CATFISH BY SANGTEI KHAWLHRING
CATFISH EPISODE 2
A tâwp a tâwpah chuan ka chuanna flight chu a ṭum ve ta hram e.
Flight a zinkawng thui ber a ni hial awm e, ti rilru nauh nauh chung chuan, ka bungrua lo thlen hun chu ka nghâk a.
Rei nghah a ngailo hlauh.
Airport a ṭanga kal chhuah pahin, ka pa number chu ka dial ta nghal a, mahse chhanna a awm hauh lo.
Engvang in nge ka pa chuan a phone chu a chhân miah lo mai le? Ka ngaihdan hi a dik a nih chuan, in khuahkhirh na chi dang ka nuhrawn chuan a hmang leh pek tawh a niang.
Ka pa hian kum 14 ka nih in ka nu nen min chhuahsan a, Hamptons ah hian nupui hausa zet mai, fanu ka kum ang rual vel nei tawh chu a luhkhung a, chumi ni chu ka pa nen a kan in hmuh hnuhnun ber ni a ni ta a ni.
Ka phone chu ka en a, oh Jordan a nih hi ti tilru pahin message chu ka open nghal a.
#Jordan= Hei hi chu khawvel hriat a ni. Single mipa hian hmeichhe kawp pui tur fing tak leh fel deuh an mamawh.
#Rachel= Eng maw i sawi?
#Jordan= hmangaihna kawng hi atluangtlam viau em? Nilul lo mai a bumboh lutuk záwk, hlíng ang maiin min chhun ṭhin.
A tâwp a tâwpah chuan ka chuanna flight chu a ṭum ve ta hram e.
Flight a zinkawng thui ber a ni hial awm e, ti rilru nauh nauh chung chuan, ka bungrua lo thlen hun chu ka nghâk a.
Rei nghah a ngailo hlauh.
Airport a ṭanga kal chhuah pahin, ka pa number chu ka dial ta nghal a, mahse chhanna a awm hauh lo.
Engvang in nge ka pa chuan a phone chu a chhân miah lo mai le? Ka ngaihdan hi a dik a nih chuan, in khuahkhirh na chi dang ka nuhrawn chuan a hmang leh pek tawh a niang.
Ka pa hian kum 14 ka nih in ka nu nen min chhuahsan a, Hamptons ah hian nupui hausa zet mai, fanu ka kum ang rual vel nei tawh chu a luhkhung a, chumi ni chu ka pa nen a kan in hmuh hnuhnun ber ni a ni ta a ni.
Ka phone chu ka en a, oh Jordan a nih hi ti tilru pahin message chu ka open nghal a.
#Jordan= Hei hi chu khawvel hriat a ni. Single mipa hian hmeichhe kawp pui tur fing tak leh fel deuh an mamawh.
#Rachel= Eng maw i sawi?
#Jordan= hmangaihna kawng hi atluangtlam viau em? Nilul lo mai a bumboh lutuk záwk, hlíng ang maiin min chhun ṭhin.
#Rachel= Jordan kha chu Shakepear anih kha, chuan Romeo & Juliet a ni em?
JORDAN=I la hria maw,Leh khabu chhiar tura min recoment kha?
#Jordan= Love story chhiar turin min ti a,Nang nen lah chuan kan awmna a inhlat ropui leh nghâl, chutih lai taka love story lam lo chhiar te chu thil tihloh tawp tur a sin mawle .
"Oh my gosh kan pahnih a kan han inhmuh hunah chuan, i va'n hlim dawn tehreng em." tiin ka phun chhuak sap a.
#Jordan= A nih leh tunah zawhna tak tak , he thawnthu chhiar zo tur chuan Kleenex tissue box ka mamawh i ring em?
#Rachel = Nah, i ngaih ka ring lém lo i ṭha veleh mai tur ah ngai ang.
#Jordan= A ṭha e, a nih ka ring che a nia.
Ka offline nghal a, ka rilru te te chuan, lo lungngai duh suh Jordan, kan pahnih buaina hi chu a la tâwp em em ang tiin.
"Ka ringtheilo hial zawk darkar khat lai ka din hnu ah pawh ka pa chu a lo la lang hauh lo mai, ka miss call te kha hmu in min rawn call back daih tawh ka ring a sin maw le.
"Keimahin taxi ka lâk a, an in chu ka pan mai a ngai dawn ta a nih hi!"tihsap pah chuan, taxi chu ka au ta nghal a.
Ka pa te in zâwn ka thlen chuan, ka bungrua te chu hlâng thla in, ka hmazâwn a in nalhtak mai lo ding lurh chu nalh ti tak leh ding meuhin ka thlir vang vang a.
"Ka pa in thar chu a nalh kher mai," ti a phunsap pah chuan, inchhung ah chuan ka lût ta a.
"Hello Dad , tunge awm? Tiin inthlahrung tak chuan ka au hlawm a.
Mahse tumah min lo chhâwntu an awm lo.
Ka hnunglam pang a ṭang chuan, ka nuhrawn aw chuan, "Dear mahse kha i backhand khân hnadang chu a mamawh ang ."tiin room pakhat a ṭanga rawn chhuahpah chuan a rawn ti a.
"Engmaw? Ti a ka va hawi phei nâk chuan, ka nuhrawn leh a fanu pawh chu tennis thuamhnaw inang chiah a ṭhui ha dun hian an rawn chhuak a.
"Mahse dear kha skirt kha i inhmeh lutuk a nia, khatiang chuan a part pawimawh tak pawh i hnûk hniam thei ngei ang, i tumpui chu mipa ningat phei se chuan." Ka nuhrawn chuan arawn ti phei pah bawrh bawrh a.
A fanu bula ka nuhrawn ṭawng duhdan chu mak ka lo ti khawp mai.
Ka pa pawh chu anhnungah chuan a rawn lang ve nghâl bawk a, a ni pawh chu tennis khelzo hlim hlawt tih hi a hriat reng mai.
Tumah chuan min rawn ngaihven hauh lo. "Dad!" tiin ring léng lâwng chuan ka pa chu ka lo au deuh fawk a.
Ka pa chuan min rawn hmu chiah chu, a hmel chu mak tihna hian a thlák danglam nghal a. Kei chu phâwk fe a min rawn en pah chuan, "Rachel hetah enge i rawn tih?" a rawn ti ta hû a.
"I la hre reng em, i bulah summer hun ka rawn hmang dâwn ti a ka rawn hrilh che kha? "ka lo tih khum ve sak a.
"Mahse... ka lo ngaihdan chuan, monday hma chuan i rawn kal ka lo ring hlei nem."
"Uhh , teuhlo mai ka rawn sawi dan chuan vawiin a flight a lo thleng turin nih kha ka rawn hrilh che."
Kapa chuan a hmel a inthiamlo zet chung chuan, " Honey a pawi hle mai, vawiin ni chu ka thlûak ah hian ngaihtuah tur ka ngah lutuk a ka lo theihnghilh daih a ni." a ti ngui ta ruih a.
"Oh Dad lungngai duh reng reng suh! "Engtik lai pawh hian ngaihtuahna tamtak chu i neih hi ka ring reng a ni." tunah chuan hei ka lo thleng ve tawh a nilawm ni?"
Ka nuhrawn chu lo in rawlh ve vatin, "Aw le, tunah chuan kan ṭha tlâng tawh tur ah ngai ang, Jessica hei i unau nu hrawn hi han chibai ve ta che." a rawn ti nghal a, ka nuhrawn chuan ka lalah hawihawm alo chhuah kher mai, mahse engah mah ka ngaihsak lo, an mizia hi ka hre hneh lutuk tlat.
"Hi, a lo ti ringawt a, thildang chu sawi a tum lo khawp mai, ni e, a ni lakah te chuan, kei te chu ka hniam em a ni.
Mahse an ni chhûngkua vang hian heti lai hmunah hian ka lo kal hauhlo ka lo ti rilru ve neuh neuh a.
Ka pa chu rawn ṭawng chhûak lehin, "Honey shower ka hmang ang a, ti chuan office ka kal leh mai a ngâi dawn a, tlâilam dinner eizawh ah kan in hmu leh dawn nia." a ti leh zung zung a.
"Oh okay, ka ti chuai raih a".
Ka pa hmuhduh vang hian ka kal tak tak ang tih chu ka hlâu mah zawk, ka pa pawh chu a kalsawn ta nghâl a.
Ka pa'n min kalsan hnu chuan ka nuhrawn chuan, "Jessica engvangin nge Rachel hi a room turah i han hruaichhoh mai lohvang ni? " a fanu lam.chu amelh hrek a.
"Kan mikhual room ah khan han in nghat sela, ti chuan inpahnih hian summer hun nuam zet chu in hman dun theih ka ring tlat a ni." a tih zawm nghâl.zat.
Jessica chuan déuhsawh hmel zet a min rawn melh deuh ralh chung chuan, " Tehreng mai, Rachel lo kal rawh le tiin inchung lamah chuan kan inzui chho dûn ta a.
Ka room tur lampan a kan kal dun pah chuan, " I sam kha ka duh zâwng tak a ni." rawn ti leh nghat a.
"Ka lawm e." ti chauhin ka lo chhâng ve sap a.
Nuih chhuah hak pah chuan, "kan hnathawk nu in kan thuk a tihfai chângin hetiang sam hi a nei ṭhin!" Mi asawi elkhum na tih ka hre reng.
"Oh vawiin ka rawn zinna kalkawng ah ka kawng min dal ang tih ka hlauhna lutuk ah ka sam chhawlleng vel hian, ka hmai hi zar lo se ka tih a vangin, hetia ti ta hi ka nia, tiin ka sam chungchang chu ka hrilh fiah thuai a.
Rawn nuih leh hak pah chuan, "A va mak awm ve, ka sam chungchang hi hetiang hian ka sawi ang tih hi kei chu ka la ring chhin ngailo reng reng, a mak tiraw?"
Attic room chu hawn pahin, "ka nu in room dang ho chu a cheithar tir vek rih a, chuvang chuan attic room ah hian tûn summer chhûng chu i in beng luh rih a ngai mai dawn ta a nih hi," tiin pawi tih hmel zet chuan min rawn melh a.
"Oh a cute reuh lutuk ." ka lo ti ve a, anroom min pék phal chhun lawm lawm taka ka dawn sawn.amgaih ngei ka rin.
"Ka ṭhian ṭhenkhat te sâwmchhuakin, kuttin leh ketin vel tihfai kan tum a, nangmah a lo chawlh hahdam chu a pawi i ti lovang ti raw?"
"Oh a ṭha viau ang chu, kei pawhin ruahmanna dang ka lo nei ve a."
"Ṭha lutuk, a nih nakinah kan inhmu leh dawn nia." a kal chhûak ta nghal a.
A kal chhuahhnu chuan ka thawmhnaw te chu ka dah chhuak a, ka unaunu hrawn hi, hlimhlawp na lampang nuam ti fal tak a ni tih hi ka hriat kar reng a ngai ang, tiin ka ngaih tuah neuh neuh a.
Jordan hi khawi hmunah nge ka hmuh ang tih chu chinfel vat a ngai ta.
Tûnah chuan nu leh pa te chu a fel fai tawh bawk a......"engtin nge mipa hi hmangaihna khurah kan tlûk luh tir tâk ang?
"
No 1..
A thil post te en in khawi hmunah nge a awm tih ka hriat phawt a ngai ang.
@JORDANk817: Lazy summer day ah hian, lehkhabu ṭha deuh chhiar bâk a thil ṭha a awm âwm love
KA DIK EM?
KA DIK LUTUK.
"Leh khabu chu a chhiar ngei mai, mahse khawiah nge niang?"
"Tunah chuan a hunruat dan a ziahchhuahna en leh ta ila."
"Heta hi tûn kar tâwp a a post hnuhnung ber chu a awm e." tiin ka chhiar leh ta nghâl a.
|@JORDANk187 saturday a piang a ka ei ṭhin ka chhûn chaw duh ber mai : he khawpui chhûng a lobster roll tui ber
mai chu.
#BOB'S LOBSTER ROLL.
"Vawiin pawh hian lobster roll ei tur chuan a kal ngei ang a, mahse eng tin nge a kal ngei a ni tih chu ka chian tâk ang?"
No 3..
Thil engkim i tih vek tawh hnu ah, a zavâi a thawk lo a nih chuan, pângai deuhin enge a tih i zâwt tur a ni ang.
CONTACT JORDAN...
A online e, luck thlâk lutuk,
#Rachel=Chuan .....vawiin lam te eng nge tih i tum ?
#Jordan= beach ah ka tluzâl vel mai mai, nisa a inpho pahin, chuan pride and prejudice kha ka chhiar bawk a.
#Jordan=Chuan nanghi ka ngaihtuah naah i awm reng bawk a.
"Beach a nih chuan, he hmun ah hian beach chu engzah tak awm ang maw?"
"Engtin nge ka chhân lét ve tâk ang?
#Rachel= tuipui kam a i chéng bîk hi i vânnei ka ti takzet.
A kal chhuahhnu chuan ka thawmhnaw te chu ka dah chhuak a, ka unaunu hrawn hi, hlimhlawp na lampang nuam ti fal tak a ni tih hi ka hriat kar reng a ngai ang, tiin ka ngaih tuah neuh neuh a.
Jordan hi khawi hmunah nge ka hmuh ang tih chu chinfel vat a ngai ta.
Tûnah chuan nu leh pa te chu a fel fai tawh bawk a......"engtin nge mipa hi hmangaihna khurah kan tlûk luh tir tâk ang?
"
No 1..
A thil post te en in khawi hmunah nge a awm tih ka hriat phawt a ngai ang.
@JORDANk817: Lazy summer day ah hian, lehkhabu ṭha deuh chhiar bâk a thil ṭha a awm âwm love
KA DIK EM?
KA DIK LUTUK.
"Leh khabu chu a chhiar ngei mai, mahse khawiah nge niang?"
"Tunah chuan a hunruat dan a ziahchhuahna en leh ta ila."
"Heta hi tûn kar tâwp a a post hnuhnung ber chu a awm e." tiin ka chhiar leh ta nghâl a.
|@JORDANk187 saturday a piang a ka ei ṭhin ka chhûn chaw duh ber mai : he khawpui chhûng a lobster roll tui ber
mai chu.
#BOB'S LOBSTER ROLL.
"Vawiin pawh hian lobster roll ei tur chuan a kal ngei ang a, mahse eng tin nge a kal ngei a ni tih chu ka chian tâk ang?"
No 3..
Thil engkim i tih vek tawh hnu ah, a zavâi a thawk lo a nih chuan, pângai deuhin enge a tih i zâwt tur a ni ang.
CONTACT JORDAN...
A online e, luck thlâk lutuk,
#Rachel=Chuan .....vawiin lam te eng nge tih i tum ?
#Jordan= beach ah ka tluzâl vel mai mai, nisa a inpho pahin, chuan pride and prejudice kha ka chhiar bawk a.
#Jordan=Chuan nanghi ka ngaihtuah naah i awm reng bawk a.
"Beach a nih chuan, he hmun ah hian beach chu engzah tak awm ang maw?"
"Engtin nge ka chhân lét ve tâk ang?
#Rachel= tuipui kam a i chéng bîk hi i vânnei ka ti takzet.
#Jordan= ka thil châk ber chu he ka puanphah ah hian ka bulah rawn muzâl ve la, ti chuan ringtakin he thawnthu hi ka chhiar rîk sak bawk che ang a ṭha tur.
#Rachel= Mmmm a nawmhmel khawp mai.
Oh a ṭha mah mah e, ka hmel ka va in lan hunah chuan, a va han ṭhawng na sa dawn teh reng em, ti a ngaihtuah chung chuan, phûr zetin ka thawmhnaw hâk tur lamah chuan ka in sawrbing ve ta a.
No 4...
Mit la theitak tur kawr ka mamawh.
"Hei hi a tak a min hmuh vawikhatna tur a ni a, ka landan ah hian a ṭhaber tur ka thlan ngei chu a ngai ang.
"Eng kawr nge ka hâk tâk ang?"
Oh a ṭha mah mah e, ka hmel ka va in lan hunah chuan, a va han ṭhawng na sa dawn teh reng em, ti a ngaihtuah chung chuan, phûr zetin ka thawmhnaw hâk tur lamah chuan ka in sawrbing ve ta a.
No 4...
Mit la theitak tur kawr ka mamawh.
"Hei hi a tak a min hmuh vawikhatna tur a ni a, ka landan ah hian a ṭhaber tur ka thlan ngei chu a ngai ang.
"Eng kawr nge ka hâk tâk ang?"
Vawikhat inhmuhna a, an rilru lâk hian, kumkhua a daih tawh ṭhin, chuvang chuan chance vawikhat chiah kan nei."
Cute summer dress chu thlang chhûakin," mmm he thil a ka win na tur chu ka hmu ta, tih sap pah chuan ka in siam ta mawlh mawlh a.
Ka insiam zawh hnu chuan, ka camera chu kengin chulai a awmna hmun tur awm ang chu ka zawng ṭan ta a. Ka motor hman driver bulah chuan zâwtin Bob's lobster roll awmna hmun Beach ah ka kal duh thu chu ka hrilh a.
Chupa chuan a lo hre khawp mai.
A awmna hmun takah chuan min thlah ta chat a.
Motor a ṭang a ka chhuak chu, ka zâm khawp mai, ka hmuh hunah chuan enge ka sawi hmasak ber ang tih te ka ngaih tuah kual a.
Ka huaisen na zawng zawng sâwmkhawm in ka kal phei ta a. "He tilai hmun chiah hi a nih hi, a profile picture a a hman a dinna hmun kha ka ti sep a.
"Chuan..khawnge a awm tâk ang?"
'Dawhtheihna ka neih angai viau in ka ring.
"Zawn hun chhûng hi a rei mai thei, mahse hepa ka zawn hmuh hunah chuan, ka lo zawn hah na zawng zawng te kha hlawhtlinna ah an chang zo tawh ang." Kei mah chuan ka nui pah ar ar a.
"Sapél na hlimawm zet mai chu!"
"Yep tûnah chuan a rei tawh takzet a ni. "Ka châu zo vek tawh.
Ka awmna hmun te hi a dik chiang em tih hi ka en a ngai tawh tak zet !
Ka thlanglam pang ah te khuan zukal in a mah chu ka zawn leh a ngai ang, a awmna ngaiah a lo awm reng lo te pawh a ni mahna, ti a ngaihtuah chung chuan ka kal ta zel a.
"Hetilai lawk hi Bob's lobster bûk chu a ni tawh mai si a." Ka rilru abuai ṭan tlat.
Jordan khân a thil post min rawn mentioned khân, lobster roll a ei a ti a, ka rindanin chhûn chaw helai hmunah hian a lo ei leh mial maithei a sin,
"Oh hetilai a hi, hnathawk tur an duh thu an tarlang bawk a nih hi!
"Hetilai hmunah hian , ka nipui hna tur chu ka hmuh theih ngei ka inring!" Ti a phun chhuah leh sap pah chuan dawr chhúngah chuan ka lût a, mahse mi reh hun lai tak a nih ka ring chulai dawr chu a lo ruak khawp mai.
Hmm Jordan pawh ka hmu lo.ti rilru chungin ka mit chu ka lén kual ruai a.
Ka hnunglam a ṭang hian, mipakhat aw thâm deuh hlek hian,"Hi, there puih theihna che ka nei em? A rawn ti dam thlup roh a.
A lam a va inher rem pah chuan,
"Ka ṭhian pakhat ka rawn zawng mai a nia, ka lo ti ve sep a.
"Min lo nuih suk a, "chu i ṭhian zawn hming chu Greg a ni em?
"Nilo, eng ati nge?"
Chu pa chu ka melh kual a, a taksa chu nisa do ṭhang tih hriatzet mai hian a sen uk kharh a, sam dumhlap mai neiin meh pângai takin a mét a, a sang ṭha ve hle mai, kei ai chuan a upa vak bîk hauh lo ang.
Ka rindan chuan kum 21 bawr vel bâk a nih ka ring hauh lo.
A aw chu then khurh pahin, "Ka hming chu Greg a ni a, vawiin hi ka tan ka lucky day a nih ka beisei......"
"Pawi ka ti khawp mai, nilo. " mahse Greg kan inhmu chu ka lawm e, ka hming chu Rachel a nia,"Tiin ka lo chhâng ve thuai a.
"Tah hian ṭhu in hun reilo té min lo nghah theih chuan, special lobster roll chhûn chaw a tan kan eidún theih ngei ka ring a ni."
A mitmu uk kharh mai leh zaidam hmél zet mai chuan ka chhânna nghâk chungin min melh pah remg bawk a.
"Chu lam chu ka lo ngaihtuah hauh lo mai.
"I ngaihtuah lo a maw? A mitmeng a mak tihna a khat hian min rawn melh ve thung a, "he khawvel a lobster roll tuiber mai chu i chân duh dawn em ni?"
"Khawvel a lobster roll tuiber, huh!Chutiang chuan tu in nge sawi reng reng a?" Ka menkual khum ralh duh chauh.
"Kei mahin mawle."tiin ka awihlo lutuk hmel chu nuihzat na a vanga mitmeng de sawr sawr chuan min en a.
Engmah ka la sawi loh a vang leh ka men thîp deuh khâi a vang chuan, a kiai deuh suk pah hian, "Enga tinge, min ring chiah nange?" A rawn ti leh a.
"Well, ka hmu ve chauh che a."
"Kha chu inngaihdam na a tan kan pawm theih ka ring lo."ka hmu ve chauh *che* a tih kha chu, kei chuan ka hralh tawh bawk a, tui i tih hi ka ring nghal bawk a ni."tiin a ṭhen sak a.
"Oh takzet maw?"'
"Yeah!"
"A nih chuan reilo té chu kan thawh dun theih ka ring ." ka ti ta sap a.
"Well, Doris nen hetah hian kan thawk dun ṭhin a, mahse a rawn thawhzawm thei ta lo a, tûn a ṭang chuan, thil lo thleng ve tur réng ah pawh kan ruat thei ang chu."
"I hria em, a ni chu party tih ang reng a tel tur chuan a upat mah mah tawh vang te pawh a ni mahna." Tiin a thilsawi lai mék chu a rawn hrilh fiah leh a.
"Oookay !
Chuvang chu emni, pawnah sawn puitu tur in mamawh tih sign board a awm chhan?"
"Ni chiah e, mahse tumah kan hire thei lo chu a nih hi! I hria ang a, tu te pawh mai hi an khawlai mi vek mai chu a nih hi!"
"A chhan chu kan lo hmingṭhat tawhna sa hi chhawmnun zel ka duh si a."
"Oh chulamah chuan kei hi ka ṭhat ka inring, engpawh, chu i thiltih ang chi ah chuan."ka ti ve hmiah a.
"Okay, kan dawhkân rawn kîl tu te lo vil leh, an chhuahhnu a tih fai a ni ang a, chuan a chang chuan choka lamah pawh mamawh i ni ṭhin bawk ang."
"I vânnei hle mai, eisiam pawh ka thiam zâwng tak a nia."
Noodles leh sandwich siam ang chu a nilo khawp ang le, chu chauh chu ka thil siam thiam a ni si a ka ti rilru a.
"Chu thil ka hria chu ka lâwm khawp mai, tûnah chuan i thiam thil te test turin kitchen lam kan pan dawn em ni ang?"
"Tehreng mai, a pawi miah lo ang ti a inring tâwk hmel fe in kitchen lamah chuan kan inzui phei ta a.
"Okay tûnah chuan i thiam thil te enchhin turin kitchen ah chuan kan ding ta a." Tipah chuan a havar rualṭhah lang chuan a nui chhuak hawk a.
"I final challenge inṭan na tur chu, lobster hi i bawlhlo thurûk chawhpawlh thiam leh thiam lovah a innghat a ni."
"Chu chu iron chef hriattirna a ni thei ang em?" Ka lo ti ve khauh a.
"Ka ring!" ti a min rawn nuihsuk a. "lobster roll chu engtin nge kan siam ṭan tâk ang le?" A ti ta a.
"Ka lo rindan chuan helai barrel ah hian lobster te chu an awm hmel phawt mai a." ka lo nuih ve sak a.
Diktak chuan a ngaihna reng ka hrelo.inlam a ka nu eirawng bawl ka lo ring mai ṭhin te kha, ka inchhîr ta ngawih ngawih mai.
"Okay a ṭha e."tiin dawh theihloh hmel zet hian a mitko a lo sân âwk duh chauh a.
I hmu em kha note pad a thil inziah ang khân, lobster roll tuizet mai chu i siam mai dawn a lawm, tiin ka in hrilhru pah mawlh mawlh bawk a.
"Hmm , ti a thâwk deuh halh pahin , "in enchhin ang hmiang, engtiang chiahin nge ka buatsaih dan chu!" tih pah chuan ka che ṭan ta nghâl a.
"Kâikuang chu tel ah chuan kan fry ang a.
"Sawi chauh nilo in, a tih a tih a tel loh te chuan kan ei har ngawt ang, a tuina pawh kan hriat theih ka ring lo." a lo ti leh khauh a.
"Oh i sawidanah, kâikuang te chu siam nghal kher a ngai tihna em ni?" tiin ka zâwt deuh sap a, ka huphurh ru ngei mai.
"Ni chiah e." A practical a nih loh te chuan," a ti leh a.
Lalpa min pui lul teh! ka rilru chuan Pathian ka âu chûl a.
Tel sâ lo inchhuangah chuan kâikuang te chu ka thlâk ta a.
Ka tih sual loh hramna turin, ka rilru chuan ka ṭawngṭai pah mawlh mawlh reng bawk a.
Greg chuan, "A nih chuan engtik ah nge thur chhuah tur?"
"A rawng senno a nih hun in," tiin ka chhâng leh khauh a.diktak chuan ka risk kual vel mai mai a ni e, ka hre hlawl lo.
"Oh a lo hun der tawh a nih hi !" Tih pah chuan ka thur chhuak a, bawlhlo mixed sa chu ka telh
tlûrh bawk a. Chuan ka cut te nghal bawk a.
"A zo ta." tiin chiang ngam chiah silo hian Greg chu ka va melh a.
Rawn kal hnaih pah chuan, "A eitheih chiah ang maw?"
"Tehreng mai!" Ka lo ti a, mahse kei ngei pawh hian a eitheih ang em tih chu ka chiang chiah bîk lo. Inlam a ka sandwich siam leh noodles siam nen chuan a in ang lo tak zet zet.
Greg chuan rinhlelh hmel fe chuan a keih chhin ta a.
"Ugh ka nuamlo hnai dawn hialin ka hria," tiin a va chhâk leh nghal a.
Lalpa hetiang chuan min tih nawntir tawh lul suhse ka ti rilru leh hman hial, mahse a rawn kal a, "I tih nawn leh a ngaih ka ring!" a rawn ti leh ta chheu mai.
Awi leh engtin tak chuan ti leh ang i maw?
"Ni e, tihnawn leh pawh a pawilo khawp ang." mahni inrin tâwk hmel zet chuan ka lo ti liam leh puat a.
Tunṭum ah chuan, ka kâikuang fry chu a sen hnuin ka thur chhuak ta a, chu mi hnu ah a bâwlhlo vel chu a phul a phul tlawrh tlawrh tawh lo in, ka telh ta dan dan a.
Greg bulah chuan ka siam zawh thu chu ka hrilh leh ta a. A rawn ei chhin leh hnu chuan, "Mmm tûnṭum chu a ngaihdam theih e, rawih i ni e a ti ta a."
Ka lâwm kher mai.
Kitchen a ṭanga kan inzui chhuah leh hnu chuan, i manager te pawh i hrilh dawn lo emni? Min pawm meuh ang maw?" Tiin chiang ngam chiah lo deuh si hian ka zâwt a.
"Manager ka nei hlei nem, ka pa sumdawnna a ni a, ka kutah he hna hi a dah a vângin,nang ka rin ang tluk zet che hian a ni pawhin min ring a lawm, chuvang chuan, kei in ka rawih che chuan a ni pawhin engmah a sawisel lovang. "A tih tâkah chuan keipawh chu ka ngaih a ngam veleh ta deuh a.
"Chuan naktuk zîng a ṭangin i rawn ṭan nghâl.mai dawn nia." a ti nawn leh a.
Ha ha , i ti takzet maw?" nuih sak pah chuan ka zâwt leh kher a.
"Tehreng mai, ka thil tih a ka chian ber ṭum a la ni ang." a lo nui ve sâng a.
"A ṭha e, a nih chuan naktûk zîng a ṭang in ka rawn ṭan dawn nia." ka ti ve ta a.
"Ṭha lutuk, mahse lobster roll kha vawiin niah inlamah i lo tih chhin leh a ngai ang," a chhan chu i tih ngun poh leh i tan zel a ni mai, a har lo lutuk a nia."
Nuih deuh hak hak pah chuan, " tehreng mai!" tiin ka chhâng leh a.
Greg chuan table ah chuan min ṭhut tir a, a ma siam ngei lobster roll chu a rawn chhawp a, kan pahnih chuan kan ei dûn ta a, a tui kher mai.
Lobster roll ka ei chu,
"Oh a tui takzet !"ka ti chhuak chûl a.
A nui ve vur vur a, "Lobster roll tui ber , kha tiang a tui kha tûnhma in i la ei ka ring miah lo a ni em?" A mitmeng uk kharh chuan min rawn en reng a.
"Aw, i sawi dik lutuk, ka life ah hetiang ang a tui lobster roll ka ei hi ka la hre hauh lo." ka lo ti ve sarh sarh a.
Tûnṭum ah chuan, Jordan chu ka hmuhthei dawn ta lo a nih hi!
Hetilai hmun ah pawh a awm lo a, beach ah pawh a awm hek lo.
A pawilo e, vawiin ni ah chuan hna thawh tur ka hmuthung a lawm, tiin keimah leh keimah chu ka in hném chawp a.
Min rawn text ka beisei rilru tak chung chuan ka phone chu ka en a, mahse new message pakhat mah a awm lo. Ka hnual nghal rawih mai.
"I ṭhian i sawi chu a rawn inlan na nge?"
Ka melh chhoh deuh hâ a, " A nih hmel khawp mai hei, mipa nikhua lo zet a nih dawn hi!" ka heh peh khum zauhin ka ti chuairaih a.ka hmelah pawh chuan ka hlim loh zia chu a hmu thei hial ang.
A mitmenga min lainat hmel zet chung chuan min rawn melh a, mahse engmah chu a sawi chhuak lem lo. A lo inrawlhna tur a awm loah a ngaihvang te pawh a ni ang e.
Hmelhlim zet putluih tumtak chung chuan, ka ding chhuak nghal a, a mah chu ka nuih pah sak bawk a, " Eng pawh chu ni se, hna a vang khân ka lawm lutuk a nia, vawiin hian ka nu chu hlimtakin i siam a ni tih i hre dawn nia." tihsap pah chuan ka kut chu ka phar chhuak ta nghâl a.
Lo nuih ve suk pah chuan, a kut chu a phar chhuak ve nghalin, kan in chibai pah chuan,"Naktuk dar engzah ah nge helai hmun hi rawn thleng ila ṭha ang?" tiin ka lo zâwt pah nghal a.
"Uhm ka pa nen zanin hian party naah kan eitur siam te kan pe dawn a, chutah chuan kan indaih ka ring lo a, i duh a nih chuan zanin a ṭang pawhin i lo ṭan nghal thei ang.
"Ka hrelo le, zanin hi hetilai a ka zankhat hunhman na tur chauh a ni a, ka pa leh ka nuhrawn ten ruahmanna dang te an neih leh neih loh ka chiang lo tlat!
"Well, kan zawh na chhan che pawh, zanin hi party pui zet mai a ni dawn a, Hamstons khua a nula leh tlangval zawng zawng te chu he hmunah hian an kim vek emaw tihtheih tur khawpin an rawn kal leh ang, nuam i tih ka rin ve vâng zawk a nia." a ti ta deuh
duah a.
Phûtzawk pahin, "nula leh tlangval zawng zawng deuh thaw i ti em ni?"ka meng phâwk hra nghal a.
"Tehreng mai, kumtin hian vawikhat nula leh tlangval ho hian summer party an nei ziah a lawm, i la tawn ngailoh thil a nih ka ring a, nangpawhin nuam i tih viau ka beisei."
Ka rilru te te chuan, Jordan pawh a awm ve khawp ang ka ti rauh rauh a.
"I ngaihdan ah party na a lo kal chu an ṭhathnem i ring em?" tiin ka zâwt nawn leh kher a.
"Aw tehreng mai, heng huau huau ngaina mi ho tan chuan, summer festival pui tak a ni ang chu!"
"Lo nghâk lawk teh aw." ka phone chu ka phawrh ta nghâl a. Online leh nghalin,Jordan chu ka text a.
#Rachel= Jordan zanin hian eng emaw thil hlimawm deuh tih tum deih te i nei miak em?
#Jordan= zanin hian, helai hmunah party lian thamtak a awm dawn a, chutah chuan ka kal ve maithei, nang enge i tih ve dawn?
#Rachel= kei chu engmah ka tih ka inring lo.
Jordan chu a kal dawn chiang tih hi ka ring nghet ta bur a.
Greg chu melh leh zauh pahin,ka nuih sak bawk a, "A phûrawm khawp ang chu, ka pa pawhin hetiang thil a kaltur hian min duh ngei pawh ka ring!" ka ti chhuakk ve ta a.
"Ṭha lutuk keipawh a châng chuan ka nun dan phung han thlâk danglam ve deuh te pawh hi a ṭha a hriatna te pawh hi ka nei ve a nia." tihpah chuan hlimhmel pu zetin ati ve a.
Zanlam a inhmu tur leh min rawn lam na hmuntur te ka hrilhhnu in, keipawh inlama haw ve tur chuan , chu hmun chu ka chhuahsan ta a.
Pawn ka va chhuak chu ka hlim kher mai, zanin hian Jordan chu ka hmu tawh ang a, engtiang chiahin nge min lo ngaih ang? a lo hlim viau ang nge, mak min lo ti viau ang? tih rilru pu chungin, ka nui chhuak var var a, diktak chuan ka phûr takzet a ni.
Ka pa te in ka thlen leh hnu chuan ka room ah chuan lût nghalin, Brinn chu ka phone ta a, lo lâk nghal vat pahin, "Enge chanchin report ka ngaithla châk tawh teh a nia." a ti nghal chung chung a.
Vawiin ni a ka hun hmandan zawng zawng te chu ka han hrilh puat puat a, chu mi hnu ah hna thawhtur ka hmuh tawh thu leh zanin ah Jordan ka hmuh tawh tur thu chu phûrzet hian ka hrilh bawk a.
Lehlam a ṭang a Brinn chu rawn nuih hak hak pahin, "Hey i thawmhnaw ka pack na zîngah khân pakage pahnih te kha i hmu anga pakhat a maw zâwk zâwk kha zanin chuan ha ang che."
"Brinn ka theih ka inring lo a chhan chu zanin hian uniform ka hâk a ngai dawn tlat, ka hnathawhna uniform chu ."ka lo ti zauh a.
"Oh chu pawh nise, a chhûnglam underwear vel tal kha chu i sexy tir thei ang chu , chuan i check list pawh kha zanin hian tih tum ngei ngei ang che," tiin a rawn nui leh har har a.
Tûm deuh hmak pah chuan, "Engmaw? Ka underwears ken ho chu a in ang tlâng vek." ka ti ve nghat a.
Thâwk deuh halh pah chuan, "Aw a enga pawh chu lo nise, enga tinge shoping sak tur a min lo tirh mai loh aw." ngui zet hian a rawn ti chuai raih a.
"Aw le, mahse hei hi chu hrereng ang che, naktûk zîngah min rawn call leh ngei ngei ang che."
"Mihausa fa ho party chu eng ang chiah nge a nih tih te leh, a hnu a thilthleng zawng zawng nen lam ka hre duh a nia ."hnial rualloh hian a rawn ti ta a.
Brinn nen chuan kan inbiakna kan tih tâwp hnu chuan, ka hnunglam hawi tura kan inher chiah chu Jessica lo ding ve reng nen chuan kan in tauh ṭép a.
Ka hmuhthut vâng te pawh a nih ka ring ka phuzawk nghe nghe a ni.
Ngeiawm fe a mi melh pahin "Party maw? A ti deuh khér bawk a.
"Aw ni e." tih chauhin ka chhâng ve.
A hmui hnawihsen takhlar chu, ngeiawm zet a min rawn tih sawihkhum sâwng chung chuan, "Eng party chungchâng nge inlo sawi a ?" A ti leh kher a, a mit hnawih dum vâmham mai chuan min rawn melh râw mai bawk a.
"Zanin hian 414 maple Drive ah party a awm dawn a ni lawm ni?"
A mitmeng chu a rawn danglam nghâl vek, thîp zet a min rawn melh pahin, "i kal dawn a maw,tun in nge sawm che a, tah chuan?"
Vawiin khân Bob's lobster dawr a ṭangin hna ka hmu a, chuan chumi hmun ah chuan eitur kan sem dawn a lawm." ka ti ve hlak a.
Nuih chhuah hak pah chuan, "Oh, ha ! "I tan chuan a vahan ṭha tehreng em." tiin ngeiawm zet chuan min nuih khum leh sâwng a.
"Aw le, Hi tiin ka rawn be em em ang che."
"Oh i kal ve dawn em ni, An ni chu i hria tihna maw? Tu tu nge awm ang le? "Tiin ka zâwt thuai a.
"Engvangin nge chu thu chu min zawh a, summer hun nuamtak hman nan i ti deuh emni? "
"Thil pakhat kan hrilh ang che. I va kal na tur party ah hian maw tumahin eiin semtu uniform ha chu an ûksâk hauh lovang tih hre rawh."
"Ugh tumah mithar ka zawng dawn hauhlo."
"Hey, enge i thusawi awmzia chu?
"Engmah, theinghilh daih rawh." Ka thil tih tum chu ka sawi chhûak teuh hle a ni tih ka inhrîat chuan ka hmui chu ka hup vat a.
Jessica chuan a mitmeng a phûr zeta min rawn melh pah chuan, "Ni love , C'mon sawi mai mai teh! Eng emaw thil ṭha tak te i hre bîk a nih chuan, ka pui em em ang che." a ti ve hluai a.
Chhîn deuh vang vang pahin, a ni hi a vâk chhûak ngun a, Jordan hi a lo hre mial mai thei a ni tiin ka meng chhûak leh a, "Aw le,he thil hi ka hrilh che a nih chuan, ka pa leh i nu i hrilh hauh tur a ni lovang i hria em?"
"Ooooo, thurûk maw? "Aw le, ka tiam a che, ka hrilh hauhlo ang."
Ka aw chu then kharh kharh pahin, " Aw le, online boyfriend ka nei a, a ni chu Hampstons ah hian a chéng a, chuan a ni chuan heti lai hmun a ka awm thu hi a hre lo."ka ti ta a.
"Online boyfriend maw? Oh Ghosh! Ka ngaihtuah a, ka unaunu hrawn hian, hetiang bâk lungngaihna i tawn ka ringlo reng a ni."
"Oh engpawh chu lo nise, zanin party turah hian a ni chu a lo kal ka ring a, a lo berah pawh a awm ve chu ka beisei...."
Mi nuihsawh zet chung chuan ," i boyfreind te chhûngkua chu hetiang party chângkâng ah hian, sâwmna pawh an hmu ve dawn em ni?" A ṭawngkam chu ka nei ru kher mai.
Ka khabe chu tihpoh khum deuhlah pah chuan, "Jessica an sawm ngei ka ring! Chu thil ka ngaihtuahna chu a âtthlâk viau em ni?" Ka tih khum ve fak a.
Hengho mizia ang pu bulah hi chuan, an mize put dan ang chiah a, inchhuang âr a awm ve mai tur.
"Ugh khawngaihin, he i online boyfriend chungchang hi ka ṭhiante bulah chuan sawichhuak lo hrâm ang che."a ti leh nghat a.
"Diktak chuan maw, zanin hian inhre ngailo angin lang dûn ila a ṭhat ber ka ring, a dik em? Ti chuan kan pahnih ve ve a tan pawhin a ṭha zâwk ang ."tiin kal mai tum a a inher lai tak chuan..
"Lo la ngawi lawk teh! "Tiin ka au zui a, zawimuang a ka lam chu rawn hawi leh pah chuan, ninhmel zet hian min melh a,
"Uhm, Jordan Kittrigde tih hi i hriatzawng mi a ni mial em? Tiin inthlahrung deuh tak chuan ka zâwt a.
"Nope , chutiang hming pu ka la hre ngâi hauh lo ."a lo ti hmak a.
Ka bulah chuan rawn kalhnaih pah chuan, Jordan profile ka lo view chu a rawn en a, "Ngawi lawk teh! "Hepa hi emni i online boyfriend i tih chu a rawn ti phâwk hra a.
" Yep , hei hi a nih hi, Jordan ka tih chu"
"Jordan maw a hming ni a?" A hmelah chuan maktihna hlir hian akhat.
"Aw, tinge?"
"Oh uh uhm , Jordan chu ka hre lutuk a lawm."
"I hria a maw? "Tiin rinhlelh hmelzet hian ka zâwt ve thung a.
"Oh aw, tehreng mai, chuan mipa fel tak a nia, Rachel hmeichhe vânnei tak i niin ka hria," a ti deuh hlut a.
"Ka lawm e, tih sap pah chuan , ka sen leh ṭan ṭan tawhin ka ring, "A ni chu zanin hian a lokal i ring em?"
"A kal dawn chiang sa tih hi ka hre mai, hetiang hun te chu a hmaih phal ka ring hauh lo." A nui deuh vawr a.
"A ṭhat hlauh chu , a ni nen hian, a takah vawikhat mah kan la inhmu lo a, zanin party naah hian ka surprise deuh thut ang chu ka lo ti a, eng nge i ngaihve dan? "sen deuh ṭawn ṭawn chung chuan ka zawt a.
"Rachel keipawhin, ka ngaihdan chuan, ruahmanna ṭhatak a nih ka ring, chuan ka rualin lokal mai zâwk la, keima'n inhmuhna hun remchâng te pawh chu ka neih pui bawk ang che." phûr fe hian a lo ti leh a.
Ka ngaih chu a ṭha zân lo. A hma te kha chuan, inhmelhriat anga kal dun pawh kha duhlo in, inhre ngailo ang a awm kha a duh khân ka hre si a.
Chuan, Jordan hi a hming ka sawi lai khan a hre miah lo a, a hmel a hmuh veleh hian a lo hre leh em em bawk si a.
A hming hi a lo hre ṭhin lo pawh a ni mai thei tiin ka ngaih tuah a.
"Eng vangin maw? Ka sawi awmzia chu, engvângin nge tûnah hian ka lakah, i ṭhat chawpchilh viau tâk mai tih hi ka hrethei ang em? " ka ti lét ve khauh a.
"Oh engtin chuan nge kan sawi ang aw.."tiin a mitmeng fing vervék zet chuan min rawn melh deuh zak zak hnu chuan, " tûnah chuan ka hrethiam tawh che pawh kan ti thei tawh ang chu!Jordan hetiang mipa boyfriend a tan i nei thei a nih chuan, mipa khat chu i lo ni ve reng reng e."
"Chuvang chuan nang nen paw'n ṭhian nih hi pawi ka ti ta lo a ni, ka lo rindan che kha a lo diklo hulhual tih pawh ka hre ta bawk a."
"Mi tlawn chîngtak mihring i ni tih hi ka hre mai." tih khum hmak pah chuan rum zet hian ka melh a.
"Ka nu hi a hausa lutuk a, SAT words zir kher ngailo in, college ah pawh ka lût thei."
"Mahse i thu rawn sawi kha chu a dik ka tihpui mai ang che, pawi ka ti lutuk bawk, chuan he thil hi min tih tir thrila ka ti ngawt mai, ka bulah lokalin hepa nen hian keimah ngeiin inhmuh tir thei che ila ka ti ngwwt mai."
"Ka lawm e, Jessica, mahse chutiang chuan i bulah ka lo.kal theilo ang, Greg bulah hnathawk turin ka kal dawn a, min rawn lam ṭep tawh ang, chuan a hmunah pawh min in hmelhriat tir thei tho ang ti raw?"
"Oh, Rachel i â emai , hmun hla tak a ṭangin he i boyfriend hmutur hian i rawn kal a ni a, chuan zanin hian hnathawh thawm hnaw nen maw hmuh i tum a?"
"Ohh zanin a ṭang chuan ka thawk dawn lo reng reng, naktuk a nih hma chuan, mahse a mahnen kal turin ka lo tiam tawh si a, chuvang chuan han ṭhulh leh thut zawng a nuamlo em a lawm, a mahnen chuan kan rawn kal mai dawn nia." ka lo ti a.
"Oh khatiang te chuan tilo mai teh! Kha lobster boy te kha chuan, a mah puitu dang a zawng thei lutuk ang."
"Nilo e, ka lo sawi tawh ang ngeiin, zanin hian ka pui ang tiin ka lo sawi tawh si a , chu ka thutiamah chuan ka din ngheh ngei a ngai ang." ka ti ve fan a.
"Oh , i hnathawh ah hian i rilru i pe hle mai maw!"
Chhâng ta lémlo chuan, "Aw le tunah chuan,ka hnathawhna uniform hâk a ngai tawh tlat mai......"
"Aw le, i thu thu le, tihvat pah chuan, a hmunah kan in hmu dawn nia." tiin min chhuahsan ta a.
Jessica kalchhuah hnu chuan keipawh chuan ka thawmhnaw hâk tur chu la in ka inthlâk ta sawk sawk a.
Greg pawh chu a hnu rei vak lovah chuan rawn thlengin, kan pahnih chuan party neihna hmun lam chu kan pan dûn ta a.
A hmun kan va thlen chuan, pawnlam ah light chi hrang hrang hi a lo de chuaih mai a, a in lah chu a lianin a ropui khawp mai, mi hausa tak chu an ni ang tih chu a hriat mai.
Greg bulah chuan,"Wow, Greg hetiang inlian leh ropui zet hi chu ka dam chhûng pawhin ka nei theilo ang." ka ti ta hial a.
"A ni ang mahse héng mihausa tak tak te hian an neih chu chén viau mahse, kan pahnih a kan neih ang, sum leh pai a lei theihloh hlimna chu an nei hauhlo a nia."
"Tirawh in hnunglam a ṭangin lût ang tih pah chuan, kal chu a rual.ta nghal a.kei pawh chuan engmah sawi leh tawh lo in Greg hnungah chuan ka zui ve ta nghâl a.
Inhnunglam a ṭang a a chhûng kan va lût chu, midang ho chu mak ti zet a thlîr pah chuan," Thil pakhat chu ka hrilh thei ang che, héng mi hausa ho lakah hian nang leh kei chu kan danglam takzet a ni." tiin ka hrilh a.
"En mahrawh helai mi zawng zawng ho hi, bawlhhlawh zet a nun hmang tur a thu pék vek an nih hi, a lo ti ve sup a.
"Mahse mi ṭhenkhat te erawh chu mi ṭha tak an awm ve tho ang tih ka chiang."zahzél a vang a ka kut a ka nghawng tuai neuh neuh pah chuan ka lo ti ve sap a.
Greg chu melh zauh pahin, "chuan zanin chu a vawikhatna a tan ka unaunu hrawn pawh ka chungah a ṭha khawp mai ka rindan in......
Jessica chu kan bul a lo thlen nghal tâk a vang chuan, ka thusawi lai pawh chu ka chhunzawm ta lo a.
"Rachel! rawn tihpah chuan kan bul chu a rawn thlengphei ve nghal a.
Jessica lam chu va hawiphei pah chuan, "Hey Jessica hei hi ka ṭhian Greg a nih hi tiin ka lo in hmelhriat tir a.
Jessica chuan en pawh lo en lem lo chuan, "Eng pawh chu ni se, lokal mai teh! A lo ti a.
"Lungngai reng reng suh! I surprise na tur hi tihchhiat sak che chu ka duh hauhlo a, mahse enge maw thil tlém chu i tih belh hlak a ngai ang.
"Hey lobster boy !
"Uh ,Yeah? " tiin Greg chuan hmel hlim lo zet chuan a lo ti sup a.
"Rachel hi minute reilo te chhûng chu ka hruaihrang lawk dawn a nia.
"Khawngaihin......
Greg chhânna pawh nghâk tawh chuang lo chuan, a kut ṭang vawt thlar mai chuan ka ban rékah chuan rawn vuanin, midang lo awm huai huai nalamah chuan min hruai phei ta a.
Wash room kal lawk ka ngai tiin ka lût ta nghal a.
Ka thin rawn phu deuh dat dat mai leh boruak khamlo ta thut a ka inhriat na te chu Jordan hmu dawn a ka inhriat vang vek chu a ni.
"Aw le, Rachel thâwk han la deuh hlek la ti chuan i zia awm mai ang tiin ka inhrilhru mawlh mawlh bawk a ka tha te chu zawi zovek in, ka kut te chu a khur dar dar mai a.
Pawnlam a ṭang chuan, Jessica aw ngei mai chuan,"Rachel.i va rei ta ve, puih te i ngai em? A rawn ti lâng lang a.
Ka thin phu dap dap mai chu dawm deuh vang vangin, hmel pangai tak put tum ran chuan ka chhuak ve ta a.
"Ti khân i zia deuh tawh em? Tih pah chuan ka awmdan hrethiam zetin min lo nuihsak a.
"Ok, tah hian lo awm la, Jordan chu ka va ko fal ang, tihpah chuan, Jessica chu a kalsawn ta nghâl a.
Mahse a thil tihdan chu ka duh hauhlo, a hma a kan lo inbiak dan zawng zawng te ka ngaihtuah khan, mahni chu lo inti paukhauh lui a, Jessica lokal tawhna lamah chuan ka kal phei ve ta ngat a.
Hall pakhat hi ka va pawh a, chu hall chhûng ka'n lût chiah chu, heti lai hmun ka kal chhan ber mipa hmelṭha tak mai lo ding hmel pa hrâk mai, lo nui sâng mai chuan ka mit a la chiang khawp mai!
A photo aimah chuan a takah a ṭha leh zual.
emaw tihtur khawp chuan, chu a hmel ṭha tak mai chuan min hîp bet nghâl vek mai hian ka hria.
Rang zet zetin ka lungphu te chu a in thumrawn tlut tlut a, ka lungphû te chu ring ta riau a hriatna te hi ka nei hial !
Ka bul maiah chuan Jessica chu ding ve in, "Va kal ta che, he thil hi a nilawm ni i lo nghah chu ka bengbul maiah chuan a rawn ti sap a.
Jordan hmel chu ka va en leh a, a ni chuan min rawn la hmu fuh ve hauh lo.
Chu mipa tluk a ṭha chu he hmunah hian ka hmuh pawh ka in hre lo, a ni chu a ṭha filawr lak hi a ni ber mai.
Ka huaisen na zawng zawng sâwm khawm chung chuan a lam chu ka va pan phei ta a.
A bula ka va thlen chuan, "Jordan..Ahem, Jordan....
Ka va ti chu kalam chu a rawn hawi nghâl a.
A mitmu dum thimruih mi hîp thei zet mai vawi tam tak a thlalâk ka enchâng pawh a ka lo zoom nawn fo na chuan, chîk zet hian ka chhîp a ṭanga ka keler thleng chuan a lo melh dun dun a.
Ka zâm lutuk ka sawitur hrelo chuan, "Uh surprise ! hi ka lo ti ringawt a.
Ka lo sen ṭawn ṭawn ka in ring!
"Helai hmunah hian, summer chawlh rawn hmang turin ka lo kal a...A tâwpah zawng kan han in hmu ta hi ka awih theilo hial zâwk mai.
A hmel chu ka han melh chho a, a ngaihna a hriat loh hmelin, a nuih te pawh chu a za lek lek hian ka lo hria.
"Uh, Jordan ....engmah i sawi ve dawn nange?
A hmel chu rawn rum deuh sawtin, a tâwp a tâwpah chuan a rawn ṭawng chhuak ve ta hrâm a.
A aw pawh chu ka vawikhat hriatna, a thusawi chuan zir phei se chuan, a hmel ṭhat ang angin, aw sexy zet a nei tih pawh ka hai lo.
Mahse a thu rawn sawi zet chuan min va han ṭhawng tak em!
Chu a awril ruih mai leh vawt zet mai chuan, "Tu chu nge maw i nih hrep chu le?" A rawn ti ta a.
..................................................................
Cute summer dress chu thlang chhûakin," mmm he thil a ka win na tur chu ka hmu ta, tih sap pah chuan ka in siam ta mawlh mawlh a.
Ka insiam zawh hnu chuan, ka camera chu kengin chulai a awmna hmun tur awm ang chu ka zawng ṭan ta a. Ka motor hman driver bulah chuan zâwtin Bob's lobster roll awmna hmun Beach ah ka kal duh thu chu ka hrilh a.
Chupa chuan a lo hre khawp mai.
A awmna hmun takah chuan min thlah ta chat a.
Motor a ṭang a ka chhuak chu, ka zâm khawp mai, ka hmuh hunah chuan enge ka sawi hmasak ber ang tih te ka ngaih tuah kual a.
Ka huaisen na zawng zawng sâwmkhawm in ka kal phei ta a. "He tilai hmun chiah hi a nih hi, a profile picture a a hman a dinna hmun kha ka ti sep a.
"Chuan..khawnge a awm tâk ang?"
'Dawhtheihna ka neih angai viau in ka ring.
"Zawn hun chhûng hi a rei mai thei, mahse hepa ka zawn hmuh hunah chuan, ka lo zawn hah na zawng zawng te kha hlawhtlinna ah an chang zo tawh ang." Kei mah chuan ka nui pah ar ar a.
"Sapél na hlimawm zet mai chu!"
"Yep tûnah chuan a rei tawh takzet a ni. "Ka châu zo vek tawh.
Ka awmna hmun te hi a dik chiang em tih hi ka en a ngai tawh tak zet !
Ka thlanglam pang ah te khuan zukal in a mah chu ka zawn leh a ngai ang, a awmna ngaiah a lo awm reng lo te pawh a ni mahna, ti a ngaihtuah chung chuan ka kal ta zel a.
"Hetilai lawk hi Bob's lobster bûk chu a ni tawh mai si a." Ka rilru abuai ṭan tlat.
Jordan khân a thil post min rawn mentioned khân, lobster roll a ei a ti a, ka rindanin chhûn chaw helai hmunah hian a lo ei leh mial maithei a sin,
"Oh hetilai a hi, hnathawk tur an duh thu an tarlang bawk a nih hi!
"Hetilai hmunah hian , ka nipui hna tur chu ka hmuh theih ngei ka inring!" Ti a phun chhuah leh sap pah chuan dawr chhúngah chuan ka lût a, mahse mi reh hun lai tak a nih ka ring chulai dawr chu a lo ruak khawp mai.
Hmm Jordan pawh ka hmu lo.ti rilru chungin ka mit chu ka lén kual ruai a.
Ka hnunglam a ṭang hian, mipakhat aw thâm deuh hlek hian,"Hi, there puih theihna che ka nei em? A rawn ti dam thlup roh a.
A lam a va inher rem pah chuan,
"Ka ṭhian pakhat ka rawn zawng mai a nia, ka lo ti ve sep a.
"Min lo nuih suk a, "chu i ṭhian zawn hming chu Greg a ni em?
"Nilo, eng ati nge?"
Chu pa chu ka melh kual a, a taksa chu nisa do ṭhang tih hriatzet mai hian a sen uk kharh a, sam dumhlap mai neiin meh pângai takin a mét a, a sang ṭha ve hle mai, kei ai chuan a upa vak bîk hauh lo ang.
Ka rindan chuan kum 21 bawr vel bâk a nih ka ring hauh lo.
A aw chu then khurh pahin, "Ka hming chu Greg a ni a, vawiin hi ka tan ka lucky day a nih ka beisei......"
"Pawi ka ti khawp mai, nilo. " mahse Greg kan inhmu chu ka lawm e, ka hming chu Rachel a nia,"Tiin ka lo chhâng ve thuai a.
"Tah hian ṭhu in hun reilo té min lo nghah theih chuan, special lobster roll chhûn chaw a tan kan eidún theih ngei ka ring a ni."
A mitmu uk kharh mai leh zaidam hmél zet mai chuan ka chhânna nghâk chungin min melh pah remg bawk a.
"Chu lam chu ka lo ngaihtuah hauh lo mai.
"I ngaihtuah lo a maw? A mitmeng a mak tihna a khat hian min rawn melh ve thung a, "he khawvel a lobster roll tuiber mai chu i chân duh dawn em ni?"
"Khawvel a lobster roll tuiber, huh!Chutiang chuan tu in nge sawi reng reng a?" Ka menkual khum ralh duh chauh.
"Kei mahin mawle."tiin ka awihlo lutuk hmel chu nuihzat na a vanga mitmeng de sawr sawr chuan min en a.
Engmah ka la sawi loh a vang leh ka men thîp deuh khâi a vang chuan, a kiai deuh suk pah hian, "Enga tinge, min ring chiah nange?" A rawn ti leh a.
"Well, ka hmu ve chauh che a."
"Kha chu inngaihdam na a tan kan pawm theih ka ring lo."ka hmu ve chauh *che* a tih kha chu, kei chuan ka hralh tawh bawk a, tui i tih hi ka ring nghal bawk a ni."tiin a ṭhen sak a.
"Oh takzet maw?"'
"Yeah!"
"A nih chuan reilo té chu kan thawh dun theih ka ring ." ka ti ta sap a.
"Well, Doris nen hetah hian kan thawk dun ṭhin a, mahse a rawn thawhzawm thei ta lo a, tûn a ṭang chuan, thil lo thleng ve tur réng ah pawh kan ruat thei ang chu."
"I hria em, a ni chu party tih ang reng a tel tur chuan a upat mah mah tawh vang te pawh a ni mahna." Tiin a thilsawi lai mék chu a rawn hrilh fiah leh a.
"Oookay !
Chuvang chu emni, pawnah sawn puitu tur in mamawh tih sign board a awm chhan?"
"Ni chiah e, mahse tumah kan hire thei lo chu a nih hi! I hria ang a, tu te pawh mai hi an khawlai mi vek mai chu a nih hi!"
"A chhan chu kan lo hmingṭhat tawhna sa hi chhawmnun zel ka duh si a."
"Oh chulamah chuan kei hi ka ṭhat ka inring, engpawh, chu i thiltih ang chi ah chuan."ka ti ve hmiah a.
"Okay, kan dawhkân rawn kîl tu te lo vil leh, an chhuahhnu a tih fai a ni ang a, chuan a chang chuan choka lamah pawh mamawh i ni ṭhin bawk ang."
"I vânnei hle mai, eisiam pawh ka thiam zâwng tak a nia."
Noodles leh sandwich siam ang chu a nilo khawp ang le, chu chauh chu ka thil siam thiam a ni si a ka ti rilru a.
"Chu thil ka hria chu ka lâwm khawp mai, tûnah chuan i thiam thil te test turin kitchen lam kan pan dawn em ni ang?"
"Tehreng mai, a pawi miah lo ang ti a inring tâwk hmel fe in kitchen lamah chuan kan inzui phei ta a.
"Okay tûnah chuan i thiam thil te enchhin turin kitchen ah chuan kan ding ta a." Tipah chuan a havar rualṭhah lang chuan a nui chhuak hawk a.
"I final challenge inṭan na tur chu, lobster hi i bawlhlo thurûk chawhpawlh thiam leh thiam lovah a innghat a ni."
"Chu chu iron chef hriattirna a ni thei ang em?" Ka lo ti ve khauh a.
"Ka ring!" ti a min rawn nuihsuk a. "lobster roll chu engtin nge kan siam ṭan tâk ang le?" A ti ta a.
"Ka lo rindan chuan helai barrel ah hian lobster te chu an awm hmel phawt mai a." ka lo nuih ve sak a.
Diktak chuan a ngaihna reng ka hrelo.inlam a ka nu eirawng bawl ka lo ring mai ṭhin te kha, ka inchhîr ta ngawih ngawih mai.
"Okay a ṭha e."tiin dawh theihloh hmel zet hian a mitko a lo sân âwk duh chauh a.
I hmu em kha note pad a thil inziah ang khân, lobster roll tuizet mai chu i siam mai dawn a lawm, tiin ka in hrilhru pah mawlh mawlh bawk a.
"Hmm , ti a thâwk deuh halh pahin , "in enchhin ang hmiang, engtiang chiahin nge ka buatsaih dan chu!" tih pah chuan ka che ṭan ta nghâl a.
"Kâikuang chu tel ah chuan kan fry ang a.
"Sawi chauh nilo in, a tih a tih a tel loh te chuan kan ei har ngawt ang, a tuina pawh kan hriat theih ka ring lo." a lo ti leh khauh a.
"Oh i sawidanah, kâikuang te chu siam nghal kher a ngai tihna em ni?" tiin ka zâwt deuh sap a, ka huphurh ru ngei mai.
"Ni chiah e." A practical a nih loh te chuan," a ti leh a.
Lalpa min pui lul teh! ka rilru chuan Pathian ka âu chûl a.
Tel sâ lo inchhuangah chuan kâikuang te chu ka thlâk ta a.
Ka tih sual loh hramna turin, ka rilru chuan ka ṭawngṭai pah mawlh mawlh reng bawk a.
Greg chuan, "A nih chuan engtik ah nge thur chhuah tur?"
"A rawng senno a nih hun in," tiin ka chhâng leh khauh a.diktak chuan ka risk kual vel mai mai a ni e, ka hre hlawl lo.
"Oh a lo hun der tawh a nih hi !" Tih pah chuan ka thur chhuak a, bawlhlo mixed sa chu ka telh
tlûrh bawk a. Chuan ka cut te nghal bawk a.
"A zo ta." tiin chiang ngam chiah silo hian Greg chu ka va melh a.
Rawn kal hnaih pah chuan, "A eitheih chiah ang maw?"
"Tehreng mai!" Ka lo ti a, mahse kei ngei pawh hian a eitheih ang em tih chu ka chiang chiah bîk lo. Inlam a ka sandwich siam leh noodles siam nen chuan a in ang lo tak zet zet.
Greg chuan rinhlelh hmel fe chuan a keih chhin ta a.
"Ugh ka nuamlo hnai dawn hialin ka hria," tiin a va chhâk leh nghal a.
Lalpa hetiang chuan min tih nawntir tawh lul suhse ka ti rilru leh hman hial, mahse a rawn kal a, "I tih nawn leh a ngaih ka ring!" a rawn ti leh ta chheu mai.
Awi leh engtin tak chuan ti leh ang i maw?
"Ni e, tihnawn leh pawh a pawilo khawp ang." mahni inrin tâwk hmel zet chuan ka lo ti liam leh puat a.
Tunṭum ah chuan, ka kâikuang fry chu a sen hnuin ka thur chhuak ta a, chu mi hnu ah a bâwlhlo vel chu a phul a phul tlawrh tlawrh tawh lo in, ka telh ta dan dan a.
Greg bulah chuan ka siam zawh thu chu ka hrilh leh ta a. A rawn ei chhin leh hnu chuan, "Mmm tûnṭum chu a ngaihdam theih e, rawih i ni e a ti ta a."
Ka lâwm kher mai.
Kitchen a ṭanga kan inzui chhuah leh hnu chuan, i manager te pawh i hrilh dawn lo emni? Min pawm meuh ang maw?" Tiin chiang ngam chiah lo deuh si hian ka zâwt a.
"Manager ka nei hlei nem, ka pa sumdawnna a ni a, ka kutah he hna hi a dah a vângin,nang ka rin ang tluk zet che hian a ni pawhin min ring a lawm, chuvang chuan, kei in ka rawih che chuan a ni pawhin engmah a sawisel lovang. "A tih tâkah chuan keipawh chu ka ngaih a ngam veleh ta deuh a.
"Chuan naktuk zîng a ṭangin i rawn ṭan nghâl.mai dawn nia." a ti nawn leh a.
Ha ha , i ti takzet maw?" nuih sak pah chuan ka zâwt leh kher a.
"Tehreng mai, ka thil tih a ka chian ber ṭum a la ni ang." a lo nui ve sâng a.
"A ṭha e, a nih chuan naktûk zîng a ṭang in ka rawn ṭan dawn nia." ka ti ve ta a.
"Ṭha lutuk, mahse lobster roll kha vawiin niah inlamah i lo tih chhin leh a ngai ang," a chhan chu i tih ngun poh leh i tan zel a ni mai, a har lo lutuk a nia."
Nuih deuh hak hak pah chuan, " tehreng mai!" tiin ka chhâng leh a.
Greg chuan table ah chuan min ṭhut tir a, a ma siam ngei lobster roll chu a rawn chhawp a, kan pahnih chuan kan ei dûn ta a, a tui kher mai.
Lobster roll ka ei chu,
"Oh a tui takzet !"ka ti chhuak chûl a.
A nui ve vur vur a, "Lobster roll tui ber , kha tiang a tui kha tûnhma in i la ei ka ring miah lo a ni em?" A mitmeng uk kharh chuan min rawn en reng a.
"Aw, i sawi dik lutuk, ka life ah hetiang ang a tui lobster roll ka ei hi ka la hre hauh lo." ka lo ti ve sarh sarh a.
Tûnṭum ah chuan, Jordan chu ka hmuhthei dawn ta lo a nih hi!
Hetilai hmun ah pawh a awm lo a, beach ah pawh a awm hek lo.
A pawilo e, vawiin ni ah chuan hna thawh tur ka hmuthung a lawm, tiin keimah leh keimah chu ka in hném chawp a.
Min rawn text ka beisei rilru tak chung chuan ka phone chu ka en a, mahse new message pakhat mah a awm lo. Ka hnual nghal rawih mai.
"I ṭhian i sawi chu a rawn inlan na nge?"
Ka melh chhoh deuh hâ a, " A nih hmel khawp mai hei, mipa nikhua lo zet a nih dawn hi!" ka heh peh khum zauhin ka ti chuairaih a.ka hmelah pawh chuan ka hlim loh zia chu a hmu thei hial ang.
A mitmenga min lainat hmel zet chung chuan min rawn melh a, mahse engmah chu a sawi chhuak lem lo. A lo inrawlhna tur a awm loah a ngaihvang te pawh a ni ang e.
Hmelhlim zet putluih tumtak chung chuan, ka ding chhuak nghal a, a mah chu ka nuih pah sak bawk a, " Eng pawh chu ni se, hna a vang khân ka lawm lutuk a nia, vawiin hian ka nu chu hlimtakin i siam a ni tih i hre dawn nia." tihsap pah chuan ka kut chu ka phar chhuak ta nghâl a.
Lo nuih ve suk pah chuan, a kut chu a phar chhuak ve nghalin, kan in chibai pah chuan,"Naktuk dar engzah ah nge helai hmun hi rawn thleng ila ṭha ang?" tiin ka lo zâwt pah nghal a.
"Uhm ka pa nen zanin hian party naah kan eitur siam te kan pe dawn a, chutah chuan kan indaih ka ring lo a, i duh a nih chuan zanin a ṭang pawhin i lo ṭan nghal thei ang.
"Ka hrelo le, zanin hi hetilai a ka zankhat hunhman na tur chauh a ni a, ka pa leh ka nuhrawn ten ruahmanna dang te an neih leh neih loh ka chiang lo tlat!
"Well, kan zawh na chhan che pawh, zanin hi party pui zet mai a ni dawn a, Hamstons khua a nula leh tlangval zawng zawng te chu he hmunah hian an kim vek emaw tihtheih tur khawpin an rawn kal leh ang, nuam i tih ka rin ve vâng zawk a nia." a ti ta deuh
duah a.
Phûtzawk pahin, "nula leh tlangval zawng zawng deuh thaw i ti em ni?"ka meng phâwk hra nghal a.
"Tehreng mai, kumtin hian vawikhat nula leh tlangval ho hian summer party an nei ziah a lawm, i la tawn ngailoh thil a nih ka ring a, nangpawhin nuam i tih viau ka beisei."
Ka rilru te te chuan, Jordan pawh a awm ve khawp ang ka ti rauh rauh a.
"I ngaihdan ah party na a lo kal chu an ṭhathnem i ring em?" tiin ka zâwt nawn leh kher a.
"Aw tehreng mai, heng huau huau ngaina mi ho tan chuan, summer festival pui tak a ni ang chu!"
"Lo nghâk lawk teh aw." ka phone chu ka phawrh ta nghâl a. Online leh nghalin,Jordan chu ka text a.
#Rachel= Jordan zanin hian eng emaw thil hlimawm deuh tih tum deih te i nei miak em?
#Jordan= zanin hian, helai hmunah party lian thamtak a awm dawn a, chutah chuan ka kal ve maithei, nang enge i tih ve dawn?
#Rachel= kei chu engmah ka tih ka inring lo.
Jordan chu a kal dawn chiang tih hi ka ring nghet ta bur a.
Greg chu melh leh zauh pahin,ka nuih sak bawk a, "A phûrawm khawp ang chu, ka pa pawhin hetiang thil a kaltur hian min duh ngei pawh ka ring!" ka ti chhuakk ve ta a.
"Ṭha lutuk keipawh a châng chuan ka nun dan phung han thlâk danglam ve deuh te pawh hi a ṭha a hriatna te pawh hi ka nei ve a nia." tihpah chuan hlimhmel pu zetin ati ve a.
Zanlam a inhmu tur leh min rawn lam na hmuntur te ka hrilhhnu in, keipawh inlama haw ve tur chuan , chu hmun chu ka chhuahsan ta a.
Pawn ka va chhuak chu ka hlim kher mai, zanin hian Jordan chu ka hmu tawh ang a, engtiang chiahin nge min lo ngaih ang? a lo hlim viau ang nge, mak min lo ti viau ang? tih rilru pu chungin, ka nui chhuak var var a, diktak chuan ka phûr takzet a ni.
Ka pa te in ka thlen leh hnu chuan ka room ah chuan lût nghalin, Brinn chu ka phone ta a, lo lâk nghal vat pahin, "Enge chanchin report ka ngaithla châk tawh teh a nia." a ti nghal chung chung a.
Vawiin ni a ka hun hmandan zawng zawng te chu ka han hrilh puat puat a, chu mi hnu ah hna thawhtur ka hmuh tawh thu leh zanin ah Jordan ka hmuh tawh tur thu chu phûrzet hian ka hrilh bawk a.
Lehlam a ṭang a Brinn chu rawn nuih hak hak pahin, "Hey i thawmhnaw ka pack na zîngah khân pakage pahnih te kha i hmu anga pakhat a maw zâwk zâwk kha zanin chuan ha ang che."
"Brinn ka theih ka inring lo a chhan chu zanin hian uniform ka hâk a ngai dawn tlat, ka hnathawhna uniform chu ."ka lo ti zauh a.
"Oh chu pawh nise, a chhûnglam underwear vel tal kha chu i sexy tir thei ang chu , chuan i check list pawh kha zanin hian tih tum ngei ngei ang che," tiin a rawn nui leh har har a.
Tûm deuh hmak pah chuan, "Engmaw? Ka underwears ken ho chu a in ang tlâng vek." ka ti ve nghat a.
Thâwk deuh halh pah chuan, "Aw a enga pawh chu lo nise, enga tinge shoping sak tur a min lo tirh mai loh aw." ngui zet hian a rawn ti chuai raih a.
"Aw le, mahse hei hi chu hrereng ang che, naktûk zîngah min rawn call leh ngei ngei ang che."
"Mihausa fa ho party chu eng ang chiah nge a nih tih te leh, a hnu a thilthleng zawng zawng nen lam ka hre duh a nia ."hnial rualloh hian a rawn ti ta a.
Brinn nen chuan kan inbiakna kan tih tâwp hnu chuan, ka hnunglam hawi tura kan inher chiah chu Jessica lo ding ve reng nen chuan kan in tauh ṭép a.
Ka hmuhthut vâng te pawh a nih ka ring ka phuzawk nghe nghe a ni.
Ngeiawm fe a mi melh pahin "Party maw? A ti deuh khér bawk a.
"Aw ni e." tih chauhin ka chhâng ve.
A hmui hnawihsen takhlar chu, ngeiawm zet a min rawn tih sawihkhum sâwng chung chuan, "Eng party chungchâng nge inlo sawi a ?" A ti leh kher a, a mit hnawih dum vâmham mai chuan min rawn melh râw mai bawk a.
"Zanin hian 414 maple Drive ah party a awm dawn a ni lawm ni?"
A mitmeng chu a rawn danglam nghâl vek, thîp zet a min rawn melh pahin, "i kal dawn a maw,tun in nge sawm che a, tah chuan?"
Vawiin khân Bob's lobster dawr a ṭangin hna ka hmu a, chuan chumi hmun ah chuan eitur kan sem dawn a lawm." ka ti ve hlak a.
Nuih chhuah hak pah chuan, "Oh, ha ! "I tan chuan a vahan ṭha tehreng em." tiin ngeiawm zet chuan min nuih khum leh sâwng a.
"Aw le, Hi tiin ka rawn be em em ang che."
"Oh i kal ve dawn em ni, An ni chu i hria tihna maw? Tu tu nge awm ang le? "Tiin ka zâwt thuai a.
"Engvangin nge chu thu chu min zawh a, summer hun nuamtak hman nan i ti deuh emni? "
"Thil pakhat kan hrilh ang che. I va kal na tur party ah hian maw tumahin eiin semtu uniform ha chu an ûksâk hauh lovang tih hre rawh."
"Ugh tumah mithar ka zawng dawn hauhlo."
"Hey, enge i thusawi awmzia chu?
"Engmah, theinghilh daih rawh." Ka thil tih tum chu ka sawi chhûak teuh hle a ni tih ka inhrîat chuan ka hmui chu ka hup vat a.
Jessica chuan a mitmeng a phûr zeta min rawn melh pah chuan, "Ni love , C'mon sawi mai mai teh! Eng emaw thil ṭha tak te i hre bîk a nih chuan, ka pui em em ang che." a ti ve hluai a.
Chhîn deuh vang vang pahin, a ni hi a vâk chhûak ngun a, Jordan hi a lo hre mial mai thei a ni tiin ka meng chhûak leh a, "Aw le,he thil hi ka hrilh che a nih chuan, ka pa leh i nu i hrilh hauh tur a ni lovang i hria em?"
"Ooooo, thurûk maw? "Aw le, ka tiam a che, ka hrilh hauhlo ang."
Ka aw chu then kharh kharh pahin, " Aw le, online boyfriend ka nei a, a ni chu Hampstons ah hian a chéng a, chuan a ni chuan heti lai hmun a ka awm thu hi a hre lo."ka ti ta a.
"Online boyfriend maw? Oh Ghosh! Ka ngaihtuah a, ka unaunu hrawn hian, hetiang bâk lungngaihna i tawn ka ringlo reng a ni."
"Oh engpawh chu lo nise, zanin party turah hian a ni chu a lo kal ka ring a, a lo berah pawh a awm ve chu ka beisei...."
Mi nuihsawh zet chung chuan ," i boyfreind te chhûngkua chu hetiang party chângkâng ah hian, sâwmna pawh an hmu ve dawn em ni?" A ṭawngkam chu ka nei ru kher mai.
Ka khabe chu tihpoh khum deuhlah pah chuan, "Jessica an sawm ngei ka ring! Chu thil ka ngaihtuahna chu a âtthlâk viau em ni?" Ka tih khum ve fak a.
Hengho mizia ang pu bulah hi chuan, an mize put dan ang chiah a, inchhuang âr a awm ve mai tur.
"Ugh khawngaihin, he i online boyfriend chungchang hi ka ṭhiante bulah chuan sawichhuak lo hrâm ang che."a ti leh nghat a.
"Diktak chuan maw, zanin hian inhre ngailo angin lang dûn ila a ṭhat ber ka ring, a dik em? Ti chuan kan pahnih ve ve a tan pawhin a ṭha zâwk ang ."tiin kal mai tum a a inher lai tak chuan..
"Lo la ngawi lawk teh! "Tiin ka au zui a, zawimuang a ka lam chu rawn hawi leh pah chuan, ninhmel zet hian min melh a,
"Uhm, Jordan Kittrigde tih hi i hriatzawng mi a ni mial em? Tiin inthlahrung deuh tak chuan ka zâwt a.
"Nope , chutiang hming pu ka la hre ngâi hauh lo ."a lo ti hmak a.
Ka bulah chuan rawn kalhnaih pah chuan, Jordan profile ka lo view chu a rawn en a, "Ngawi lawk teh! "Hepa hi emni i online boyfriend i tih chu a rawn ti phâwk hra a.
" Yep , hei hi a nih hi, Jordan ka tih chu"
"Jordan maw a hming ni a?" A hmelah chuan maktihna hlir hian akhat.
"Aw, tinge?"
"Oh uh uhm , Jordan chu ka hre lutuk a lawm."
"I hria a maw? "Tiin rinhlelh hmelzet hian ka zâwt ve thung a.
"Oh aw, tehreng mai, chuan mipa fel tak a nia, Rachel hmeichhe vânnei tak i niin ka hria," a ti deuh hlut a.
"Ka lawm e, tih sap pah chuan , ka sen leh ṭan ṭan tawhin ka ring, "A ni chu zanin hian a lokal i ring em?"
"A kal dawn chiang sa tih hi ka hre mai, hetiang hun te chu a hmaih phal ka ring hauh lo." A nui deuh vawr a.
"A ṭhat hlauh chu , a ni nen hian, a takah vawikhat mah kan la inhmu lo a, zanin party naah hian ka surprise deuh thut ang chu ka lo ti a, eng nge i ngaihve dan? "sen deuh ṭawn ṭawn chung chuan ka zawt a.
"Rachel keipawhin, ka ngaihdan chuan, ruahmanna ṭhatak a nih ka ring, chuan ka rualin lokal mai zâwk la, keima'n inhmuhna hun remchâng te pawh chu ka neih pui bawk ang che." phûr fe hian a lo ti leh a.
Ka ngaih chu a ṭha zân lo. A hma te kha chuan, inhmelhriat anga kal dun pawh kha duhlo in, inhre ngailo ang a awm kha a duh khân ka hre si a.
Chuan, Jordan hi a hming ka sawi lai khan a hre miah lo a, a hmel a hmuh veleh hian a lo hre leh em em bawk si a.
A hming hi a lo hre ṭhin lo pawh a ni mai thei tiin ka ngaih tuah a.
"Eng vangin maw? Ka sawi awmzia chu, engvângin nge tûnah hian ka lakah, i ṭhat chawpchilh viau tâk mai tih hi ka hrethei ang em? " ka ti lét ve khauh a.
"Oh engtin chuan nge kan sawi ang aw.."tiin a mitmeng fing vervék zet chuan min rawn melh deuh zak zak hnu chuan, " tûnah chuan ka hrethiam tawh che pawh kan ti thei tawh ang chu!Jordan hetiang mipa boyfriend a tan i nei thei a nih chuan, mipa khat chu i lo ni ve reng reng e."
"Chuvang chuan nang nen paw'n ṭhian nih hi pawi ka ti ta lo a ni, ka lo rindan che kha a lo diklo hulhual tih pawh ka hre ta bawk a."
"Mi tlawn chîngtak mihring i ni tih hi ka hre mai." tih khum hmak pah chuan rum zet hian ka melh a.
"Ka nu hi a hausa lutuk a, SAT words zir kher ngailo in, college ah pawh ka lût thei."
"Mahse i thu rawn sawi kha chu a dik ka tihpui mai ang che, pawi ka ti lutuk bawk, chuan he thil hi min tih tir thrila ka ti ngawt mai, ka bulah lokalin hepa nen hian keimah ngeiin inhmuh tir thei che ila ka ti ngwwt mai."
"Ka lawm e, Jessica, mahse chutiang chuan i bulah ka lo.kal theilo ang, Greg bulah hnathawk turin ka kal dawn a, min rawn lam ṭep tawh ang, chuan a hmunah pawh min in hmelhriat tir thei tho ang ti raw?"
"Oh, Rachel i â emai , hmun hla tak a ṭangin he i boyfriend hmutur hian i rawn kal a ni a, chuan zanin hian hnathawh thawm hnaw nen maw hmuh i tum a?"
"Ohh zanin a ṭang chuan ka thawk dawn lo reng reng, naktuk a nih hma chuan, mahse a mahnen kal turin ka lo tiam tawh si a, chuvang chuan han ṭhulh leh thut zawng a nuamlo em a lawm, a mahnen chuan kan rawn kal mai dawn nia." ka lo ti a.
"Oh khatiang te chuan tilo mai teh! Kha lobster boy te kha chuan, a mah puitu dang a zawng thei lutuk ang."
"Nilo e, ka lo sawi tawh ang ngeiin, zanin hian ka pui ang tiin ka lo sawi tawh si a , chu ka thutiamah chuan ka din ngheh ngei a ngai ang." ka ti ve fan a.
"Oh , i hnathawh ah hian i rilru i pe hle mai maw!"
Chhâng ta lémlo chuan, "Aw le tunah chuan,ka hnathawhna uniform hâk a ngai tawh tlat mai......"
"Aw le, i thu thu le, tihvat pah chuan, a hmunah kan in hmu dawn nia." tiin min chhuahsan ta a.
Jessica kalchhuah hnu chuan keipawh chuan ka thawmhnaw hâk tur chu la in ka inthlâk ta sawk sawk a.
Greg pawh chu a hnu rei vak lovah chuan rawn thlengin, kan pahnih chuan party neihna hmun lam chu kan pan dûn ta a.
A hmun kan va thlen chuan, pawnlam ah light chi hrang hrang hi a lo de chuaih mai a, a in lah chu a lianin a ropui khawp mai, mi hausa tak chu an ni ang tih chu a hriat mai.
Greg bulah chuan,"Wow, Greg hetiang inlian leh ropui zet hi chu ka dam chhûng pawhin ka nei theilo ang." ka ti ta hial a.
"A ni ang mahse héng mihausa tak tak te hian an neih chu chén viau mahse, kan pahnih a kan neih ang, sum leh pai a lei theihloh hlimna chu an nei hauhlo a nia."
"Tirawh in hnunglam a ṭangin lût ang tih pah chuan, kal chu a rual.ta nghal a.kei pawh chuan engmah sawi leh tawh lo in Greg hnungah chuan ka zui ve ta nghâl a.
Inhnunglam a ṭang a a chhûng kan va lût chu, midang ho chu mak ti zet a thlîr pah chuan," Thil pakhat chu ka hrilh thei ang che, héng mi hausa ho lakah hian nang leh kei chu kan danglam takzet a ni." tiin ka hrilh a.
"En mahrawh helai mi zawng zawng ho hi, bawlhhlawh zet a nun hmang tur a thu pék vek an nih hi, a lo ti ve sup a.
"Mahse mi ṭhenkhat te erawh chu mi ṭha tak an awm ve tho ang tih ka chiang."zahzél a vang a ka kut a ka nghawng tuai neuh neuh pah chuan ka lo ti ve sap a.
Greg chu melh zauh pahin, "chuan zanin chu a vawikhatna a tan ka unaunu hrawn pawh ka chungah a ṭha khawp mai ka rindan in......
Jessica chu kan bul a lo thlen nghal tâk a vang chuan, ka thusawi lai pawh chu ka chhunzawm ta lo a.
"Rachel! rawn tihpah chuan kan bul chu a rawn thlengphei ve nghal a.
Jessica lam chu va hawiphei pah chuan, "Hey Jessica hei hi ka ṭhian Greg a nih hi tiin ka lo in hmelhriat tir a.
Jessica chuan en pawh lo en lem lo chuan, "Eng pawh chu ni se, lokal mai teh! A lo ti a.
"Lungngai reng reng suh! I surprise na tur hi tihchhiat sak che chu ka duh hauhlo a, mahse enge maw thil tlém chu i tih belh hlak a ngai ang.
"Hey lobster boy !
"Uh ,Yeah? " tiin Greg chuan hmel hlim lo zet chuan a lo ti sup a.
"Rachel hi minute reilo te chhûng chu ka hruaihrang lawk dawn a nia.
"Khawngaihin......
Greg chhânna pawh nghâk tawh chuang lo chuan, a kut ṭang vawt thlar mai chuan ka ban rékah chuan rawn vuanin, midang lo awm huai huai nalamah chuan min hruai phei ta a.
Wash room kal lawk ka ngai tiin ka lût ta nghal a.
Ka thin rawn phu deuh dat dat mai leh boruak khamlo ta thut a ka inhriat na te chu Jordan hmu dawn a ka inhriat vang vek chu a ni.
"Aw le, Rachel thâwk han la deuh hlek la ti chuan i zia awm mai ang tiin ka inhrilhru mawlh mawlh bawk a ka tha te chu zawi zovek in, ka kut te chu a khur dar dar mai a.
Pawnlam a ṭang chuan, Jessica aw ngei mai chuan,"Rachel.i va rei ta ve, puih te i ngai em? A rawn ti lâng lang a.
Ka thin phu dap dap mai chu dawm deuh vang vangin, hmel pangai tak put tum ran chuan ka chhuak ve ta a.
"Ti khân i zia deuh tawh em? Tih pah chuan ka awmdan hrethiam zetin min lo nuihsak a.
"Ok, tah hian lo awm la, Jordan chu ka va ko fal ang, tihpah chuan, Jessica chu a kalsawn ta nghâl a.
Mahse a thil tihdan chu ka duh hauhlo, a hma a kan lo inbiak dan zawng zawng te ka ngaihtuah khan, mahni chu lo inti paukhauh lui a, Jessica lokal tawhna lamah chuan ka kal phei ve ta ngat a.
Hall pakhat hi ka va pawh a, chu hall chhûng ka'n lût chiah chu, heti lai hmun ka kal chhan ber mipa hmelṭha tak mai lo ding hmel pa hrâk mai, lo nui sâng mai chuan ka mit a la chiang khawp mai!
A photo aimah chuan a takah a ṭha leh zual.
emaw tihtur khawp chuan, chu a hmel ṭha tak mai chuan min hîp bet nghâl vek mai hian ka hria.
Rang zet zetin ka lungphu te chu a in thumrawn tlut tlut a, ka lungphû te chu ring ta riau a hriatna te hi ka nei hial !
Ka bul maiah chuan Jessica chu ding ve in, "Va kal ta che, he thil hi a nilawm ni i lo nghah chu ka bengbul maiah chuan a rawn ti sap a.
Jordan hmel chu ka va en leh a, a ni chuan min rawn la hmu fuh ve hauh lo.
Chu mipa tluk a ṭha chu he hmunah hian ka hmuh pawh ka in hre lo, a ni chu a ṭha filawr lak hi a ni ber mai.
Ka huaisen na zawng zawng sâwm khawm chung chuan a lam chu ka va pan phei ta a.
A bula ka va thlen chuan, "Jordan..Ahem, Jordan....
Ka va ti chu kalam chu a rawn hawi nghâl a.
A mitmu dum thimruih mi hîp thei zet mai vawi tam tak a thlalâk ka enchâng pawh a ka lo zoom nawn fo na chuan, chîk zet hian ka chhîp a ṭanga ka keler thleng chuan a lo melh dun dun a.
Ka zâm lutuk ka sawitur hrelo chuan, "Uh surprise ! hi ka lo ti ringawt a.
Ka lo sen ṭawn ṭawn ka in ring!
"Helai hmunah hian, summer chawlh rawn hmang turin ka lo kal a...A tâwpah zawng kan han in hmu ta hi ka awih theilo hial zâwk mai.
A hmel chu ka han melh chho a, a ngaihna a hriat loh hmelin, a nuih te pawh chu a za lek lek hian ka lo hria.
"Uh, Jordan ....engmah i sawi ve dawn nange?
A hmel chu rawn rum deuh sawtin, a tâwp a tâwpah chuan a rawn ṭawng chhuak ve ta hrâm a.
A aw pawh chu ka vawikhat hriatna, a thusawi chuan zir phei se chuan, a hmel ṭhat ang angin, aw sexy zet a nei tih pawh ka hai lo.
Mahse a thu rawn sawi zet chuan min va han ṭhawng tak em!
Chu a awril ruih mai leh vawt zet mai chuan, "Tu chu nge maw i nih hrep chu le?" A rawn ti ta a.
..................................................................
No comments:
Post a Comment