir hrâm hrâm ka duh, ka dang chu bill ka hre zet chu ka dang ati ro.halh halh a, chil lem tur pawh ka neilo hialin ka hria, "Ka lawm e....uh...kan inhmuh leh vat ka beisei, engkim mai kha atui vel vekin ka hria." Ka ti bah niai a.

Hreawm ti zet in chu hmun chu ka chhuahsan vang vang nghαl, corridor ah chuan ka ding chat a, "God, kan eina man chanve vel tal kha chu pék ka duh a, mahse ka tân chuan asâng lutuk mah mah."

Ka eiman chauh pawh kha pe tur chuan ka kumhnih hlawh angai ngei ang le, he hmun hi ka awm remg na chi pawh ni in ka hre lo, engkim mai chu mihausa ho nawm chenna tluk zetin a to hlawm, ka kawr hαk lai ngei pawh hi râpthlαk tham a ni, heti ang mi hi ka ni ve lo.


"Mahse tùnah chuan Wesley hi khawiah nge a awm ka zawng chhuak ngei tur a ni."


Ka kal zel a, mahse ka hma zawnah chuan Wesley sawi ang ngei chuan bar alo awm ngei mai, Bartender hnenah chuan Wesley an lo hmu nge hmu lo ka zâwt leh a, mahse intur min lo offer na chu ka hnar thei lo, ka thiltawn ti zia awm tur chuan intur chu ka lam a, ruinhâp a awm chu ka tân aṭha ber ang, ni e, bar pawh chu ka tân afree tho, nuamlo ti viau mah ila ka lei phâk eng mah a awm lo. Engkim chu ka tαn chu lawng chhung ami chu free anih thu min hrilh mahse nuam ka ti chiah hran lo, mahse intur chu ka intam ta viau in ka hria, chuti ang a intur in nαn chuan darkar khat lai hun ka hmang ta mai a, Wesley ka zawn pawh chu ka hre chang tawh lo.


Kan room lam ka pan leh hnu pawh chuan ka rui chhe tak zet tawh, "Ugh, kha hmunah khαn dakar khat zet maw ka hman a, hunkhawhral na ṭha tak anih kha le." Mahni chuan ka phun pah niah niah a, ka pai deuh chhat chhat bawk, ka lu chu avir miai miai mai a, ka duh aiin ka inhnem deuh hlek a ni.


*Hiccup*, "Ka hun ka khawhral thlâwn mai mai chu ani ém lo ...Hiccup."



"Oh, intur."

Chu nawmchenna lawng chuan tuia inhnim luhai ang mai in min siam alawm le.


Corridor lam ka phei lai tak chuan room pakhat aṭang hian Wesley aw chu ka hre ta a, eng thu nge a sawi ti a ngaihthlak rùk chαkna chu ka nei ta tlat pek , ka thil in nen ka lu ahai chiai chiai mai bawk a, ka awm dan chu anuam châk châk mai leh nghâl, phŭrna hlirin ka khat, phone ah mi abe ngei tih pawh ka hria, kawngkhar chu alo in khar phui lo a, chutah chuan ka beng va dawh hnâiin ka ngaithla ta rân a.


"Chutin ka hre chiang mai bĭk lo, mahse he hmeichhia hian ka tαn a ṭangkai tur infomation hriat anei niin ka hria."


"Chumi ah chuan ka chiang khawp mai."


Eng information ṭang kai tak ni ang maw? Ka ti ru niap niap.

Hmeichhia ati a, tu tak ni ang maw?

Ka chung châng ani ngei ang le, Wesley chuan keima chung châng asawi ngei anih ka ring, ka ngaithla ngun sauh, oh, mipa eng emaw tak an sawi ang chi hi ani ngei ang le.


"Eng thil nge a sawi tih hi ka ngai thla zawm zel ani ang chu.... anih loh pawhin kei ma chung chαng anilo maithei bawk a, midang chung châng ni zâwk se aw....hiccup. ka irh deuh awk awk reng mai leh nghâl.


Arghhh Elo! Fimkhur viau teh a thusawi i ngaithla ru ani tih a hriat vaih chuan i châk lo viau mai tur a nia.

Thâwm ka lo dĭm lo lutuk chu ka inchhir leh hnu hnawh, ka ngawi hmak bawk.


"Ngawi lawk teh!" Ka awmna lam arawn hawiphei dawn lai tak chuan kawngkhâr chu ka khâr chîp da da a.

Kawngkhâr akhar chipah angai ani ngei ang, min hnungchhawn a ka rin leh hnu chuan ka hawng kau leh a, "Yes, engmah ani lo e, thâwm eng emaw hrethân in ka inhria a." A tih leh tαkah chuan ka thaw huai mai.


"He thil hi kan sawi dun leh ala ngai ngei ang, achhan chu he ka fapa tur hi ka lak aṭanga tumahin min lâk sawn sak ka rem ti ngai lo ang." A ti leh hrawih.

Naktuk leh a tuk leh hi chawlh ka la lawk ang aw.